Corpus of Electronic Texts Edition
Chronicon Scotorum (Author: [unknown])

Annal CS1020

Kl.

Maolmuad h. Maoilmúaidh rí fFer cCeall do tabairt ar écin a damlíag Durmuighe la Muircertach h. Cárraigh & a marbadh i mMaigh Lena.

Sluaighedh la Maolsechlainn et la h. Néll et la Donnchadh mac mBríain & {MS folio 207rb(315b)} la h-Airt h. Ruairc go tar (expunct.) Sinainn go ttugsat gialla Connacht do Maoilsechlainn.

Cu Luacra mac Concubair ri Ciarraighe Luachra moritur.

Losccadh Cluana M Nois.

Árd Macha do losccadh gusan raith genmothá an teac screabtra & ra loisccedh an damliag nor et an claigtec et an carbad & imad óir & argaid.

Maolmuire comarba Patraic cenn clerech Erenn quieuit.


p.224

Annal CS1021

Kl.

Fras cruithnecda d'fertain i n-Osraighibh.

Branacan h. Maoiluidir ardrechtaire Mide do badhadh la Bealltaine i lLoch Ainninne.

Aodh mac Flainn meic Maoilsechlainn rigdhamna Erenn do marbadh da Uibh Maighteachan d'Feroib Bile.

Longarg h. Maoiliduin secnab Cluana muc Nois quieuit.

Ua Geueannaigh righdamna H. Maine occissus est.

Annal CS1022

Kl.

Ab incarnatione Domini M acus xxii. anno decimo circuli .xui. Sitriucc mac Imair Puirt Lairge do marbadh {le) righ Osraighe.

Mac Leginn mac CairillAirgiall penitens quieuit. {MS folio 207va(316a)}

Maolseclainn mac Domnaill mac Donnchadha airdri Erenn uile, tuile ordain iartair domain, do éc i g-Croinis Locha Ainninne in .xliii. anno regni sui in .iiii. Nonas Septembris die uidelicet dominico luna .ii., millesimo uero ac .xx.ii. post incarnationem dominicam anno, presentibus ac sibi astantibus uenerabilium sanctorum Patricii scilicet et Columbae ac Ciarani heredibus penitens in pace pausauit.

    1. Tri cet port ig an rig
      ima tobair brot is bidh;
      altrom o righ na nduile
      a medhon gach dúine diobh.
    2. Dabach fir na Tulca thiar
      'má ngeba rí Midhe mían,
      Dia Domnaigh ibus digh dhi,
      Dia Luain i maidean Mide.

Muircertach mac Carrthaigh Calma do marbadh on Gut per dolum.

Domnall h. Murchadha Glun Ilair rí an tuaisgirt ri (expunct.) o Ciannacht Glinne Geimhin do marbadh.


p.226

Annal CS1023

Kl.

Ercra greine i mmedhon laoi et ercra esga'sin mís cedna.

Domnall mac Aodha Big h. Maoilseclainn {MS folio 207vb(316b)} leithrí Midhe do marbadh o mac Seanáin h. Leochain & o Luighnibh.

Tádhg mac Bríain do marbadh d'Eilib i ffill iarna eráil do Donnchadh mac Bríain.

Concupur mac Aongusa meic Carrthaigh Calma do marbadh lasna Gotaibh tre celg.

Maelmuire h. Cainnén episcopus Suird quieuit.

Leobelin righ Bretan moritur.

Sluaighedh la h. Concupair la rig Connacht in Uibh Briúin gur marbadh ann Domnall h. EgraLuigne Connacht.

Oenric rí an domain in pace quieuit. Cuanu ra gab dar a éisi righe.

Annal CS1024

Kl.

Ugaire mac DunlaingLaigen et Maolmorda mac LorcainH. Censiolaigh et a mac, tec do gabáil forra og Dubloch do Dunnslebhe gur marbadh ann.

Ioseph mac Duncaidh anmcara Cluana M Nois quieuit, athair Cuinn na mBocht.

Sluaighedh la mac nEochadha go Gallaibh gur losg íad & go ttug gialla Gaoidheal uaithibh.

Cuan h. Lothcain primecius Erenn & saoí senchusa do marbadh i tTeathba & brenait a naonmur {no aonur} an lucht ra marp & as fiort filedh sin. +

Domnáll h. Egra rí an Corainn moritur.