Corpus of Electronic Texts Edition
Annála Connacht (Author: [unknown])

Annal 1249


19]

1249.1

Calann Enair for Aine & aile x. fuirri. Nono anno ciclo
20] solaris; xv. anno decemnovennalis; vii. anno indictionis;
21] M.cc.xl. nono. Communis. C.


22]

1249.2

Sluagad mor la Giustis na hErenn i lLaignib do innsaigid
23] na mac rig bitis ac lot & milled Gall, & ni tucsat na meic rig
24] Laignecha taeb fris don cur-sin, & o na tucsat tuc-som laim tarsan
25] tir & do lomarced leis co ler hi.


26]

1249.3

Cocad mor & uilc imda do denam do Fingin Mag Carthaig
27] ar Gallaib Desmuman in hoc anno.


28]

1249.4

Addam Minatur do marbad do mac Gilla Moconne h. Cathail
29] & moran aili imaille ris.


30]

1249.5

Piarrus mac Enri Puer & Dauid Triu & marcsluag do gillaib
31] oca mar oen riu do toidecht re Mac Feorais hi Connachtaib co
32] caslen Slicig, & adcuas do mac Fedlim h. Conchobair in ni-sin, &
33] o atchuala tucc arrchest forra & do marbad leis Piarrus{folio 3b}

p.98


1] Puer & Dauid Triu & coicer do gillaib oca mar oen riu,
2] & rucaitt na cuirp-sin co hEss Dara da n-adlacad iar sin.


3]

1249.6

Imthusa meic Fedlim iar sin tanicc reme i Tir Fiachrach
4] & ar fod criche Meic Feorais & do lomaircc hi o Muaid co Traig
5] nEothaile in tSair. Et ro len Gerotin Mac Feorais iat & ruc
6] se ar Donnchad mac Magnusa & ro loited les he & ro gabad, &
7] rug lais co Dun Con Trethain. Ro len mac Fedlim iad iar sin
8] & tucc mac Magnusa les & ro marb se Gerotin per dolum; &
9] testa mac Magnusa don lot-sin iar sin & ba mor ind esbaid-sin
10] do Gallaib & do Gaidelaib diblinaib.


11]

1249.7

Ro tinol Mac Muris iar sin & tanicc reme i Connachtaib
12] & do ben do mac Fedlimid in met ara rucc dona crechaib-sin
13] aice. O' t-chuala Fedlim mac Cathail Crobdeirg Gaill do beith
14] tinolti ina comfoccus tar es na n-olc mor-sin do denam ar Gallaib
15] da mac is hi comarli doroine, a imircecha do chur dar Sinainn
16] soir isin mBrefne & hi tuascert hErenn.


17]

1249.8

Ro thinol dino in Giustis Gaill Mide & Laigen & tanicc
18] sluag mor reme dar Ad Luain & as-side a Sil Muredaig, & Mac
19] Muris don leth aili & Gaill Muman & Connacht mar aen riss,
20] & tancatar an da sluag-sin co hOil Finn ar milled Sila Muredaig
21] rompa conici sin. Et tucsat chuctha Toirrdelbach mac Aedo
22] meic Cathail Crobdeirg & do rigsat he a n-inad Fedlim meic
23] Cathail Crobdeirg, & do aircsed crich Brefne iar sin & doronsad
24] ulca imda inte in cech aird & tucsad a creca iar sin; & do batur
25] xx. aidche imslan i Sil Muredaig aca milled; & ro aircset Loch
26] Ce cona ailenaib & in Carraic mar oen riu. Dochuaid dono an
27] Giustis isin Mide & dochuaid Mac Muris co Slicech, & do facaibsed
28] Toirrdelbach ag comed tSil Muredaig.


