Corpus of Electronic Texts Edition

Mac Carthaigh's Book (Author: [unknown])

Annal MCB1212

1212

MCB1212.1

1. K. A.D. Moccxii. Rigi do gabhail do Cormac Liathanach deiginac mac Cormaic Liathanaig mic Diarmada Cille Badhuna, & Mac na Seathar O Floinn do marbhadh do.

MCB1212.2

2. Caislen ag Cluain Eois la sluagh ri Saxan, & creach leo gu h-Abainn Tire Crithmuiun. Maidm & ar la O Neill & la Mag Mathgamhna arin sluagh-sin.

Annal MCB1213

1213

MCB1213.1

1. K. A.D. Moccxiii. Donnchadh na h-Imirgi Timcill mac Cein mic Donncaid Duinn mic Con Mara mic Bradcon mic Matgamna, o n-abuir h-I Mathgamna, do eg.

p.90

MCB1213.2

2. Aedh Garb O Eidirsgeoil do marbhadh la h-Ibh Cedagain & le cuid da muinntir fein ar Innsi an Gaithneamha.

MCB1213.3

3. Tomas mac Muiris Mic Gearailt do eg.

MCB1213.4

4. O Neil do brisidh caislein Atha Cruitne, & do marbhadh na n-Gall do bí ann.

MCB1213.5

5. Domhnall O Mael Seacloinn do marbhadh la Gallaibh Mighe.

MCB1213.6

6. {folio 20b} Ar for Gallaibh Mighi la Cormac O Mael Seacloinn & la braithair ele.

Annal MCB1214

1214

MCB1214.1

1. Kl. A.D. Moccx4. Donncadh Cairbreach O Briain & an seirriam go n-Gallaibh Muman & Laighean do teacht la Cormac Liatanac do lot Deasmuman & do gabhail nirt ar Diarmaid Duna Draighnain mac Domnaill Moir mic Diarmada Cille Baghuna. Sluaigheadh la Diarmaid Duna Draignain go n-Gallaibh Corcaidhi, & go roibh xx. oidhci a n-Durrus a foslongport a n-aighidh Cormaic Liathanaigh, & Cormac don leith tuaigh do Mangartain risin re-sin.

MCB1214.2

2. Diarmaid Duna Draighnain do marbhadh cloinne Domnaill Moir Í Suilleabain uile acht Dunlang & Gilla na Flann a feall a Raithin na n-Garithi a crich Baroideac tre comairle morain no urmoir Deasmuman.

MCB1214.3

3. Caislen do denamh do Mac Cuidithi a Muinntir Baire, & caislen a n-Dun na m-Barc leisin Carrunach, & caislen ele a n-Ard Tuilite. Caislen ele le mac Tomais a n-Dun Loith, & caislen a Cill Forglonn. Caislen leisin Roidseach a n-Airbilach. Caislen la mac Muiris a Madh O Lathaim. Cloch la Mac Sleimne a Corca Laighi. Cloch leisin m-Baroideac annsa t-sradbaile os cinn Cuain Dor. Caislen la Nicolas Buidhe a Tigh Mo Laigi. Et is re linn cogaigh Diarmada Duna Draignain & Cormaic Liathanaigh do lingadur Gaill an Muma an gac aird o Sinainn go fairgi.

Annal MCB1215

1215

MCB1215.1

Kl. A.D. Moccx5. Mortuus est Innoceincius Papa.

Annal MCB1216

1216

MCB1216.1

Kl. A.D. Moccx6. Ri Saxan d[apos ]eag & mac ri Francg do teacht a Saxanaibh da gabhail do fein.

Annal MCB1217

1217

MCB1217.1

K. A.D. Moccx7. Mor inghean I Briain, bean Cathail Crobhdheirg Í Concubuir, do eg.

Annal MCB1218

1218

MCB1218.1

K. A.D. Moccx8. Diarmaid Duna Draighnain do gabhail caisleain t-Seaain Buitilleir.

Annal MCB1219

1219

MCB1219.1

K. A.D. Moccx9.

Annal MCB1220

1220

MCB1220.1

K. A.D. Moccxx.Sluaigheadh la Sefraigh Maires a n-Desmumain gur gabh longport a n-Ath na h-Uama, & do mill arbur an tire uile, & dorinne caislen a Madh Ratha.

Annal MCB1221

1221

MCB1221.1

Kl. A.D. Moccxxi. Gaeth mor isin bliadhain-si gurro bris tigi & teampuill & caillti & gurro baigh longa imda.