Corpus of Electronic Texts Edition
Chronicon Scotorum (Author: [unknown])

Annal CS823

Kl.

Conaing {.i. mac Congaile} rí Teathba.

Congalach mac Irgalaigh tanaisi abbad Cluana Muc Nois.

Lex Padraic for Mumain la Feidhlimidh mac Crimthain.

Ronan ab Cluana Muc Nois do ága{ibh a} abdaine.

Saruccadh Cluana Muc Nois do Cathal mac Aililla rí h. Maine for secnabad Muman .i. Flann mac Flaithbertaigh do Uib Forga contard isin Sinainn contorcair. Dligedh .uii. cell inn.

Maidm ria Cathal mac Oilella for Fedlimid mac Crimthain a Maig hÍ ubi multi ceciderunt:

    1. Robtar trena
      Connachta a Maigh nÍ;
      Nibdar fanna
      Ria Fedlimidh.

Gentiles inuaserunt Bendcur Mór.

Galinde na Bretan exustum est o Fedlimidh mac Crimthain {cum tota} habitatione sua et cum oratorio.

Tene do nimh forsa forudh n-abad a n-Árd Macha gor loisg.

Mors Fergusa meic Loingsicch ab Aird Macha quieuit.

p.110

Annal CS824

Kl.

Orgain Bendcair a gentibus.

Cath Fionnabrach in quo ceciderunt Aodh mac Fogurtaigh et ailii.

Annal CS825

Kl.

Díarmaid h. Aodha Roin ancorita & religionis doctor Hiberniae.

Magna pestilentia in Hibernia a senioribus & infirmis. teidmor

Gorta mor & ircra aran.

Argain Dúin Lethglaisi ó gentibh.

Losccadh Muighe Bile cona erdaimibh ó gentibh.

Rainiudh i Maig Inis re nUlltaib for gentibh in quo ceciderunt plurimi.

Raoiniudh for Osraigibh ó gentibh.

Orgain Innsi Daimle o gentibh.

Martra Blaithmaic meic Flainn o gentibh i n-I Coluim Cille 5.

Annal CS826

Kl.

Níall mac Diarmada rí Mide moritur.

Mac Loingsigh ab Áird Macha, moritur.

Art mac Diarmada rí Teabta iugulatus est.

Clemens ab Cluana Iraird quieuit.

{MS folio 184va(275a)}Guin Artrach meic Muirgesa rí Teabtha.

Lex Da-Íre co Connachta iterum.

Annal CS827

Kl.

Saruccadh Eogain a n-Ard Macha la Cumasccach mac Cathail do rí Airgiall & la Airtri mac Concupuir conadh uime sin adbert Eogan fer leiginn Mainistrech ann rann sa diar cuir a sailmceadluidh d'agallam Nell Caille d'iarraidh comurbuis Patraic do cosnamh dho:

    rann
    1. Abair le {Niall} niamda
      Guth Eogain meic Anmchada,
      Na biodh san rige a rabha
      Munab abb a anmcara.

Airtri mac Concupair baoi a ccomurbus Patraic an uair sin; mac mathar eside do rí Oirgíall .i. do Cumusccach mac Cathail. As e a

p.112

cumair tinoilid na righ a slóigh & fertur cath Leithe Caim a Maigh Enir ria Níall mac Aodha for Airgiallibh & for Ulltaibh in quo ceciderunt Muiredhach mac Eachach rí Uladh et Cumusccach mac Cathail rí Airgiall et Congalach a brathair et alii reges d'Airgiallaibh & ro gab Eogan Mainistrech ardcomurbus Patraic fri re .ix. mbliadan iar sin tre nert Neil Caille, conidh do tairrngire {MS folio 184vb(275b)} an catha sin do can DaCiaroc sanctus Aracuil .i. cell:
    1. Lethe cam,
      Do fáosad mor ngalngad ann,
      Tarrustur o Lethe Luin
      Cidh cian cidh cuin cidh mall.

As ag tarrngaire an catha sin aspert Bec mac De:

    rann
    1. Lethe cam,
      Conricfaid días amnus ann,
      Bidh rí Eoghan ar Eogan,
      Árd an gleogal bías ann.

Seanóir do muintir Aird Macha cecinit a aithle an catha:

    1. Nima rucsam ar mbaire,
      Nima lodmur sec Lere (.i. Lann Lere6)
      Nimar gabsamur Eogan
      Sech cech ndeoraidh in hEre.

Secnopote Cluana Muc Nois do tabairt do Muimnechaibh na raba riam.