Corpus of Electronic Texts Edition
Mac Carthaigh's Book (Author: [unknown])

Annal MCB1150

1150

MCB1150.1

Domhnall mac Aedha h-Concubuir do marbhadh do Ruaidhri mac Toirrdealbhaigh I Concubuir. Ao.D. Mocoxlxo.

Annal MCB1151

1151

MCB1151.1

1. Muircheartach mac Toirrdealbhaigh mic Diarmada I Briain do ceangal re Tuaghmumhain & do aithrighadh a athur fein. Tadhg mac Diarmada I Briain & Diarmaid Sugac h-Concubuir do gabhail Muirceartaigh a feall & a cosg do Toirrdealbac.

MCB1151.2

2. Tadhg mac Diarmada h-Briain d[apos ]impogh ar Toirrdealbac,


p.32

a brathair fein, & Toirrdealbac mac Ruaidhri h-Concubuir do teacht leis do cosnumh righe Mumhun dó.

MCB1151.3

3. Baidh do gabhail Sleachta Eoghain Moir i n-aighidh t-Sil m-Briain & h-Concubuir Ciarraighi & Toirrdealbaic mic Ruaidhri & righ do denamh orro fein do Diarmaid {folio 8b} mac Cormaic Muighi Tamnac mic Muireadhaigh Mec Carrthaigh, & dul doibh a Ciarraighi Luachra & beith oighthi indti aga losgadh & aga h-argain, & ruaig arnamaireac a cinn t-Sleibhe Mis do Ciarraighi dar cuiread a n-ár. Toirrdealbac O Briain & Diarmaid Sugac O Concubuir do teacht sluagh lanmór conna n-imircibh tar Sinainn & a Ciarraighi a coinne a ceile a n-Ibh Conaill, gur indarbattur Diarmaid mac Cormaic Muighe Tamnach tar Monaigh Moir bu dheas cum Donnchadha mic Cein mic Donnchadha Duin I Matgamna. Do teithittur I Muirceartaigh & I Failbhi & a roib o Sliabh Mis atuaigh co Ferdruim a n-Ib Eathac. Is andsan aimsir-sin tuc Diarmaid Sugac h-Concubuir uii. longa leis ar rothaibh o Eas Duibhe co Loch Lein, & do fassaigheadh o Luimneac co Corcaigh & o Port Lairge co Cnoc Brenaind don cogadh-sin. Do leanattur Sil m-Briain Diarmaid Mac Carrthaigh tri Musgraidhe bu dheas go Ceann Eith do argain.

Do cuir Diarmaid mac Cormaic & maithi na n-Eoghanacht teachta uatha do iarraidh Toirrdhealbhaigh mic Ruaidhri, ri Condacht, & Diarmada Mic Murchadha, ri Laighean, a n-aighidh t-Sil m-Briain. An oidhche tangattur Connachtaigh & Laignigh co h-Abhainn Moir as i sin oighthe rangattur Sil m-Briain co Corcaigh. Do imighittur arnamaireac tri Moin Moir budh tuaigh ar n-denamh morain uilcc ar muintir Barra, & mac Cormaic & Í Mathgamhna & I Donnchadha & I Caím & I Muirceartaigh go maithibh Eoghanachta ina n-diaigh ac toraigheacht orra lá ciach, et nír airgittur Sil m-Briain Connachtaigh & Laighnigh noco tarla ina measg iad guro muidh ar Sil m-Briain roim na tri sluaighid-sin, dar marbhadh Concubur h-Briain & Flaithbheartac h-Deaghaidh & Eineislis h-Grada & tri mili don t-sluagh o h-oin amach. Do fag Torrdhealbhach {folio 9a} h-Briain & Diarmaid Sugac h-Concubuir beacan


p.34

marcac an cath tri an ceo gan airiughadh tar Abhaind Moir budh tuaigh.

Do leig h-Concubuir fis uaidh co h-Inis Faithlind do innisin sgel an madhma don muinntir do bí indte. Arna cloistin doibh-sean go lingeattur ana longaibh & do fagattur iat arin taebh tuaigh do Loch Lein, & docuadur fein a Ciarraighi gan airiugadh. Docuaidh Diarmaid mac Cormaic Muighi Tamhnac co maitib Sleachta Eoghain a Ciarraighi gur airgittur & gur muirittur a toighe & a n-duinte, & cor cuardaighdar a n-daingneaca & a coillte, & gur tugadur braighde o h-Concubhair leo ris gac ní do iarattur, cinco fada do comhaill h-Concubuir orro.

