Corpus of Electronic Texts Edition
Annála Connacht (Author: [unknown])

Annal 1260


23]

1260.1

Calann Enair for Dardain; tres x. fuirri; xx. anno cicli
24] solaris; vii. anno decemnovennalis; iii. anno indictionis :
25] m.cc.lx. Communis. DC.


26]

1260.2

Aed h. Conchobair do dol isin tuaiscert dochum Briain
27] h. Neill & moran do maithib Connacht mar oen ris. Et h. Neill
28] & maithi Ceneoil Eogain do dol diblinaib & Brian h. Neill
29] do Dun Da Lethglas i conne Gall & maidm do thabairt do Gallaib
30] Duin forrae diblinaib, & Brian h. Neill ri Gaidel Erenn do marbad
31] ann sin i cath Droma Derg oc Dun Da Lethglass. Et (Do)mnall
32] h. Cairri, Et Diarmait Mag Lachlainn (& Murcer)tach h. Cathan
33] & (Ma)gnus h. Cathan & Cian h. Indergi (& Dond)slebi Mag Cana
34] & Aed h. Cathan, Et Conchobar h. Dubdirma & Aed a mac &
35] Amlaib h. Gairmlegaig. Et Cu Ulad h. hAnluain & Niall h.


p.132


1] hAnluain. U. fir x. do maithib Muintiri Cathan ba sed a n-esbada.
2] Ro marbad dono do Connachtaib isin chathlathair-sin .i. Gilla
3] Crist mac Conchobair meic Cormaic meic Tomaltaig Meic Diarmata,
4] Et Cathal mac Tigernan h. Conchobair, Et Maelruanaid Mac
5] Dondchada, Et Cathal mac Dondchada meic Murcertaig, Et
6] Aed mac Murcertaig Find, Et Tadc macc Cathail meic Briain
7] h. Mailruanaid, Et Diarmait mac Taidcc meic Muredaig meic
8] Tomaltaig h. Mailruanaid, Et Conchobar Mac Gilla Erraith &
9] Tadc mac Cein h. Gadra, Et Gilla Beraig h. Cuind, Et Carulus
10] mac in espuic h. Muredaig & alii multi nobiles & ignobiles.


11]

1260.3

Sluagad la Mac Uilliam Burcc dochum Fedlimid co tanicc
12] co Ros Chomman & do lecc creich hi Crumthand, cur airc Clainn
13] Aedacan & do{folio 17d} leicc creich aili i Tir Mane, cur aircc
14] moran do muintir in espuic, uair do batur na cair hi Purt
15] Airenaig in tan-sin, & ro airccsitt Ros Coman & ro millsit a harbar,
16] & cid ed nir lamsat dol sech Rus Choman sis don doulad-sin
17] ar ro bai Fedlimid h. Conchobair & a mac Aedh na nGall isna
18] Tuathaib & bai Connachta ara cul isin dithrub, conid i comarli
19] doronsat sid do denom re 'raili, & Mac Uilliam do imtecht iar sin.


20]

1260.4

Sluagad mor la Mac Muris hi Tuadmumain dochum Conchobair
21] h. Briain, cotarla h. Briain tinalti ara cind a Caill Berrain,
22] & do ergetar Tuadmuma doib do cech leth isin coillid-sin & do
23] marbad Dauid Prindercas .i. riteri rouasal ann sin. Et do
24] marbad in Falgech & persun Ardda Rathain & Tomas Baroit
25] and beus & ali multi nobiles & ignobiles.


26]

1260.5

Alaxander Papa quieuit in Christo.


27]

1260.6

Abraham h. Conallan espoc Arda Macha quieuit.


28]

1260.7

Robbin Laigles do ecc Domnach Casc isin bliadainsi.


29]

1260.8

Magnus mac Aeda Mec Orechtaig do marbad do Domnall
30] h. Flaithim in hoc anno.


31]

1260.9

Lochlainn mac Amlaib meic Airt h. Ruairc & Tigernan
32] a derbrathair imaille ris do marbad la hAed h. Conchobair iarna
33] tinnlacad do Domnall mac Neill meic Congalaig h. Ruairc.


34]

1260.10

Domnall mac Conchobair meic Tigernan h. Ruairc .i. ri
35] Brefne do marbad la Tellach nDunchada per dolum. Et Murcertach
36] a derbrathair do marbad la hAed h. Conchobair iar sin.


p.134


1]

1260.11

Art Bec mac Airt h. Ruairc do marbad la hAed h. Conchobair
2] beus.


3]

1260.12

Tadc Dub mac Nell meic Congalaig do marbad la Mailsechlainn
4] mac Amlaim meic Airt.


5]

1260.13

Crech mor do denam do Oed h. Conchobair a Tuaith
6] Ratha, dar marbad Conchobar Mac Branan dux Corca Athchlann
7] & Murchertach h. Maenaig & mac Briain h. Fallamain & alii
8] multi.


9]

1260.14

Crech do denam do Mac Muris ar h. nDomnaill & drem
10] do muintir h. Domnaill do breith forro i mBennan Brechmaigi
11] & drem do loscad dib & drem do marbad.


12]

1260.15

Longport Conchobair h. Cellaig do loscad do dreim do
13] muintir Aedo h. Conchobair.


14]

1260.16

{folio 18a}Cinaeth h. Birn prioir Cilli Mori quieuit.


15]

1260.17

Crech mor do denam d'O Domnaill ar Mac Muris cur
16] aircestur Cairpri huli.


17]

1260.18

Grada espuic do thabairt do Comarba Patric ar Mailsechlainn
18] h. Conchobair oc Dun Delgan.


19]

1260.19

Sitrecc Mag Senlaich do marbad a nAth Luain do Dunnchatha
20] Mac Oirechtaig & do Tomaltach.


21]

1260.20

Eoan de Uerdun do tocht i nErinn in occ ano.


22]

1260.21

Maelfinnen h. Mithigen quieuit.