Kl.
Sluaccadh mor diar loisccedh Muma a n-áon lo la Maolseclainn mac Maolruanaidh co feraibh Erenn co ttugsad maidm for feraib Muman oc Carn Lugdach gur faccbadh ann Máolcróin mac Muiredhaigh leithrí na n-Dése. Tucc Maelseclainn gialla Muman ó Comur Trí nUisce co Innsi Tarbna iar n-Érinn & o Dún Cermna co hArainn nAirthir.
Ceallach mac Guaire rí Laighen Dessgabair .i. Ui Cinnsiolaigh moritur.
Maidm ria Cerball & ria n-Iomar a ccrich Aradh Tire for Cinel Fiachach go Gall-Gaoidhealaibh Leithe Cuinn .i. .cccc. ar se míle a lin side.
Kl.
Suarlech ab Achaidh Bo quieuit.
Faolgus ab Ruis Cre quieuit.
Rigdail maithe Erenn og Raith Aodha meic Bric um Maelseclainn rí Temra & um Fethgna comarba Padraig et im Suarrlech comurba Finnein {MS folio 190va(283a)}ag denamh shithe et caoincomraic fer n-Erenn conidh
Maolguala rí Muman a Normandís occissus est lapidibus.
Kl.
Sloicchedh Laighen et Mumhan et Connacht et H. Néill an deisgeirt isa fochla la Maolseclain rí Temra co ndesidh ag Maigh Duma a ccomfocus Áird Macha co forbart Aodh mac Néll & Flann mac Conaing an dunadh a n-aidchi cor marbsat daoini for lár an dunaidh & ro meabadh for Aedh go ffargaib ile.
Kl.
Inradh Midhe d'Aodh {.i. Finnliath} mac Neill Caille co n-Galloibh.
Gormlaith ingen Donnchadha rigan Gaoidheal iar n-aithrighe do héc.
Cath Droma da Maighe la Maolseclainn mac Maolruanaidh ar Gallaibh Atha Chath.
Kl.
Domnall mac Elphin rex Pictorum.
Sloiccedh la Aodh mac Néll la rígh Ailigh et la Flann mac Conaing do indradh Midhe.
Dalach mac Maoil{MS folio 190vb(283b)}raitte ab Cluana Iraird quieuit.
Maolseclainn mac Maolruanaidh ri Erend uile .ii. Kl. Decimbris .iii. feria anno regni sui .xui. defunctus est.
Ruarcc mac Broin [...] iugulatus est ó Ibh Néll.
Aodh Finnliath mac Neill regnare incipit.