Corpus of Electronic Texts Edition
Chronicon Scotorum (Author: [unknown])

Annal CS1005

Kl.

Raghnall mac Gotfrit meic Arailt ri na Indsi moritur.

Giolla Comgaill mac Ardgail et a da mac et dá ced umpu do marbadh do Maolruanaidh mac Ardgail og cosnam righe Uladh tre meabhail.

Sluaighedh la Brian go fheruib Ereann co Cinel nEogain & go hUlltaibh do cuinngidh giall ar fud Midhe go mbattur aidce a tTailtinn, as sidhe go Ard Macha go mbattur sechtmain ann go fargaibh Brian .xx. unga d'ór for altoir{MS folio 204ra(310a)} Aird Macha. Lottur as sidhe go Dal Araidhe go ttugsat aitire Dail Araidhe et aidire Uladh.

Ath Cliath do losccadh do deisgert Breg i merle.

Cinaodh mac Duibh meic Maoil ColuimAlban do marbadh la Maol Coluim mac Cinaodha.

Aodh espoc Treoide quieuit.

Domnall episaapus Mainistrech quieuit.

Muiriccan Boct comarba Patraic .iii. annis quieuit.

Annal CS1006

Kl.

Impodh sidh & soininne & bid isin gemriudsa gur fás an duille et an crim ann.


p.212

Maolruanaidh mac Aodha h. Dupdah. fFiacrach Muirisg & a mac.

Morsluaighedh ffer nErenn la Brían mac Cinnédigh la righ Muman go Cinel Conaill & Eogain do cuinngidh giall tre lar Connacht for Es Rúaidh dar lar Conaill tri Cinél Eogain co Belach Duin. Ro giallsat imorro Ulaidh don fect sin et ní tugsat gialla ó Conall no o Eogan.

Maol na mBoH. Censiolaigh a suis occisus est.

Airmedach episcopus Aird Macha quieuit.

Annal CS1007

Kl.

Maolruanaidh mac Ardgail ri Uladh occisus est o Madudan mac Domnaill. Madudan mac Domnaill dano do marbad don d-Torc for lar Duin dar ertech naom Erenn.

Cu Connacht mac Dunadaigh taoisech Sil Anmcadha {MS folio 205ra(311a)} do marbad tre célg la Murchad mac Briain.

Atnuadhadh aonaigh Tailten la Maolseclainn.

Eneclár altóire moire Cluana muc Nois do cennach la Maolsecláinn mac Domnaill & seche cech lis a Midhe da cinn.

Soisgela mor Coluim Cille do dubgait isin aidqe asind erdum a ndaimlíag móir Cenannsa. An soisgela mor Colaim Cille d'fagail a ccinn raithe iar ngait a óir de et a argait & fóit tairis.

In TorcUludh occisus est tre nert De & Padraic.

Domnull mac Duib T{u}inne ri Uladh do marbadh do Muiredach mac Madudain et do Uargaeth Slebhe Fuait.

Tuatal h. Maolmacha comarba Patraic i mMumhain.

Annal CS1008

Kl.

Ferdomnach comarba Coluim Cille quieuit.

Sicc mor & snechda o .uiii. {Id.} Enair go Caisc.

Muiredach suiepscop mac bratur Ainmire Boicht do múchadh a n-uaim a n-Gailengaib Corainn ó h. Ruairg.

Annal CS1009

Kl.

Dubhcablaigh ingen righ Connacht ben Briain meic Cinnedigh moritur.

Madudan ri Síl Anmchadha occisus est a fratre suo.


p.214

Clothna mac Aongusa primfile Eirenn moritur.

Tadg Dubsuilech mac righ Connacht occisus est ó Conmaicnib. {MS folio 205rb(311b)}