29]

1249.9

Sluagad aili la macaib rig Connacht co hAd na Rig da
30] loscad & da lomarcain, fo fel Muri i meodon in fog{folio 13c}mair,
31] & dochodur sluag mor ann sin fo Toirrdelbach mac Aeda & fo
32] Aed mac Aeda. Et do bi Serriam Connacht isin baili ara cinn
33] & Goill imda imar aen ris, & ro iarsat Goill cardi in laesin ara
34] uasli i nn-onoir Mure Mathar isa la do bai ann, & ni tucsat na
35] meic rig in charde-sin amach i n-onoir Mure na na Croiche
36] Cesta & ro insaigset in baili d' aindeoin Torrdelbaig.


37]

1249.10

Et o't-conncatar Siurtan & na Gaill sin tancatar asin bali
38] immach i coinne na mac rig-sin. Dorone Mure mirbaili ann sin.

p.100


1] O'tconncatar na meic rig cona muintir in marcsluag etigti armtha
2] cucta ro gab grain & ecla iat ica facsin & ro mebad dib, & do marbad
3] Aed mac Aeda h. Conchobair ann sin & Diarmait Ruad mac
4] Cormaic h. Mailseclainn & da mac h. Cellaig et Brian in Doiri
5] mac Magnusa & in Carrach Insibail mac Neill h. Conchobair
6] & Baethgalach Mac Aedacan & Mathgamain mac Taidc meic
7] Diarmata Bachlaig h. Conchobair & da mac Lochlainn h. Conchobair
8] & Domnall mac Cormaic Meic Diarmata & in Findanach
9] Mac Branan & Cu Muman Mac Casurlaig & daine imda eli.


10]

1249.11

Donnchad mac Anmchada meic Donnchada h. Gillapatraic
11] .i. int aenchenn fedna dob ferr enech & engnam tanic
12] d' Osraigib o Colman mac Bicne Caich & o Scanlan Mor mac
13] Cinn Faelad anuas, do marbad do Gallaib isin bliadain-sin.
14] Uair ropa comain do Gallaib sin; is mor ro marb & ro crech
15] & ro loisc dib-sin riasan la-sin. Uair rop e Donnchad in tres
16] Gaidel do erig do Gallaib iar ngabail Erenn doib .i. Conchobar
17] O Mailsechlainn & Conchobar na Caslen Mac Cochlan & mac
18] Anmchada. Uair teged mac Anmchada fein do brath na mbailed
19] marcaig a rricht duine boicht no shair no tornora no eladna
20] ecin eli, ut dicitur:

  1. 21] Bid 'na tsaer, bid 'na tornoir,
    22] bid mo laeg ina lebroir,
    23] bid se ag reicc fina is craicenn
    24] maer a faicenn se semnoir


25]

1249.12

Tadc h. Mandachan ri h. mBriuin na Sinna do ecc in
26] octauo idus Iunii & a adnacal a Cill Moir na Sinna.


27]

1249.13

Conn h. Flannacan prioir Qilli Moiri na Sinna do ecc in
28] vi. kalendas Maii.


29]

1249.14

{folio 13d}Maelmure h. Lachtnan Maigister hi Canoin
30] & phalmaire Srotha Eordanen et Ardespoc Tuama Da Gualann
31] & Connacht uili do ecc isin gemred, gairid becc ria Notlaic.


32]

1249.15

Andrias Mac Gillageir comarba Feichin mortuus est.


33]

1249.16

Maelciaran h. Lenachan uasalsacart mor Tuama Mna, fer
34] clerech & aesa graid do chongbail ina tig fein & fer tigi n-aideag
35] cotchind do cliaraib & do chomaigtib, do ecc ar sligid ag dol co
36] hArd Carna do estecht sermone isin Aine ria Lougnasad & a
37] adnacal co huasal onorach i nAilen na Trinoite for Loch Ce.


38]

1249.17

Mor ingen Donchada h. Dubda ben an Gilla Munelaig
39] h. Baigill mortua est


40]

1249.18

Dun Mor do loscad dona macaib rig in hoc anno.

p.102