Corpus of Electronic Texts Edition
Annála Connacht (Author: [unknown])

Annal 1368


8]

1368.1

Calann Enair for Sathurn & tres huathad fuirri. Anno
9] Domini m.ccc.lx.viii. Primus annus cicli lunaris; vi. indictionis;
10] xvi. anno cicli solaris.


11]

1368.2

Aed mac Feidlim h. Conchobair Ri Condacht, cend gaile
12] & gaiscid na nGaidel & Lugaid Lamfada Leithe Cuind ind adaig
13] Gall & Gaidel bitis ina adaig, do ecc iar mbuaid n-aithrige i rRus
14] Comman iarna beith da bliadain x. i rrigi Connacht, amail aspert
15] an fili:

  1. 16] Da bliadain dec, deoch midaig,
    17] d'Aed a n-inad cuicidaig;
    18] arm fa cet do chur na corp
    19] ge do fhuair ecc ri hadort.


20]

1368.3

Crich Cairpri do roind ar do etir da mac Magnusa h.
21] Conchobair & Domnall mac Murcertaig.


22]

1368.4

Fergal Mac Diarmata ri Moigi Luirc mortuus est.


23]

1368.5

Tigernan mac Cathail h. Ruairc mortuus est.


24]

1368.6

Cormac Occ Mac Diarmata degadbar rig ara duthaig fein
25] mortuus est.


26]

1368.7

Diarmait mac Cormaic Duind Meg Carthaig do gabail le
27] Mag Carrthaig Cairbrech & a tidnacal do Gallaib & a milled iar
28] sin.


29]

1368.8

[I] Dauid O Tuathail do marbad do Ghallaib Atha Cliath.


30]

1368.9

Seaan Ua Domnallan mortuus est.


31]

1368.10

Uilliam Saxanach mac Sir Remann a Burc .i. oigri na
32] nUlliamach do hecc don galar brec a nInis Cúa.


33]

1368.11

Tomoltach Óc mac Fergail Meic Diarmata tanaiste Moigi
34] Luirc do éc don galur brec.


35]

1368.12

[A] Laissech mac Dauid I Morda mortuus est.


p.334


1]

1368.13

Sluagad adbalmor la Niall h. Neill ri coicid Ulad a
2] nOrgiallaib d'forbais ar Brian Mag Mathgamna & longport do
3] gabail do a meodon an tiri, & comada mora do thaircsin do a
4] Brian Mag Mathgamna .i. leth Orgiall do thabairt do Niall mac
5] Murchada meic Briain na Coilech Oifrind .i. don rig do bai reme
6] forsan tir, & comadae mora eli d'O Neill ind icc Meic Domnaill,
7] & h. Neill da n-aentugad sin; & comarli aili do denam do mac
8] Murchada Meg Mathgamna & d'Alaxandar Oc {folio 40c}[I] Mac
9] Domnaill do tigerna na ngalloclaech [A] & gluasachd doib diblinaib
10] can cet cin comurli d'O Neill tri coraigti cetfadacha commora
11] d'indsaigid Meg Mathgamna, & ammus longpuirt do thabairt
12] doib fair, & Mag Mathgamna an lin do bai do ergi ina n-agaid
13] & maidm do thabairt do arin sluag-sin & mac Murchada Mec
14] Mathgamna oigri Orgiall do marbad ann sin & Alaxandar Occ
15] mac Toirrdelbaig Meic Domnaill Consabla na ngalloclaech &
16] oigri Clainni Domnaill do marbad & Eogan mac Toirrdelbaig
17] meic Maelsechlainn h. Domnaill do marbad ann & alii multi
18] nobiles & ignobiles.


19]

1368.14

Tomas h. Flainn ri h. Tuirtri sai Erenn ar enech & ar
20] engnam & ar uasli do ecc in hoc anno.


21]

1368.15

Tadc mac Magnusa meic Cathail meic Domnaill h. Conchobair
22] do gabail per dolum do Ruaidri h. Conchobair do Rig
23] Connacht ina longphort fein a nArd in Choillin iarna breith les
24] do Cormac Mac Dondchada co tech h. Conchobair; & is fria-sin ro samailti cech olc & niro samlad olcc fris .i. "Ni mesa
25] gabail meic Magnusa"; & ni bad mesa ina sin do denam ris
26] ar trill .i. a tidnacal do Domnall mac Murcertaig h. Conchobair
27] & a milled fa deoig la Domnall i caislen tSlicig. Cur fas cocad
28] mor i Connachtaib uli triasan ngnim-sain .i. etir Mac Uilliam
29] & h Conchobair & Mac Diarmada.


30]

1368.16

Ruaidri mac Seonacc Mec Eochacan sai na hErenn uli cin
31] imrisain a n-enech & a n-engnam do ecc i quintid Calainn Enair
32] in hoc anno.