MCB1151.4

4. na n-Deissi, Muirceartac O Bric, do marbhadh do Diarmaid mac Cormaic Muighi Tamnac a laimh aige fein iarna gabhail fada roime sin a Lis Mor Mo Cuda dó. Ao.D. Mocoloio.

Annal MCB1152

1152

MCB1152.1

1. Toirrdealbac h-Briain do teacht a Ciarraighi do neartugadh h-Concubuir a n-aighidh mic Cormaic. Diarmaid mac Cormaic co maithibh Sleachta Eoghain Moir do dul ina ceann a Ciarraighi gur tathfainn Toirrdealbac & Diarmaid Sugac assa tir amach, gur mill & gur airg an tir uile co tuc Mac Beathadh & Mac Craith, dis mac athar Diarmada Sugaigh, re laimh fein os cind an tire.

MCB1152.2

2. Sigh do denamh do Toirrdealbac h-Briain & do Tadhg a brathair eile, & creacha mora do denamh doib a n-Ib Conaill ar mac Cormaic.

MCB1152.3

3. O Cuilein do dul a Ciarraighi & Ard Feartta Breanainn do losgadh ar aes gradha Diarmada I Concubuir.

MCB1152.4

4. Corcach & Imleach Iubhair & Lis Mor & Cuil Collainge do losgadh an bliadhain ceadna.

MCB1152.5

5. Fingin mac Mec Carrthaigh do marbhadh do Ibh Suilleabhain arna tabhairt ar eigin asna macnaib a timcill ronda creichi ac Lic {folio 9b} Lachtáin. Mac Girr Uille do buail do tuaigh h-e ina ceand. Ao.D. Mocoloiio.


p.36

Annal MCB1153

1153

MCB1153.1

1. Tadhg mac Diarmada I Briain do inntogh ar Toirrdealbac, a brathair fein, tar minnaibh & tar slantaibh, & ceangal do re Diarmaid mac Cormaic Muidhe Tamnac & re Toirrdealbac mac Ruaidhri I Concubuir, ri Connacht, & re Diarmaid Mac Murchadha, ri Laighean, & Toirrdealbac mac Diarmada I Briain do innarbadh doibh a Cinel Eoghain co Muircirtac mac Neill h-Lochlainn.

MCB1153.2

2. Sluaigheadh la Tadhg mac Diarmada h-Briain & la Murchadh mac Mic Murchadha & la Mael Seaclainn Crosac, ri Midhe, & la Ruaidhri mac Toirrdealbhaigh mic Ruaidhri I Concubuir co h-Ath Maighne a n-Iartar Midhe.

MCB1153.3

3. Sluaigheadh la Muirceartac mac Neill h-Lochlaind, ri Cineoil Eoghain, & la Donnchadh O Cearbaill co n-Ulltaibh & go Conallchaibh, & la Toirrdealbac mac Diarmada I Briain a coinne Taidhg I Briain co h-Ath Maighne, gur teilgittur asa tri fosslongportaibh iad & gurro marbhattur ix. c. dibh, & do an Torrdealbhach h-Briain co tuaisceart Eireann a Tigh Tille an oidhche-sin fo buaid cosgair.

MCB1153.4

4. Gorta romor do fas a Mumhain an bliadhain-so re h-imad an cogaidh gur sgail fo Eirinn ar gac leath.

MCB1153.5

5. Tadhg mac Diarmada h-Briain do dalladh tre mirbuilibh cleireac & minn Eireann do bi a slanaigheacht itir & Toirrdealbhach h-Briain, a brathair.

Annal MCB1154

1154

MCB1154.1

1. Bearnard, ab Claruail, airdceand manach na h-Eireann & na h-Eorpa uile, do ég. Ao.D. Mocolo4o.

MCB1154.2

2. Diarmaid Sugac mac Mathgamhna I Concubhuir, ri Ciarraighi & Chorco Duibhne, do ég iar moran do tribloid an t-saeghail.

MCB1154.3

3. Tairrdealbhach mac Diarmada I Briain do teacht a Mumain arís & creach Mona Moire do denamh do ar Diarmaid mac Cormaic. Creach la mac Cormaic air-sean 'na dighailtt {folio 10a} gan fuireac.


p.38

MCB1154.4

4. Tadg mac Diarmada h-Briain do ég a Lis Mor Mo Cuda gan fis da lucht fritholma.

MCB1154.5

5. Sluaigheadh la Muirceartac mac Neill tar Eas Ruaidh a Condachtaibh, gurro mill Mad n-Ae & Mad Luirg & Dun Imdain, & co tangattur tri Condachta tar Ath Liag soir & as sin co h-Ath Cliath, gur gabadur a righi.

