Kl.
Olchobur macc Cináeda, abb Imlecha Ibair, do gabail ríge Cassil.
Cath Sceth Nechtain h-i Laignib ré n-Ólchobur for Gullu i torchair Tomrair iarlae.
Mors Draigneáin mc. Dúnadaig, ríg Gabra.
B. Kl.
Mors Flaind meicc Echdach, ríg Dáil Araide.
Kl.
Quies Cétadaig, abb Cluana Macc Nóis.
Quies Rechtabrat, abb Cluana Ferta Brenainn.
Mors Cobthaich, ríg Ciarraige Luachra.
Kl.
Quies Ólchobuir mc. Cinaeda, abb Imblecha Ibair & rí Caissil.
Kl.
Ailgenán mc. Donngale do gabail ríge Cassil.
Forannan & Diarmait, abbaid Aird Macha, dormierunt.
B. Kl.
Ailgenan mc. Dondgaile, rí Cassil, dormiuit.
Congal mc. meicc Lachtnai do rígad do Chiarugu Luachra.
Mors Tálamnaig m. Aeda, ríg Corcu Bascinn.
Kl.
Indrechtach h-ua Fínechta, abb Iae, h-i martra {folio 15a} dochoid oc dul do Roim la Saxanu.
Kl.
.iii. f., ix. luna. Cath Cúla Daim i torchair Commá mc. Suibne.
Kl.
Mael Guala macc Donngaile do gabail rige Cassil.
Quies Cathassaich, abb Airdd Macha.
B. Kl.
Mors Aeda m. 1rig Ciarraige Luachra.
Longes Butíne do thíchtain dochum h-Érend.
Kl.
Sloged Maíl Sechnaill for Mumain.
Quies Mane m. h-Uargussa, abb Imblecha.
Cináed macc Alpín, ri Alban.
Kl.
Mors Maíl Guala m. Dondgaile, rí Cassil.
Cerball mc. Dondgaile co feraib Muman for sluagud i n-hUib Néill ó Féil Martain co féil & a n-indriud co Sliab n-Uait gura giallsat in tuaiscert do.
Kl.
Aed macc Duib dá Bairend do gabail rige Gabra.
Kl.
Cend Foelad h-ua Muchthaigirnd do gabail rige Caissil.
Mors Domnaill m. Alpín, ríg Alban.
Kl.
Mors Mail Shechnaill meicc Maíl Rúanaid.
Kl.
Quies Danéil, abbad Lis Moir & Corcaige.
Quies Aedáin, abb Inse Cathaig.
Kl.
Mors Cermata meic{folio 15b} Cathrannaich, rig Corcu Bascind.
B. Kl.
Erchra ngrene isin Kl. so
Mors Taidg m. Diarmata, ríg Laigen.
Kl.
Tomrar iarla do orcain Cluana Ferta Brenai nd conro marb Brenaind tres ló iar richtain a longphoirt.
Kl.
Fell do Amlaíb for Les Mór & Mártan do soerad ass.
Kl.
Connmach, abb Cluana M. Nóis, moritur.
Dubthach Bérre, sapiens, quieuit.
Cath eter Fland mc. Conaing & Aed mc. Neill in quo cecidit Fland mc. Conaing.
B. Kl.
Mors Dúnlainge m. Muirchertaig, ríg Laigen.
Kl.
Quies Suarlichind Ednain, abb Cluana Iraird.
Kl.
Quies Neill m. Donngaile, abb Cluana h-Uama & Cúile Collaingge.
Kl.
Cend Foelad h-ua Mugthaigirnd, abb Imblecha & rí Caisil.
Ferdomnach, abb Cluana Meicc Nóis.
B. Kl.
Flaithbertach macc Duib Ruip, ri Corcu Mruad, moritur.
Indred Connacht do Dunchad mc. Duib da Bairend, rí Caissil.{folio 15c}
Barid co morc(hoblach o) Ath Ch(l)iath iar muir siar diaro ort Ciarraige Luachra fo thalmuin, .i. crec na n-huam.
Kl.
.iii. f., .ix. luna. Fethgna, ab Aird Macha, quieuit in Christo.
Kl.
Muiredach mc. Br(ain), rí Laigen, do indriud h-U(a) Neill co Sliab n-Úait, & oenach Tailten do aig(e)d.
Kl.
Mors Rechtabrat meicc Brain, rig Laigen.
Quies Eogain, abb Cluana M. (No)is.
B. Kl.
Kl.
