Corpus of Electronic Texts Edition
Annála Connacht (Author: [unknown])

Annal 1256


1]

1256.1

Calann Enair for Sathurn & ix. fichet fuirri; xvi. anno
2] cicli solaris; tertius annus decemnovennalis; xiiii. anno indiccionis;
3] m.cc.l. sexto. Embolismalis. BA.


4]

1256.2

.Flann Mac Flainn airdespoc Tuama do ecc in Bristuma.


5]

1256.3

Ardespoc Atha Cliath do ecc isin bliadain cetna.


6]

1256.4

Ruadri h. Gadra ri Slebi Luga do marbad da cardes Crist
7] fein do Dauid mac Ricairt Cusin a fill & a mebail & a chaslen
8] do brised do in tan-sin.


9]

1256.5

Sluagad adbalmor do denam la Uater mac Ricairt a Burc
10] dochum Fedlim meic Cathail Crobdeirg & a meic .i. Aed mac
11] Feidlim & Conchobair meic Tigernan h. Ruairc, & nochar tinolad
12] i nErinn riam sluag bad adbli no bad adballinmure innas,
13] & is ed ro harmed ann xx. mili ar arem ainfir, & tancatar co
14] Mag nEo na Saxan & as-side co Balla & as-side ar fut Luigne,
15] & ro aircset Lugne ar cach leth ina timchell & tancatar co hAchad
16] Conaire, & do cursed techta as sin uatha d' innsaigid Muintire
17] Raigillig & adubratur riu-side techt na conne co Crois Dairi
18] Cain a cind artherach Bratsleibi a Tir Thuathail; & tancatar
19] Muinter Raigillig as-sidein co Clachan Mucada for Sleib inn
20] Iarainn, & ro impatur Muinter Raigillig ann sin can conne d' fagbail
21] o Gallaib & tancatar ass sin co Soltinn Gasain; & conad isin
22] laithi cetnasin .i. dia hAinee & la feli Cros do sunnrad, ro tinol Conchobar
23] mac Tigernain h. Ruairc ri Brefni & Conmaicne & in medd
24] ro fet maille riu fa Aed mac Fedlimid h. Conchobair & fa maithi Sila
25] Muredaig & Connachtaig{folio 15c} archena, & is iat ba ferr bai
26] ina fochair annsin .i. Conchobar mac Tigernan h. Ruairc ri Brefne
27] & Cathal h. Flaithbertaig & Murchad Finn h. Fergail & Ruad
28] in Feda h. Flainn & Flann Mag Orechtaig & Donn Occc & h.
29] Cellaig & tri mac Meic Diarmata & Diarmait h. Flannagan &
30] Cathal mac Duarcain h. Egra & da mac Tigernan h. Conchobair
31] & Gilla na Naem h. Taidc. Rop imdo tra d' ocbaid Connacht ann
32] o sin amach. Is and ruc tossach an tsluaig-sin for Muintir
33] Raigillig, hic Sailten nGassan, & ro lensad iat co hAlt Tige Meg
34] Currin & is ann sin ro impadur glasslaith Muintire Raigillig
35] frisin sluag cechtarda-sin & tucsat tri madmanna forro. Is

p.116


1] and sin ruccsadd in sluag mor forra iar marbad a muintiri .i.
2] im Diarmait h. Flannacan & im Mac Maenaig & im Coiclid h.
3] Coclid & im sochuide aile. Et tancatar uli na sluaig-sin diblinaib
4] co hAlt na hElti & co Dorin Crannchae etir Ath na Betige &
5] Bel in Belaig & Coill Esa & Coill Airthir for Sleib ind Iarainn.
6] Et is and sin ro impaset Muinter Raigillig co dur & co dichra
7] dasachtach dichellach dosmachta i nd-aigid meic Fedlim do
8] digail a n-eccorach & a n-anbforlainn forro, & ro gres cach dib
9] a muintir hi cend catha Connacht.


