Corpus of Electronic Texts Edition

Mac Carthaigh's Book (Author: [unknown])

Annal MCB1138

1138

MCB1138.1

Ao.D. Mocoxxxouiiio. Cormac mac Muireadaigh Mic Carrthaigh, ri an da cuigeadh don Mumain & imcosnuideac Leithe Modha uile, duine is craibhtighi & is calmu & dob fearr um biadh & um edac, iar cumdac teampuill Cormaic a Caisil & da teampoll deag a Lis Mor, do marbhadh do Diarmaid t-Sugac mac Mathgamhna I Concubuir Ciarraighi& do h-Tailcin a feall ar furalimh Toirrdealbhaigh mic Diarmada h-Briain ana tigh fein a Muigh Tamnac.

Annal MCB1139

1139

MCB1139.1

1. Ao.C. Mocoxxxouiiiio. Concubur mac Ardgair Mic Loclainn, ri Oiligh, do marbhadh do h-Gairmleaghaidh.

MCB1139.2

2. Cluain Iraird do argain la fearaibh Fearnmuighi & la h-m-Briuin.

MCB1139.3

3. {folio 7b} Sluaigheadh la Diarmaid Mac Murchadha co Laighnibh & co Gallaibh Atha Cliath co h-Inis Mocta co tucadh a n-ár arin loch iar n-argain na h-innsi doibh.

Annal MCB1140

1140

MCB1140.1

1. Ao.D. Mocoxlo. Sluaigheadh la Concubur mac Diarmada mic Toirrdealbhaigh I Briain co fearaibh Mumhan & Midhe & Breithfne co h-Ath Fir Dia, co tucadh da braghaitt o Donnchadh mac Con Chaisil I Cearbaill do.

MCB1140.2

2. Creachsluaigheadh la Donnchadh mac Con Caisil I Cearbaill, rí Airgiall, gur cuardaigh Conmaicne uile co ruc boruma moir aistibh.

Annal MCB1141

1141

MCB1141.1

1. Ao.D. Mocoxolio. Maithe Laighean do marbhadh la Diarmaid

p.28

Annal MCB1142

1142

MCB1142.1

1. Ao.D. Mocoxliio. Concubur mac Diarmada mic Toirrdealbhaigh mic Taidhg mic Briain Borumha, ri Mumhan, do ég a Cill Da Lua & Toirrdealbac a brathair do gabhail righe dia eis.

MCB1142.2

2. Donnchadh mac Muireadhaigh Mic Carrthaigh do teacht co Droithitt do cosnamh righe gurro marbhadh leis Donnchadh mac Ceinneidigh and, gu n-deacaigh as sin tar Luachair siar gur h-inntogh arís isna Deisibh iat & gur gabh galur ann e, gur fealladar I Flannagain air gur tiglaicadur h-e do Toirrdealbac mac Diarmada I Briain.

Annal MCB1143

1143

MCB1143.1

1. K. Donnchadh mac Taidg mic Muireadaigh Mic Carrthaigh do ég ar Loch Gair & e a m-braighdineas ac Toirrdealbac mac Diarmada I Briain. Ao.D. Mocoxliiio.

MCB1143.2

2. Concubur mac Toirrdealbhaigh mic Ruaidhri h-Concubhuir do marbhadh a fill do fearaibh Midhe & do Fearaibh Tulach & do h-Loith do ri Fear Tulach d[apos ]airighte iar n-gabhail lanrighe Midhe & Atha Cliath dó.

Annal MCB1144

1144

MCB1144.1

1. Flannacan Innsi Faithlinn do eg iar caithemh ocht m-bliadhan deag {folio 8a} & ceatra xx. da aimsir. Ao.D. Mocoxliiiio.

Annal MCB1145-7

1145-7

MCB1145-7.1

1. Ao.D. Mocoxluo. Radhnall mac Turcaill, ri Atha Cliath, do marbad do fearaib Midhe co n-ar Gall uime.

MCB1145-7.2

2. Cellach h-Ceallaigh, ri Fear m-Breadh, do marbhadh gu n-ár Fear m-Breadh uime do Flaitbheartach h-Cathasaigh & do Gallaibh Atha Cliath.

p.30

MCB1145-7.3

3. Caisg Easa Duibhe do denamh la Diarmaid Sugac mac Mathgamhna h-Concubair Ciarraighi.

MCB1145-7.4

4. Tadhg mac Diarmada h-Briain do leigean amach do Toirrdealbac mac Diarmada h-Briain a brathair don Bachaill Issa & do comarba Padraic co maitibh cleireac Eireann iarna n-gabhail tara slanaigheacht-sin uile.

MCB1145-7.5

5. Sluaigheadh la Muircirtac mac Neill h-Lochlaind & la Donnchadh h-Cearbaill a n-Ulltaibh go rangadur Traigh Dun Droma iar maidhm ar Ulltaibh, gur airgsitt Leath Cathail & gur loisgeattur, & co tucattur ceathra braighdi leo o Ulltaibh iar fagbhail ceathra righ orro.

Annal MCB1148

1148

MCB1148.1

Mael Maedog O Morgair, airdeaspuc Eireann uile, do ég a Claruail. Ao.D. Mocoxlouiiio.

Annal MCB1149

1149

MCB1149.1

Diarmaid mac Madnais mic Ardgair Mic Loclainn do marbhadh do Laignibh & do Gallaibh Atha Cliath. Ao.D. Mocoxloixo.