Kl.
Cu Caille h. Domnaill rí Durluis do marbadh tre meabail do h. Nell .i. do Aodh.
Imur Puirt Lairge moritur.
Na Gaill a n-Ath Cliath .c. iterum & a ngell do Brían.
Flaithbertach h. Canannan rí Cinél Conaill occisus est a suis.
Ceallach h. Maoilcorgus príméces Connacht moritur.
Cedimpódh Briain et Connacht ar Maoilsecláinn. Slúaighedh la Brian mac Cinnedigh go slogaibh Desgeirt Connacht et go n-Osraighib & Laignibh & Gáill Atha Clíath do torrachtain Temrach acht do cottur na Gaill crech marcach rempa a Magh mBregh conustarraidh Maolseclainn et co ttug a n-ár. Do deachaidh Brian iar sin go Ferta Nime i Maigh Bregh gan cath gan innradh.
Kl.
Fergal mac Coming rí Ailig moritur.
Maol Poil episcopus Cluana M Nois et comarba Fechin quieuit.
Tochor Atha Luain do denum la Maolseclainn mac Domnaill et la Cathal mac Concupuir. {MS folio 204rb(309b)}
Diarmaid h. Lachtnain rí Teabta occisus est a suis.
Tochor Atha Cliath do denum la Maolsecláinn goruige leth na habann.
Brían regnare incipit.
Kl.
Fland mac Eogain ardbreithemh Leithe Cuinn moritur.
Sluaicchedh la Brian go hAth Luain go rug gialla Mide & Connacht.
Merlechan mac Cuinn righ Gaileng do marbadh la Maolseclainn.
Maolmuadh mac Duibgille rí Dealbna Betra etra, uel b- moritur.
Cumsgugadh h. Begulain i c-Cluain M Nois.
Sluaicchedh la Brían et la Maolsecláinn go fferuib Erenn umpu eitir Connachtaib et Muimnechaibh & Laighnechu & Gullu go rige Dún Dealga i g-Conaillebh. Aodh mac Domnaill h. Néll airdri [gt ]Ailigh et Eochaidh mac Ardgail rí Uladh co nUlltaibh et Cinél Eogain et Conaill et Airgialla conar leigset secha sen gur sgarsattur fo osadh gan gíall gan aidire.
Kl.
Flannchadh h. Ruadain do Corca Mogha comorba Ciaráin Cluana M Nois quieuit.
Dunchadh h. Manchain comarba Caoimgin quieuit.
Ceallach mac Diarmada rí Osraighe do marbad do mac bráthar a atur .i. Donnchadh mac Gilla Patraic.
Aodh h. Confiacla {.i. rí Teabta} do marbad do Uíbh Conchille.
Kl.
Brian mac Maoilruanaidh rí Iartair Connacht do marbadh da muintir tre celg.
Eochaidh h. Flanducain {MS folio 204va(310a)} airchinnech liss aiged Aird Macha & sui sencusa Gaoidel quieuit.
Cath Craoibe Telcu eidir Ulltaib et Cinel nEogain gur maidh for Ulltaibh go ttorcuir ann Eochaidh mac Artgail rí Uladh et Duphtuinne a brathair & da mac Eochadha .i. Cu Du{i}ligh et Domnall et Gairbith rí H. nEchach et Gilla Patraic mac Tomaltaigh et Cumusccach mac Flaithri et Duphslanga mac Aodha et Cathalan mac Etroch et Conene mac Muircertaigh & forgla Uladh archena & ra siacht a n-iomguin go Dún Ecach et go Druim Bó. Aodh mac Domnaill h. Nell ri Ailigh et righdamna Erenn do tuitim a ffiithguin an catha. Donnchadh h. Loingsigh rí Dail Araidhe & rigdamna Uladh do marbadh arna marach do Cinél Eogain.
Naoman mac Maoilciaráin primcerd Erenn moritur.