10]

1256.6

Iss and sin do hergedur Connachta don leith araill don
11] cath, & rop iat-sin in drong data dagthapaid discir denmnetach.
12] Et ro corgedar ina laem loinrech lasamain lamthapaid
13] iat, & ina cipe comdluta cobsaid fon ocrig n-urrunda n-armlatir
14] .i. im Aed mac Fedlim. Ba fergbruth flatha & ba cobsaidecht
15] curad & ba laechdacht leomain la mac in Ardrig ind la-sin &
16] ro ferad cath croda curata coscurach do dib lethib eturro inn
17] uair-sin & ro marbait & ro gonaitt sochuidi dib anond & anall,
18] cechtur do dib lethib .i. Conchobar mac Tigernan ri Brefne &
19] Murchad Find h. Fergail & Maelruanaid Mac Dondchada & daine
20] imda ele do lot arin lathair-sin & drem dib do dol d' ec{folio 15d} da ngonaib ina tigib, im Murchad Finn h. Fergail, & Flann
21] Mac Orechtaig do marbad arin latir-sin hi frithguin in cada-sin
22] & sochuide eli maille ris. Cid tra acht, uair is ed aderitt lucht
23] eolais in morchatha-sin conar fedsat lath gaili na gasraide-sin in morchatha fegain ina agaid ind ardflatha, uair do batur
24] da rigconnill romora rosclethna ar lasad & ar luamain ina chind
25] & ba haduath le cach comrad fris in tan-sin, uair do bai uide
26] imacallma riasna sluagaib ic dol i cenn chatha h. mBriuin, &
27] ro leicc a ochainn ardrig as & a grech curad os airdd i mmeodon
28] in morchatha, et nir an don rem-sin & don ruathur cur mebad
29] do chath h. mBriuin.


30]

1256.7

Cid tra acht ro marbad arin lathair-sin Cathal h. Raigillig
31] ri Muintire Mailmorda & Catha Aedo Finn & a da mac maille
32] ris .i. Domnall Ruad & Niall & a derbrathair Cuconnacht; Et
33] tri meic Cathail Duib h. Ruairc .i. Gofraid & Fergal & Domnall;
34] Et Annad mac Domnaill h. Raigillig do marbad la Conchobar
35] mac Tigernan h. Ruairc, & Niall .i. in Caech h. Raigillig; Et
36] Tigernan Mag Brataig & Gilla Michil mac Taichlig & Donnchad
37] h. Bibsaig; Et Magnus Mac Gilla Duib & tuilled ar tri xx.tib
38] do maithib a muintiri mar aen riu; Et se fir x. d' Ib Raigillig

p.118


1] budein do marbad and beus. Cath Moigi Slecht ar bru Atha
2] Derg oc Allt na hElti os Belach na Bethighe ainm in katha-sin.


3]

1256.8

Morsluagad la Fedlimid h. Conchobair & la a mac Aed
4] nna nGall & Connachta amaille riu & Conchobar mac Tigernan
5] h. Ruairc & fir Brefne imaille ris d' es in catha-sin co Loch in
6] Trein, & co ndeochatur in da sluag-sin fo chellaib na Brefne
7] acht Fidnacha nama, & do closed da tigib co mbraigtib Fer
8] mBrefne leo .i. Mec Fiachrach & Mec Tigernan & Meg Samradan
9] & meic Airt h. Ruairc, & tuc Fedlim bragti na toisech
10] i llaim h. Ruairc & Mag Samradan i llaim a meic fein .i. Aeda
11] na nGall.


12]

1256.9

Uathad marcsluaig & becan cosiged & sersen{folio 16a}aig
13] do muintir h. Ruairc docotur do chuartagad ferainn Muintiri
14] Mailmorda. Uair do hindised d' O Ruairc daine brogda
15] Muintiri Raigillig do timsagad a fuaratar do sochraiti sersenach
16] & Gaidel i n-eninad & a techt do chuartagad Muintiri Mailmorda
17] & docum Mec Fiachrach ar creich.


18]

1256.10

Dala Muintiri Raigillig immoro dorala da cheli iat &
19] muinter h. Ruairc hi Fornochd, & o' tconncatur aigti a cheli do
20] mebad do muintir Ui Raigillig & siat tri coraigthi commora.
21] Et ni hed amain acht ro marbad se fir x. ar xx.it dib aran lathair-sin, & ochtar dib-side ara rabi slonnad Muintiri Raigillig fo
22] Amlaib h. Raigillig & fo Aed mac Cathail h. Raigillig. Et tancatar
23] muinter h. Ruairc dia tigib co subach somenmnach can bron
24] can bresim.


