Corpus of Electronic Texts Edition
Chronicon Scotorum (Author: [unknown])

Annal CS559

Kl.

Brénainn aecclesiam Cluana Ferta fundauit.

    1. O gabais mac hui Eltai,
      Brenaind {MS folio 170va(247a)}go líon a bectai,
      Acht mas ferr ní messa de
      O sin go se Cluain Fertai.

Ascensio Brenaind in curru suo in aerem.

Annal CS560

Kl.

Caena postrema {.i. Temra} la Diarmaid mac Cerbaill.

Mors Gabráin meic Domangoirt rí Alban.

Teithedh d'Albanchoibh ría mBruighe mac Maelcon rí Cruithnech.

Iugulatio Cornain meic Aedha meic Echach rí Connacht la Diarmaid mac Cerbáill ar cumairce Colaim Cille, et as aire sin tuccadh cath Cuile Dremne.

Annal CS561

Kl.

Bellum Cuile Dreinme {.i. i cintu} for Diarmaid mac Cerbáill. Fergus et Domnall da mac Meic Erca & Ainmire mac Senna & Nindidh mac Dúach & Aodh mac Eachach Tirmcarna ri Connacht uictores erant per orationem Coloim Cille dicentis:{MS folio 170vb(247b)}

    1. A Dhia,
      Ciodh nach dingba an cia
      Dus an ermaismis a lin,
      An tsluaigh do boing breta din?
    2. Sluagh do cing a ttimcell cairn
      Is mac ainfthe nosdusmairn.
      Ase mo drú ni mera no [mel]l[a]
      Mac Dé is finne congena.

      3. p.34

    3. As alainn ferus a lluadh
      Gobar Baedain resin slúaigh;
      Fo-la Baodán fuilt buidhe,
      Beraidh a heren fuirre.

Fraechan mac Tenusan as é do rad an erbe ndrúadh do Diarmaid mac Cerbuill. Tuatan mac Dimain meic Sarain meic Cormaic meic Eoghain as é ro ládh an erbe ndruadh dara cenn. Maglaine ro cing tairsi qui solus occisus est.

Annal CS562

Kl. ui.

Cath Cuile hUinnsend a tTeffa for Diarmaid mac Cerbaill ria n-Aedh mac Brenainn rí Teffa in quo Diarmaid fugit.

Annal CS563

Kl.

Nauigatio Coluim Cille ad insolam Iae .xl ii. anno aetatis suae.

l Kl Cath Mona Daire Lothair for Cruithnechaibh re hUibh Néll an tuaisgirt dú a ttorcrattar .uii. righ Cruithne um Aedh m-Brec. Baetan mac Cuind co ndibh Cruitnibh no fig fri Cruithne et Cinel nEoghain et Conaill no figset, conducti mercede na Lea & Ard Eolairg de quo Cennfaolad cecinit:

    1. Sínsit faobair, sinsit fir
      I m-Móin déirg Doire Lothair;
      Adbhar comranda nad cert
      .uii. righ Cruithnioch um Aodh m-Brec.
    2. Ficthir cath Cruithne n-ule,
      & forloscctar Eilne;
      Fichthir cath Gabra Life,
      Et cash Cuile Dremhne.
    3. Bersait gialla iar congail
      Ass siar, in cnúas n-uach,
      Fergus, Domnall, Ainmire
      agus Nainnidh mac Dúach.

      4. p.36

    4. {MS folio 171rb(248b)}Fillsit da mac Meic Erca
      Ar cénd an catha chénda;
      Agus an rí Ainmire
      Fillis ar sellaibh Senna.

Edan ua Fiacrach quieuit.