Kl.
Amlaibh mac rí Lochlainne do toigecht a n-Erinn gur giallsat Gaill Erenn dó et cíos o Gaoidealaibh dho.
Eachtaigern mac Guaire rí Laigen Desgabair iugulatus est dolose ó Bruattar mac Aoda et o Cerball mac Dungaile et Bruattar mac Aoda iugulatus est dolose a sociis suis in .xluii. die post iugulationem Echtaighern.
Catal mac Tomaltaigh leitri Uladh a Normandis interfectus est.
Kl.
Maolseclain ri Temra do dul co feroib Muman corige Indein na nDesi et a ngialla do tabairt.
Inrachtach h. Finnachta heres {MS folio 190ra(282a)}Colaim Cille sapiens optimus .iiii. Id. Mardi apud Saxones martiristat.
Murgel righan Laigen mortua est.
Kl.
Abbatissa Cille Dara {.i. Catrian} quieuit.
Crech la Aodh mac Néll co hUlltu co fargaib Connecan mac Colmáain & Flaithbertach mac Néll & socaidhe archena.
Ailill abb Achaidh Bo moritur.
Kl.
Cuisne mór & siocc gurb imdecda primlocha & primaibne Erenn do coisigibh et do marcachaibh a .ix. Kl. Decimbris usque ad .uii. Id. Ianuarii. Tempest{u}osus annus.
Máelseclainn mac Maelruanaidh a c-Caisil go ttug gialla Muman.
Coccadh mor eidir gentibh et Maelseclainn co Gall-Gaoidelaibh leis.
{Occissio Gormain meic Lonain ridamno Caisil o gentibh i Loch Ceann anno Domini dccclui}.
Duirtech Lusca do losccadh a Normandis.
Horm taoisioch na nDuibgente iugulatus est la Ruadraig mac Mermein ri Breton.
Sodomna episcopus Slaine martirizatur a Normandís.
Morss Nell meic Gilláin íar mbeith dech mbliadna fiched gan biadh gan digh.
Kl.
Raoinedh re nÍomur & re n-Amlaíbh{MS folio 190rb(282b)} for Cathal Finn co n-Gall-Gaoidealaibh a tirib Muman.
Maongal ab Faba{i}r quieuit.
Madudan mac Muircertaigh rí Uladh moritur.
Triar do losccadh a tTailltin fulgore.
Bran mac Scanlain ri Gabrain.