Mors Congail meicc Lachtnai, rig Ciarraige Luachra.
Kl.
Mors Aeda meic Neill, rig Temrach.
Kl.
Quies Feradaich, abb Iae Coluim Cille.
Kl.
Quies Aeda ind Aileóin, epscoip & anmchara h-Erend.
Kl.
Quies Rudgail maicc Fingail, abb Imlecha Ibair.
Quies Flaind meicc Cellaich, abb Scelic.
Kl.
Loscud Lis Móir la macc nÍmair.
Quies Cathassaich, abb Aird Macha.
Kl.
Mors Domnaill meic Muirecain, ríg Laigen.
B. Kl.
Mors Muirethaich meic ríg Laigen.
Kl.
Mors h-Uromuin meicc Aeda, ríg Ulad.
Togail Dúine Tidill i crích Arad.
Kl.
Quies ....
Anealoen ailithir{folio 15d} (d)o thichtain i n-Herind coro díchuirthi gruaca leiss & co n-arroeta corne.
Quies Con cen Máthair, abb Imlecha Ibair.
Kl.
Mors Cerbaill meicc Dúngale, ríg Osraige.
Mors Aeda meicc Conchobuir, rig Connacht.
Quies Mail Choba meicc Crunnmáil, abb Aird Macha.
Kl.
(Ga)bail Duib Lachtnai meicc Muil Gualae i r-rige Cassil, & Taidg meicc Conchobuir i r-rige Connacht.
Kl.
Guin Eogain meicc Cind Faelad, abb (I)mblecha Ibair.
MorsIndrechtaich m. Aeda, ri Ciarraige Luachra.
Kl.
Mors Gormáin meicc Mugróin, rí Glennamnach.
Quies Faelain meicc Maíl Dúin, abb Iae Coluim Cille.
Mael Petair macc Cuain do gabail Cluana Ferta Brenainn.
Kl.
Quies Muíl Brigte, abb Cluana Meicc Nois.
B.i. Kl.
Quies Mochtai, epscoip Aird Macha.
Genti do dul a h-Erind isin bliadain so.{folio 15e}
Kl.
Diarmait macc Cerbaill do gabail ríge Osraige.
Quies Flaind meicc Forbassaich, abb Liss Móir. Mael Brigte i n-abdaine dia h-éis.
Kl.
Mors Duib Lachtnai meicc Muíl Gualae, rig Cassil.
Quies Muíl Petuir m. Cuáin, abb Tíre da Glass & Cluana Ferta Brenainn.
Kl.
Mors Murchada meicc Moenaig, rig iarthair Chonnacht.
Martra Muíl Achid, abb Cluana M. Nóis.
Guin Flaind meicc Lonáin, rí filed n-Erend, la h-Ú Fothaid Tíre
.r. Cenn Geggáin do gabáil rige Cassil.
B. Kl.
Quies Cathassaich meicc Fergussa, abb Aird Macha.
Cormacc Mothla do gabáil ríge na n-Désse ocus Mael Bennachtha do marbad laiss.
Kl
Mors Flaind meicc Cathrannaich, rí Corcu Bascind.
Lennán mc. Cathrannaich i r-ríge dia h-éis.
Kl.
Quies Mescill meicc{folio 15f} Cummascaich, abb Imlecha Ibair, & Flann mc. Conaill do gabail abbdaine dia éis.
Kl.
Quies Taidg meicc Conchobuir, rí Connacht, iarna imnochtai for seche na h-Uidre Ciarain.
Mors Domnaill, ríg Alban.
Quies Fíngin, anchara di Mumain, i Cluain Meic Nois.
B. Kl.
Quies Maíl Brigte meicc Brolaig, abb Inse Cathaig.
Orggain Muíl Ruanaid, rigdamna Temrach.
.r. Cormacc macc Cuilennain, in t-uasalepscop & in macc óg, do gabáil ríge Cassil.
Kl.
Orggain Cind Géggain, ríg Cassil, la Cenel Conaill Chassil.
Kl.
Kl.
Quies Flaind meicc Conaill, abb Imlecha Ibair.
Quies Ioseph Locha Con, abb Cluana Meicc Nóis.
B. Kl.
Barbardai do thíchtain dar Muir Tarrean & dar cech muir cena othá airthiur in domuin co torachtatar Etáil & Róim for echaib co pattib impu & mná maela leo.
Kl.
Mors Ciarmaccain meicc{folio 16a} Lannabrat, rí Gabra.
