Corpus of Electronic Texts Edition
Annála Connacht (Author: [unknown])

Annal 1525


30]

1525.1

Calann Enair. V. bliadna xx. & v. cet & mile ais an Tigerna.


31]

1525.2

O Domnaill .i. Aodh mac Aodho Ruaid & O Nell .i. Conn
32] mac Coinn do dul docom na comuirle moire, tús na bliadna-sa,
33] a cend an Giuistis & maithi Gall & Gaoidel ann d'urmor, & tar
34] eis a saothraighthi ann sin & morain tagra do denam and a
35] n-agaid a cele da cairdib Gall & Gaoidel et doib fein nir cuiredh


p.656


1] a crich sith do denam eturra an uair-sin, acht techt da tighib
2] & ced cogad do beith eturra. Et O Domnaill do dol fa dó a Tír
3] Eogain an bliadain-si & moran don tir do milled & do loscad &
4] gan tecmail ris uime sin. Sith do denomh eturra tús foghmair
5] amhail aderadh an Giuisdis et Maghnus O Domnaill.


6]

1525.3

Gniom uathmar arna denam a nErinn an bliadain-sin .i.
7] Espoc Lethglinne arna marbad a mebail le mac an Abad Meic
8] Murchada & he faris fein maille re gradh & re sithcháin; & an
9] méd{folio 76d} ara ruc Iarla Cille Dara do lucht lamaighthi an
10] gnima-sin, ruc leis iad gusan ait a ndernadh an dorath & an
11] drochcomuirle-sin et tuc fo dera a fendadh beo ar tus et a n-apaige
12] & a n-inathair do buain estib et a loscad diblinib 'na fiadhnaise
13] iar sin.


14]

1525.4

O Cathain .i. Sean mac Tomais do marbad do chuid da
15] chined fein .i. mac Ruaidri an Ruta h. Cathain & mac Gofraidh
16] h. Cathain oidhci Lughnusa do shonnradh.


17]

1525.5

Espoc Cille Da Lúa .i. Toirrdelbach mac Mathgamna h. Briain
18] do dul d'ecc, ant enGaoidel is mo fuair et is mo do sgaoil don
19] tsaogal a coimre & a comaimsir fris, fer lan d'oinech & do daonacht
20] ant espoc-sin et cosanta a chóra a tír & a coicrich, do dheoin
21] & d'aindeoin, et fer chuirthi sluaig moir co minic a cend a chéli
22] do milled a esgcarad, co nac roibhe a comfhocus do 'na duthaig
23] fein na a nduthaig eli mac Gaoidil nar ghab a thuillme et a
24] tuarusdal; et ni eli fos, dob e ant espoc-sin ant echt osna
25] hechtaib et an esbaid os gach esbaid da tarla re heladain a
26] n-enaimsir ris.


27]

1525.6

An Decanach mac Briain Ruaid Meic Conmidhe, fer tighe
28] oiged coitcinn do chach, et a mac .i. Cerball do dol d'ecc an hóc
29] anno.


30]

1525.7

Inghen h. Duibhgennain .i. Caiterfina do dol d'ecc iar
31] n-ongad & iar n-aitrighe im fel Coluim Cille et a hadnacal co
32] honorach a mainesdir Duin na nGall.