Kl.
Cenannus d'argain d'Amlaibh Cuaráin go n-Gallaibh & go Laignibh go rug boruma mor les & co farccaibh sochaidhe dia muintir um Bresal mac nAilellen & gur bris maidm for Oibh Nell og Ard Maolcon.
Cath Cille Mone re Domnall mac Congalaigh go n-Gallaibh Atha Cliath for Domnall mac Muircertaigh for righ Temrach dú a ttorcair ile um Ardgar mac Madudain ri Uladh, um Donnagán mac Mailmure rí Airgíall & im Fergus Fial rí Cuailgne & um h. Cuilennain rí Conaille et alii nobiles.
Proinntech Lainne Leire do losccadh la Domnall mac Muircertaigh ri Temrach & cetra ced do dul martra ann eidir fira & mna.
Lugbadh et Druim Inasglainn d'argain la Glun hIlair .i. Murchadh.
Kl.
Cuilen mac Builb rí Alban do marbadh do Bretnaibh a ttigh tenedh.
Domnall mac Muircertaigh do innarbadh a righe Midhe do macoib Aodha.
Tuathal comurba Ciaráin & episcopus subita morte post ieiunium treduanum obiit.
Maolsamhna comorba Cainnigh quieuit.
Domnall mac Muircertaigh iterum i Mide gur loft eidir cealla et daine do neoch fúair ar a cénn.
Maonach mac Maeilmichil episcopus Cluana muc Nois.
Niall mac Aodha ri Uladh moritur.
Kl.
Cath eitir Ulltaibh et Dal nAraidhe dú a ttorcair Aodh mac {MS folio 201va (304[bis]a)} Loingsigh rí an Coiccidh et alii. Eochaidh uictor fuit.
Cluain Iraird & Fobar et Lann Ela & Disirt Tola do losccadh et d'argain la Domnall mac Muircertaigh.
Murchadh mac Finn ardrí Laigen do marbadh la Domnall Cláen tre tangnacht.
Kl.
Concupur mac Taidg airdrigh Connacht {moritur}.
Cath Ceisi Corainn eidir Glun hIlair et Connachtaibh dú a ttorcair ile um Cathal mac Taidg rí Connacht & Tadhg mac Muircertaigh ri H. nDiarmada & Murchadh mac Flainn meic Glethnechain taoisech Clainne Murchadha & um Gebennach mac Aodha ri H. Maine & um Serrach h. fFlaithbertaigh {i ffrithguin} & alii. Inradh Connacht la Glun hIlair .i. Murchadh iar sin.
Beccan comorba Finnen episarpus quieuit.
Ailill mac an Laignigh comurba Caoimgein quieuit.
Kl.
Maidm for Domnall mac Congalaigh re n-Donnchadh Fionn mac Aoda du a ttorchair Congalach mac Laidhgnén & Cathal mac Flannagain & alii.
Muircertach mac Aoda .i. rí Mide .i. meic Flainn h. Maoileclainn do marbadh la Domnall mac Congalaigh.
Donnchadh Finn mac Aoda meic Flainn do marbadh la Aed for faosam Bernain Ciarain tre meabail.
Murchadh Glun Illair airdri Ailigh do marbadh la Cinel Conaill.
Maidm for H. cCinnsiolaigh ria nOsraighibh dú a ttorchair ile um Donnchadh mac Ceallaigh {MS folio 201vb (304[bis]b)} ri H. cCinnsiolaigh et alii nobiles.