Banscal darala h-i trácht n-Alban isin bliadain so, da thraig déc ar .ix. fichtib a fot length; a .xui. fot a trilse length; .ui. traigid fot mér a láme length; a .ui. fot a sróne length; gilidir géis l^ h-uan tuinne a corp.
Kl.
Orgain Locha Rí la firu Mumam co m-Mairg Laigen & co m-Mag Léna, diaro marbad Mael Craíbe macc Cathalain, rí Ceniuil Fiachrach, & alii multi .
Cett mc. Flaithbertaich do gabail rige Corcu Mruad.
Sluaged Muman la Cormacc mc. Cuilennáin & la Flaithbertach macc n-Inmaineáin co m-Mag na Curre co tucsat giallu h-Ua Neill; & dochótar iar sein fo chétoir h-i Mag n-Áe co tucsat a r-riara ó Chonnachta. Notlaic Mór dóib allánair & Kl. Enair allaniar. Inde dixit Cormac: Rob sen (a) lachu Luchair &rl. Ocht fichit imarchor{folio 16b} la Cormacc, rig Casil, co rabatar oc Cluain Macc Nóis fó[n] Notlaic sin.
Kl.
.ui. f., .xx. iiii.. luna.
Cath Maige Aillbe ré Lagniu & h-Uib Neill for Mumnechu in quo cecidit Cormacc macc Cuilenáin, rí Cassil, & Cellach macc Cerbaill, rí Osraige. Inde dixit sapiens:
- Noí m-bliadnai ar noc cétaib
o gein Crist-cain arde-
co torchair Cormac cainde
i m-Maigib állib Ailbe In
[...]
& primsui ecna & eolasa, & Ailill mc. Eogain abb Corcaige, & Colmán abb Cind Ettig, & alii multi..
B. Kl.
Mors Cerbaill m. Muirecain, rí Laigen.
Mors Colmain meicc Cinaeda, rí Ciarraige Luachra.
Kl.
Kl.
Bachall do gabáil do Domnall mc. Aeda, rí Ailich, & Niall macc Áeda do gabail rige dia éisse.
Kl.
Quies Maíl Brigte m. Maíl Domnaich, abb Lis Móir.
B. Kl.
Quies Tipraite meic Maíl Find, abb Imlecha Ibáir.
Quies Torptha m. Thaicthich, ardfile h-Erend.
Quies Maíl Chassil{folio 16c} m. Cinaeda, abb (Mungarit).
Kl.
Flaithbertach mac(c) Inmaineáin do gabail rige Cassil.
Eochu mc. Scandláin do gabail abdaine Imlecha Ibair.
Kl.
Kl.
Mors Flaind meicc Mail Sechnaill, ríg h-Erend.
Guin Gebennaich meicc Aeda, ríg Gabra, o Gallaib.
Niall mc. Aeda do gabáil ríge Temr(ac)h.
Quies Aeda meicc Ailella, abb Cluana Ferta Brenainn.
B. Kl.
Ár nGall la h-Ú Conaill Gabra & la firu Maige Fene oc Raithiun Mor, .i. .dcc. Gall.
Bo-ar for cethraib & enaib iss ed mod ma roclos guth luin na smolche isin bliadain sein.
Kl.
Kl.
Mors Ceitt mc. Flaithbertaich, rí Corcu Mruad.
Bliadain terci & gorta.
Cath Atha Cliath dia r-roemaid for firu h-Erend resin Cháech h-ú Ímair co torchratar{folio 16d} maithe tuascirt h-Erend and im Niall nGlundub mc. n-Aeda, rí h-Erend, & im Áed mc. Eochucain, rí Ulad, & im Mael Mithich mac Flannacain, rí fer m-Breg, & im Chonaing macc Flaind, rigdomna Temrach, & alii multi.
Minchaisc i samrud.
Kl.
Martra Cormaic meicc Cuilennain, epscop & secnap Lis Móir & abb Cille Mo Laisse & rí na n-Désse & cend athchomairc Muman olchena, la h-Ú Fothaid Aiched.
Guin Murchada m. Flaind, rí Corcu Bascind.
B. Kl.
Mors Berggíne meicc Riacain, rí h-Ua Corpri.
Mors Domnaill m. Flaind, rígdam[n]a h-Erend; a guin la a bráthair, la Donnchad mc. Flaind.
Gothbraith h-ua Ímair do gabáil Atha Cliath.
Kl.
