Corpus of Electronic Texts Edition
Chronicon Scotorum (Author: [unknown])

Annal CS939

Kl.

Dath fola forsan ngréin o tosach láoi go medhón láoi arnamarach. {MS folio 198va (299a)}

Toghail Ailigh for Muircertach mac Néll o gentibh et a irgabáil doibh gur fuaslaicc Dia uataibh.

Fir Muman et uel um Ceallachan co n-Gallaibh d'argain Mide et Cluana Eidhnech et Cille Aiched go Cluain Iraird.

Finachda mac Ceallaigh comurba Daire.

Maidm ria Congalach mac Maoilmitidh for Gailengaibh dú a ttorcair trí .xe. díob.

Domnall mac Lorcain ri Aidne quieuit a cClúain muc Nóis.

Canoin Padraic do cumdach la Donnchadh mac Néll.

Annal CS940

Kl.

Sluaighedh la Donnchadh h. Maoileclainn et la Muircertach mac Nell co Laignibh is go fira Muman gur gabsad a ngialla.

Aralt mac h Imair .i. mac Sitric ri Gall Luimnigh do marbadh la Connachtaibh.

Níall mac Fergaile rídhamna Ailigh do marbadh la Muircertach mac Néll.

Lann ingen Donnchadha rigan rí Ailigh moritur.


p.176

Coibdenach ab Cille Achaidh do bádhadh a muir Delginnsi.

Annal CS941

Kl.

Gaill i n-Inis Mochta iar lec ega {MS folio 198vb (299b)} gur oirgsiod hí.

Muircertach mac Néll go feraib an Ocla et Bregh do dol a ttír n-Osraighe.

Amlaibh mac Gotfrit ri Finngall et Dupgall mortuus est.

Ár na nDése do cur la Cellachán et la feraibh Mumhan dú a ttorcrattur da mile.

Murcablach la Muircertach mac Nell go ttug orgain a hInsib Alban.

Ár Gall do chur la h. fFoilge .i. la h-Amirgin mac Cinaodha et la Cinel Fiachach et da ced décc do marbadh ánd a Maigh Ceisi.

Orlaith ingen Cinneididh meic Lorcáin do bas la Donnchadh mac FlainnEirenn iarna liudh for Aongus for a mac.

Muircertach mac Neill do dul go Caisiol do thaigid rathaigis for CeallachanCaisil go ttug Ceallachan leis go ttárd a laimh Donnchadha meic Flainn ri Eirenn é.

Annal CS942

Kl.

Dunchadh episcopus Cluana M Nois quieuit.

Faolan mac MuiredhaighLaighen d'écc d'esgor.

Da mac Lorcan meic Dunchadha do marbadh la Congalach mac Maoilmithidh. {MS folio 199ra (300a)}

Clúain M Nois d'argain do Gallaibh Atha Cliath ocus do Blaicaire mac Gotfrith.

Dunflait ingen Maoilmithidh moritur.

Orgain Dúin Lethglaisi la mac Raghnaill et mac [canc.]et mac Raghnaill do marbadh la Madudan la righ Uladh re cenn sectmuine fri enec Pádraicc.

Annal CS943

Kl.

Muircertach mac Nell ridamna hErenn do marbadh ac Áth Firdhiam do Gallaibh Atha Cliath & orgain Aird Macha o gentibh.

Cathraoinedh re h. Canannain la Ruaidri for Cinel nEogain co n-Gallaibh Lochu Feabail ubi multi ceciderunt um Maelruanaidh mac Flainn righdomna an tuaisgeirt.


p.178

Dublena ingen Tigernain righ Breifne ben righ Temrach .i. Donnchadha meic Flainn moritur.