Annal MCB1155

1155

MCB1155.1

Amhlaibh O h-Eidirsgeoil, ri Corco Laighe, do marbhadh a n-dorus teampuill Brenaind Birra. AoD. Mocoluo.

Annal MCB1156

1156

MCB1156.1

1. Cuilen O Cuilein, ri h- Conaill Gabhra, do marbhadh do h-Cinn Faeladh, & e fein do marbhadh ana eiric co luath.

MCB1156.2

2. Toirrdealbac mac Ruaidhri mic Aedha An Gha Bearrnaidh mic Ruaidhri Na Soidhe Buidhi, airdri Teora Condacht & imcosnam theoir na h-Eireann & a go freasabra do reir droinge, do ég. Anno D. Mocolyio

Annal MCB1157

1157

MCB1157.1

1. Creach la Tigearnan O Ruairc a Laighnibh go ruc Diarmaid Mac Murchadha & Gaill Atha Cliath air a Cuasan I Brain co tugattur rian madma air & ar Breitneacaibh. Ao.D. Mocl.7.

MCB1157.2

2. Lis Mor Mo Cuda do losgadh etirr teagh & teampall acht beacan.

MCB1157.3

3. Daimhinis do losgadh idir teag & teampall.

Annal MCB1158

1158

MCB1158.1

1. Sluaigheadh la Muircheartac mac Neil h-Lochlainn cu tuaisceart Ereann leis do teacht gu Luimneac d[apos ]iaruigh braghad ar Toirrdealbhach mac Diarmada h-Briain. Ao.D. Mocl.8.


p.40

MCB1158.2

2. Brian mac Donnchadha h- Briain & Donnchadh mac Aedha h-Cearbuill, mic righ Eoghanachta Locha Lein, do marbhadh a cheile iar marbhadh mic Aedha h-Ceallachain & da h- Donncada & moran ele an la ceadna.

MCB1158.3

3. Sluaigheadh la Ruari mac Toirrdealbhaigh h-Concubuir, Condacht, & la Tiarnan h-Ruairc go h-Ath na Casbearna a crich h- Seagan. Sluaigheadh la Muircheartac mac Nell h-Lochlainn & la Donncad h-Cearbuill 'na coinne gunuigi sin. Do cuiread cath aturra goro maedmhuigh for Connachtuibh & for I Briuin & for Conmaicnibh da tucadh ár orra.

MCB1158.4

4. Amhlaibh mac Aenghasa h-Donnchadha do dul ar creich a n-Uaithne goro marbhadh lais h- h-Ifearnain & h- Cathail & morán ele.

MCB1158.5

5. Concubhar mac Domhnaill h- Briain & a mac do dallad la Toirrdealbhach mac Diarmada h- Briain.

MCB1158.6

6. Tempall mor Achaidh Da Eo da crichnughadh do Amhlaibh mac Aengusa h- Donncugha.

MCB1158.7

7. In t-Amlaibh-sin fein h- Donncugha, airdrigh Eoganacht Locha Lein, forlamhuigh Iarmumhan, do marbhadh a Magh Briughain ar bru Shiubhri la Muircheartac mac Toirrdealbhaigh h- Briain & la Tuaghmumhuin, & Mathgamhain mac Mathgamhna mic Meic Carrtaigh do marbhadh fairis, & tucadur a clann fein & a muinntear corp Amhlaibh leo gu Eachaidh Dá Eó {folio 12b} & do h-adluicead cu h-anorac acu e gu n-iumnaibh & salmaibh & aithfrinnibh ar taeb deis an teampuill-sin do cumdaigheadh leis fein a n-anoir na Trinoide & Mu(ire).

MCB1158.8

8. Sluaigheadh la Muircheartac mac Neill co n-Uirgiallaibh & Ulltaibh & Conallchaibh a Connachtaibh, goro millseat Dun Mor & bailigha imdha ele, & tangadur gan sigh gan cath dá tigh.

MCB1158.9

9. Sluaighead la Muircheartac mac Neill go tuaisceart Ereann, cu tucatur righi Midhi do Donnchadh h- Mael Seaclainn, & goro airgidur h- Finnulain & irmor Dealbna uile.


p.42

Annal MCB1159

1159

MCB1159.1

1. K. A.D. Mo cl9. Aed h- Oisin, airdeaspog o n- ainmnightear Gilla (Ae)da Corcaighi, do ég.

MCB1159.2

2. Donnchadh h- Maeil Seaclainn, ri Midhi, do marbhadh a feall do Ib Finnollain.

MCB1159.3

3. Domhnall mac Mail Muadh, ri Ceinel Becce, do marbhadh d[apos ]Ibh Mathgamhna.