Quies Cormaicc m. Áedain, epscoip Cluana Ferta Brenainn.
Tomrair mc. Elgi, iarla{folio 16e} do Gallaib, for Lumnech & dul do coro ort Inis Celtra& Muccinis & coro loisc Cluain Macc Nóis, & luid for Loch Rí coro oirg a h-uile inse, & coro oirgestar Mide.
Kl.
Quies Aeda h-Ui Raithenain, ecnaid h-Erend.
Mors Maíl Chluche m. Conchobuir, rígdamna Connacht.
Mors Maíl Churarda h-ui Chlerich, rigdamna descirt Chonnacht.
Kl.
Gothbraith h-ua Ímair iar muir síar co r-ragaib giallu descirt h-Erend de muir co Ross Ailithir.
Muirethach mc. Domnaill, abb Manistrech Buti & tánaise abbad Aird Macha, quieuit.
B. Kl.
Mors Cathail meicc Conchubuir, ríg Connacht.
Mors Dubgaill m. Aeda, ríg Ulad.
Quies Carpri meicc Ábéil, ollam h-Erend.
Kl.
Quies Colmain meicc {folio 16f} Ailella, abb Cluana Mac Nóis & Cluana Iraird.
Longes Puirt Lairgge iar tír co ragbaiset i Loch Gair.
Kl.
Quies Maíl Brigte m. Thornáin, abb Aird Macha & abb Iae Coluim Cille.
Ár nGall Puirt Lairgge oc Cill Mo Chellóc la firu Muman & la Gullu Luimnich.
Quies Muíl Chorguis h-Uí Chonaill, epscoip Tuadmuman.
Kl.
Mors Muirgile ingene Maíl Sechnaill.
Fínnechta, abb Corcaige, quieuit in Christo.
B. Kl.
Fínnechta mc. Lóegare, primánchara h-Erend & ri Ciarraige Luachra & cend athchomairc Muman, quieuit.
Quies Tuathail, sui-epscop Lethe Cuind.
Kl.
Longphort la Gullu Luimnich oc Loch Bethrach i n-Osraige, & Derc Fernna i n-Osraige do thogail doib.
Kl.
.uii. f., ix. luna. Quies Tipraite m. Amséni, abb Cluana Meicc Nóis.
Kl.
Mors Oengussa m. Angussa, .... h-Erend.{folio 17a}
B. Kl.
Mors Cuileáin meicc Cellaich, ríg Osraige.
Quíes Olchobuir, abb Ruis Ailithir.
Kl.
Quies Rebachain meic Mothlai, abb Tomma Grene & rí Dál Chais.
Quies h-Uallaige ingene Muinecháin, banfile h-Erend.
Donnchad mc. Cellaich do gabail ríge Oss[r]aige.
Kl.
Quies Meicc Lenda, abb Imblecha Ibair.
Kl.
Quies Ioseiph, abb Aird Macha, & Máel Pátraicc do gabáil dia éiss i n-apthaine.
Mors Ánrudain meicc Maíl Guirm, rig Corcu Mruad.
B. Kl.
Mors Fergail meicc Conaing, ríg Ailich.
Mors Conaing m. Neill & cetera.
Uentus ingens.
Kl.
Quies Ciarain m. Ciarmacáin, abb Lis Móir Mo Chutu.
Kl.
Quies Aeda m. Maíl Phátraicc, abb Achid Déo.
Kl.
Mors Arailt h-uí Ímair la Connachta.
B. Kl.
Ár na n-Désse la Cellachán, rí Cassil, i torchair Célechair macc Cormaic, rí na n-Désse, & cethri chét imme.{folio 17b}
Kl.
Quies Eochada meicc Scandláin, abb Imlecha Ibair.
Máel Caich, fer legind Imlecha Ibair, in Christo.
Kl.
Martra Muirchertaich m. Neill, rigdamna h-Erend, la gente.
Martra Lorcain meicc Foelain, ríg Laigen, la genti.
Kl.
Quies Flaithbertaich meicc Inmainéain.
Mors Donnchada m. Flaind & Cuind a meicc.
Orgain Átha Clíath do h-Uíb Neill & Laignib.
Kl.
Mors Aurchada, ri h-Ua Briuin.
B. Kl.
Quies Duib Scuile Cluana Ferta Brenainn.
Kl.
Duilend do nim for altoir n-Imblecha Ibair & in t-én do labrad risna doenib, & inganta ile archena isin bliadainse; & Bláccair, rí Gall, do marbad.