25]

1256.11

Conchobar mac Tigernan h. Ruairc ri Brefne & Gilla na
26] Naem Mag Samradan & Mac Raith Mag Tigernan, mac Conbuide,
27] & Mac na hOidche Mag Dorchaid & Cathal Mag Ragnaill
28] & meic rig & tuisech h. mBriuin cona sochraite do techt co Fidnach
29] hi coinne Domnaill h. Raigillig, & ro lensad e asin coinne &
30] ro marbsad a mac gradach .i. Annad h. Raigillig & Gilla Isa
31] Mac in Crotaig & sochuide maille friu, & tucsat creich moir o
32] Cruachain O Cubran arnabarach .i. la feli Brenaind, & ro arcset
33] in tir rompa ille co Fidnach Moigi Rein. Do ba bainne ria frais
34] do Muintir Raigillig in la-sin. Uair ro fas and-side tosach uilc
35] & imnid moir orra o sin amach. Uair ro chuirsedd techta d' indsaigid
36] Gall Connacht in tan-sin .i. dochum Meic Uilliam Burcc
37] & Meic Gosdelb do milled Connacht & na Brefne.

p.120


1]

1256.12

Dala Gall ro tinolsat sluag mor & tancatar rompaib co
2] Ces Corainn & ro gabsadar longpurt ann & ro batur forcla sechtmaine
3] ann sin & do arcsed cella in Corainn uili.


4]

1256.13

Dala Muintire Raigillig tancatar co Loch Aillinne, co
5] Portt na Cranne darap comainm an Fuarchosach ar Loch
6] Aillinne, & ni tancatar Goill isin coinne ar ecla Aedo h. Conchobair
7] do bi an tan-sin hi Cill tSesin hi nUachtur Tire hic estecht
8] risna sluagaib-sin anoir & aniar, cia dib ara tibred amus.


9]

1256.14

Dala Aedo h. Conchobair o'tchuala Muinter Raigillig do
10] techt{folio 16b} ann sin is i comurli dorone se & h. Ruairc maille
11] ris in tan-sin .i. a n-eich & a n-eded & a culaid catha d' facbail
12] hi Cill tSesin & dola doib da cois dar Sinainn soir do thabairt
13] amais ar Muintir Raigillig, & dochodur ann-side tar Sinaind
14] & isna hEngaib, & o atchualadur a n-imtecht do chuirsed rutada
15] & sersenaig rompa do breith forro ut supra diximus.


16]

1256.15

Et do impadur Gaill dia tigib iar sin & int espoc h. Maicin
17] ac badad a conell. Im nona comdorcha fer re muine aidchi
18] feli Cros do marbad Muinter Raigillig, & is annsan inad hi tucad
19] in tachar-sin do bai Aed h. Conchobair ind odchi-sin, & do dichennad
20] Muinter Raigillig arabarach, & tuc a cinda les dochum
21] Fedlimid co Dun Ailli iar mBagno.


22]

1256.16

Iustis do techt a nErinn o Rig Saxan do chertagad ferainn
23] na hErenn etir barunaib & riterib na hErend.


24]

1256.17

Coinne do denam don Giustis-sin & d'Aed h. Conchobair
25] oc Rind Duin & sith do denam doib re cheli & cin laigdiugad
26] crichi no ferainn do denam ar h. Conchobair in fad bad Giustis
27] e-sim i nErinn.


28]

1256.18

Aed mac Fedlim h. Conchobair do arcain ferainn Meic
29] Ricaird Cusin a ndigail h. Gadra do marbad do-som, & ro scail
30] a caislen iar sin & ro marbh a raibi do doinib ann & ro gabustur
31] Loch Dechet uili.


32]

1256.19

Ragnall Mac Branan toisech Corca Athclann mortuus
33] est.

p.122


1]

1256.20

Crech mor la Mac Uilliam Burc ar Ruaidri h. Flaithbertaig
2] cur arcestur Gno Mor & Gno Becc & cur gabusdur Loch
3] Orbsin uili iar sin.
4]


5]

1256.21

Coinne mor ac Aed h. Conchobair & ac Eoan de Uerdun
6] oc Ath Liacc na Sinna in hoc anno.


7]

1256.22

Sitrecc Mag Senlaich do elud & a dol co manestir na
8] Builli ar comarchi.


9]

1256.23

Donn Cathaig Mag Senlaich do ecc a manestir na Builli
10] oc anno.


11]

1256.24

Ath Luain & Dun Daigri do loscad a naenlo.


12]

1256.25

Gilla in Comdedh h. Cinnfaelad ab Enaig Duin quieuit.


13]

1256.26

Ab na Trinoite a Tuaim .i. h. Gillarain quieuit.


14]

1256.27

Cocad mor do hergi etir Aed h. Conchobair & Conchobar
15] mac Tigernan h. Ruairc, ger maith a cummann connice sin.


16]

1256.28

H. Ruaircc do dol co tech Gall & sith do denam{folio 16c}
17] fein ar leith can cet d'Fedlim h. Conchobair na da mac.


18]

1256.29

Crech mor do denam do Oed h. Conchobair ar h. Ruairc
19] in cetain ria Notlaic Mor & doronsat sith iar sin.