Kl.
Flaithbertach a righe Caisil.
Gaill do tiachtain a n-Erinn a b-Port Lairge.
Sluag and Ochlai & Ulaid um Niall mac Aodha i Midhe go Greallach nEillte. Cathraoinedh ré Flann mac Maoileclainn cum suis filiis form ainnsen dú a ttorcair dream diob um Fergal mac Aongusa meic Maoilduin et um Maolmordha mac n-Eiremoin mic Aodha d'Ultaibh & um h-Erudan mac Gairbith flan h. mBresail et um Diarmaid mac Sealbhaigh ri Dail Riada & um Maolmuire mac Flannagain ri Fernmaighe et alii et Domnall mac Gairbith ri Conaille et Comucan mac Airectaigh.
Kl.
Oengus mac Flainn meic Maeilechlainn ridamna Eirenn in matura {senectute} periit .lx. no .xx. die post bellum Greallaigi quo iugulatus est unde periit .lx. die.
Domnall mac Aodha meic Nell ri {MS folio 196ra (294a)}Ailigh post penetentiam periit.
Maolciarain mac Echucain princeps Cluana Eois dormiuit et Muccnama episcopus Aird Macha & dalta Fethgna.
Sgannlan episcopus Tamlachta quieuit.
Orgain Corcaighe et Lis Moir et Achaidh Bo o gentibh.
Kl.
Cobflaith ingen Duibdúin abbatissa Cille Dam quieuit.
Maolbarrionn sagart Cluana M Nois quieuit.
Fogurtuch mac Tolairc ri Deisgirt Bregh quieuit.
Flann mac Maoileclainn ri Erenn uile in .uiii. Kl. Iuin.uii. feria .xnuii. anno regni sui defunctus est hi Cind Eich muintire Cluana.
- Truagh sin a Eiri iodhnac
et do daoine doghrach
o testa Flann
[...]
marb
do ri rogorm roghlach.
Anoroit mac Ruarach ri Bretan moritur.
Niall Glundup mac {Aodha} regnare incipit.
Oenach Taillten d'atnuaghadh la Niall.
Kl.
Sluaicchedh ffer nErenn la Niall mac Aodha go Gallaibh Locha da Cech gur marbta Gaill & Gaoidhil ann um righ Cairrge {MS folio 196rb (294b)} Brachaide & um taisech h. Cernaigh .i. Maolfinnén mac Donnagáin & um taoisech Cremtainne .i. Fergus mac Muirigén & alii multi occisi sunt.
Catraoinedh Cind Fuait for Laignibh re n-u{a} Imair; se ced uel amplius iman rigraidh et imon airdricch .i. Ugaire mac Aililla & im righ Airthir Life .i. Maolmordha mac Muirigén & um Mugron mac Cindedigh ri na ttri Comann & Laichsi & Cinaodh mac Tuatail ri h. Feneclais et alii multi et iman ardepscop.
O{r}gain Cille Dara do Gallaibh Cinn Fuait.
Gabáil Atha Cliath do Gallaibh ar hécin for feraib Erenn.
Niall Glúnduph go fforgla ffer nErenn et co feraibh Bregh & Midhe hi crich Mumhan co ffarccaibh drem mór dia muintir ánn .i. um righ Teabhtha .i. Donncuan mac Flannagáin & um righ Cairrge Brachaide.
Coisne mor in hoc anno & snecda adhbal co tard ar for innilib.
Kl.
Muirenn ingen Suairt abbatissa Cille Dara quieuit.
Ceall Dara d'argain do gentibh aridisi o Ath Cliath.
Eithne ingen Aodha meic Nell rigan ffer mBreg et Mór ingen Cearbaill meic Dungaile rigan {MS folio 196va (295a)} Laigen Desgabar in penitentia quieuerunt.
Tigernach h. Clerigh ri Aidhne mortuus est.