Corpus of Electronic Texts Edition

Annála Connacht (Author: [unknown])

Annal 1421

1421.1

Calann Enair quarta feria, lune xxviii. Anno Domini
22] M.cccc.xxi; xvi. cicli lunaris; xiiii indictionis; xiii cicli
23] solaris. Communis. E.

1421.2

Esbada mora do techt in hoc anno .i. Ruaidri mac Aeda
25] Meic Diarmata ri Moigi Luirc .i. Guaire ar enech & Conall Cernach
26] ar curatacht a cathaib & a comracaib & in fer nar diult re dreich
27] duine riam im ni dar iarrad air, do ecc ina longpurt fein iar
28] n-ongad & aithrige xi. Kalendas Maii arai laithi mis greine,
29] dia Luain immorro arai laithi sechdmaine, & sepultus est i manistir
30] na Bulli.

1421.3

Et a hinnsamail sin do techt i lLaignib in hoc anno .i.
32] Murchad h. Conchobair ri h. Failgi .i. fer nar diult duine riam
33] & ba ferr engnam & ursclaigi & is mo do briss do chathaib & do
34] comraictib ar Gallaib & Gaidelaibh bitis ina aigid, do ecc ina
35] longpurt fein iar mbreith buado do doman & deman & sepultus
36] est a manistir Cilli hAichid

p.456

1421.4

Et lucht a n-inait do denam comaith ina n-inataib da
2] n-esi .i. Tomaltach Mac Diarmata a n-inad Ruaidri & in Calbach
3] a n-inad Murchada. Et in tres easbaid, cencob cubaid a commes
4] .i. Tomas Oc h. Raigillig, int aenmac rig ba ferr enech & engnam
5] tanicc do Cath Aeda Finn ria amsir fein, do ecc ina tig badein
6] in hoc anno.

1421.5

Niculas Mag Bradaig espoc na Brefne, sai n-ecnai &
8] n-innracais & nderce & ndoendachta, in Christo quieuit.

1421.6

Ricart mac Ricairt a Burcc mortuus est.

1421.7

Emann mac in espuic Baretaig do ecc for sligid na Roma.

1421.8

Indsoigid aidchi la Cathal h. Ruairc & la clainn for Mag
12] Flannchaid co hInis Cain for Loch Melgi. Et lucht comeda in
13] lochai do fell for Mag Flannchaid .i. meg Goll& artraigi in
14] locha do tabairt doib do Chathal cona chlainn doib. Et Mag
15] Flannhcaid Occ do gabail doib & Loch Melgi cona caslen do
16] gabail doib beus & drong{folio 54c} mor do Dartraigib do marbad
17] leo im coicer do macaib Meic Flandchaid fein. Et co raibi in
18] loch cona maithius for comus Chathail & a clainni & co ndeachatar
19] clann Mec Flannchaid a n-ucht Carprich iar sin.

1421.9

Cocad mor do fas etir Muintir Ruairc & Clainn Dondchada
21] & h. Ruairc do teclomad & do tinol sluaig moir .i. h. Domnaill
22] cona tir et Aed Mag Udir cona tinol et h. Ruairc fein cona thir
23] & a thinol, co tancatur na sluaig-sin diblinaib a Tir nOilella &
24] moran don tir do loscad doib & Cathal mac Meic Dondchada
25] do marbad leo beus & araili do dainib nach anmnigther sunn.

1421.10

Niall h. Domnaill & a sluag & h. Ruairc cona caeraigechd
27] do dol do chosnam chuain Esa Ruaid. Clann Dondchada &
28] Cathal mac Ruaidri h. Conchobair do dol fo longphurt h. Ruairc
29] dare n-esi & in longphort do loscad leo & a castiall do lecad leo
30] & cenntur in tiri do loscad leo & do milled beus.

1421.11

In sluag Conallach & h. Ruairc do beith i nArd Fernai &
32] Cairprig do beith fo chaislen Bona Drobaisi & eich & daine do
33] beith ica lott eturro & ica marbad cech lai, et Murcertach Bude
34] mac in Chosnamaig h. Dubda & h. Maenaich & mac Dondchada
35] h. Caeman do marbad ann. Aed mac Muredaig Ruaid Meic
36] Lochlainn do bathad for Ath Senaig don tsluag-sin. Et sith
37] do denam doib iar sin.

1421.12

Cathal mac Cathail na Taisech h. Ruairc do ecc isin tsamrad
39] cetna.

1421.13

Mad iar n-araili libur is i-so bliadain choir Eogain meic

p.458

1421.14

Roiberd mac Maidecc mortuus est.

1421.15

Mor Muman dedinach na Mumnech quieuit, ingen Briain
5] h. Briain & ben Uater a Burc, & bennacht cach cristaide le dia
6] hadnacal.

1421.16

In Gilla Riabach h. Clerig sai senchusa in Christo quieuit.

1421.17

Cormac na Cailled mac Meg Carthaig Cairprig mortuus est
9] la clainn Eogain Meic Carthaig.

1421.18

Ingen Uater a Burc ben Conchobair h. Briain ri Tuadmuman
11] do ecc in hoc anno, & a ingen Ragnailt Dub ingen h. Briain ben
12] h. Flaithbertaich mortua est.

1421.19

Tomaltach Mac Diarmata do dol co Cill Athrachta beccan
14] marcsluaig & clann Fergail Meic Diarmata do breith fair cona
15] tinol isin baili, & Mac Diarmata do dol fora eoch iar sin & dol do
16] forro amach, & a muinter uili dia facbail ina aen{folio 54d}ar
17] & imthecht do ar los a loinne & a lame latiri cur ranicc tar Buill
18] anonn uatha ina chrochosair cro; & ni menicc dorigned riam
19] imtecht bad croda ina sin.

1421.20

Eogan h. Neill do gabail la Mac h. Neill Buidi ac dol a
21] coindi ind Iarla co Dun Delcan.