Corpus of Electronic Texts Edition
Chronicon Scotorum (Author: [unknown])

Annal CS903

K.

Caoincomrac episcopus et princeps.

Ceallach mac Saorgusa episcopus Aird Macha quieuit.

Maolfinnian ri Bregh moritur.

Duiphgilla mac Eidirsgeóil ri h. Cinnsilaigh {moritur}.

Annal CS904

Kl.

Ioseph {.i. Loca Con d'Uib Fiacrach an tuaisgirt} abb Cluana M Nois in pace quieuit.

Saruccadh Cenannsa la Flann mac Maoileclainn for Donnchadh .i. a mac fadhesin et alii multi decollati sunt circa oratorium.

Dungal mac Baithine princeps ogus episcopus Glinne da Locha quieuit.

Fogurtach mac Maoilruanaidh ri Cineoil Conaill moritur.

Cairpre Cam episcopus Cluana M Nois quieuit. As do tuargaib spirit Maoilseclainn meic Maoilruanaidh cenn.

Ead ri Cruithentuaithe do tuitim fri da h. Imair & fri Catol go d. cedoibh.

Ailech d'argain do Gallaibh.

Annal CS906

K.

Flann mac Domnaill ridamna an Tuaisgirt moritur.

Eignecan mac Dalaigh ri Cinel Conaill moritur.

Sluaighedh la Flann mac Maoilechlainn et la Cerball mac Muireccén co firu Mumhan coro inreaadar ó Gabrán co Luimnech.

Annal CS907

Kl.

Colman episcopus Daimhliag et Lusga quieuit.

p.156

Feirgil episcopus Findabrach quieuit.

Sluaighedh fer Muman la Cormac mac Cuilennain et la Flaithbertach go Magh Lena gur tinoilsit Leth Cuinn doibh annsin um Flann mac Máoileachlainn go raoinedh for Leth Cuinn.

Annus mor{t}ahtatis.

Sluaicchedh oile la Cormac et la Flaithbertach for Ua Néll & for Connachta co ttugsat gialla Connacht et gur ortattur insi Locha Ribh assa coblach.

Cain la Cele Cleirech for Leth Cuinn.

Annal CS908

Kl.

Sluaigedh la Cinel nEoghain .i. la Domnall mac Aodha et la Niall mac Aodha gur loisccsid Tlachtga.

Bellum Bealaigh Mugnai re Laignibh & re Leith Cuinn for feraib Muman in quo Cormac {mac} Cuilennain ri Caisil scriba optimus atque episcopus & ancorita & sapientissimus Gaoidiol occisus est .i. Fiach h. Ugfadan o Dennlis isse ro mharb Cormac. Fogertach mac Suibne ri Ciarraighe Cuirchi {&} Ceallach mac Cearbaill ri Osraighe occissi sunt, Ailill mac Eogain princeps Trin Corcaighe et Maolmordha ri Rat Ailinne et Maolgorm ri Ciarraighe Luacra .ui.m. ibi multi ceciderunt. Colman princeps Cinn Eittigh & ri Corcu Duibne & alii multi nobiles qui non numerati sunt, ut dixit:

    1. Cormac Feimin, Fogartach,
      Colmán, Ceallach cruaid nugra
      adbathad co n-ilmilibh
      a ccath Bealaigh muaidh Mughna.
    2. Flann Temra don Tailtenmagh,
      Cearball do Carmain cionach,
      i septdecim Septembir
      claoisiod cath cedoibh ilach.
    3. In t-epscop, an {t-}anmcara,
      an sui ba sochla fordarc,
      ri Caisil co n-ilmainib:
      A De, dursan do Cormac.

      4. Cormac.

p.158

Fland mac Maoilechlainn ri Temrach, Cerball mac Muirigen ri Laigen, Catal mac Concupuir ri Connacht uictores erant.

Maolograi mac Congalaicch ri Lochu Gabar per dolum occisus est o Fhogurtach mac Tolairc.