Kl.
Ceallach mac Cumasccaigh ab Fobair.
Connmach ab Cluana Muc Nois quieuit: do Cinel Echach Gall dó.
Daniel ab Glinne da Locha quieuit.
Cannan mac Dáluigh {MS folio 191rb(284b)}ab Daimlíag quieuit.
Fergus Roiss Ailitre scriba quieuit.
Cath Cille h. nDaigre re nAodh Finnliath mac Nell ri Teamrach & re Concupar mac Taidg rí Connacht .i. uiii. Id. Septembir oc Cill h. nDaigre for Aibh Nell Breg & for Laignib & for slúgh mór do Gallaibh .i. tri ced no ní as uille; coig míle do Flann mac Conaing & aen míli d'Aedh Finnliath; in quo bello ceciderunt Flann mac Conaing rí Bregh uile et Diarmaid mac Eidirsceli rí Locha Gabar et Gaill iomdha do marbadh ann & Factna mac Maeiliduin rigdomna an Fhochlai do-rocair a frithguin an catha.
Eruptio i{g}notae aquae de Monte Cualánn cum pisciculis atris ingnadh.
Rectabra mac Murchadha abb Corcaighe quieuit.
Kl.
Martan do Dartraigib Daiminnsi ab Cluana Muc Nois & Daiminnsi quieuit.
Dunlung mac Muiredhaigh rí Debulaigen moritur.
Flann mac Fercair equonimus Aird Macha moritur.
Maelciarain mac Ronain righnia Airthir hErenn fennidh foghla Gall iugulatus.
{MS folio 191va(285a)}Orgain Áird Macha o Amlaoibh gur loisccedh cona dertaighibh .x. ced eidir braid et marbadh & slatt mor archena.
Donnacan mac Cedfadha rí h. Cindsiolaigh iugulatus est dolose a socio suo.
Kl.
Suairlech ind Eidnen episcopus & ab Cluana Iraird religiosus totius Hiberniae quieuit.
Inradh Laighen la Aodh Finnliath mac Neill o Ath Cliath go Gabran.
Maelsechlainn mac Nell leithrí deisgirt Bregh interfectus est dolo ó Fulf Dubgall.
Dalach mac Muircertaigh dux Cinel Conaill a gente sua iugulatus.
Maongal episcopus Cille Dara quieuit.
Kl.
Cathalan {mac} Indrecduigh leithrí Uladh iugulatus est dolose a consilio Aodha.
Amlaib & Imar do toicchecht arisi do Ath Cliath a Albain díbh cédoibh lóng et creach mor daine .i. do Saxanaibh & do Breatnachaib do tabairt leo docum hÉrenn.
Oilill mac Dúnlaing rí Laigen a Normandis interfectus est.
{MS folio 191vb(285b)}Ailill episcopus & ab Fobair quieuit.
Kl.
Gnia princeps Daimliag et episcopus .lxxxuiii. anno aetatis suae finiuit.
Cennfaoladh h. Mochthuigern ri Caisil extenso dolore quieuit.
Feardomnach {.i. do Mughdornaibh} princeps Cluana Muc Nois quieuit.
Ardgal rex Britanorum Sratha Cluaidhe de consilio Constantin meic Cinaodha occissus.
Maoltuile h. Dunan episcopus Tulen quieuit. As é an Maoltuili-si tuc monoir cath eitir firaibh Teabtha & Gailenga & Fir Cúl ig cosnamh Tulen & ro meabadh for Gailengaibh & for Fira Cul & ro marbaid a n-ar for faithce an baile & Coindr an catha ainm an inaidh a ttuccadh o sin alle.
Mugron mac Maeilcothaigh leithrí Connacht moritur.