Corpus of Electronic Texts Edition
Annals of Tigernach (Author: [unknown])

Annal T1090

T1090.0

Kl. enair for mairt & xx.ui fuirri.

T1090.1

Muirchertach h-Úa Briain do dul for Loch Riach tre nert sluaigh & tre báeghal.

T1090.2

Cináeth h-Úa Mordha & mac Mael Ruanaid maic Con Coirne a comthoitim a tigh h-Úi Briain.

T1090.3

Crech la Murcertach h-Úa m-Briain a Feraib Cell, conas-tarraidh h-Úa Mael Sechlainn cona teglach, & do-rala a n-ár, du a torchair Mael Sechlainn mac Dunghalaig{folio 19b1} et mac Conén I Duibgind, et alíí multi nobilés.

T1090.4

Muirchertach h-Úa Bricc, rí na n-Deisse occisus est.

T1090.5

Minda Colaim Chille .i. Clog na Righ & an Chuilebaidh & in da Sosscéla do tabairt a Tir Conaill & .uíí. fichit uínge d' airged, & Aenghus h-Ua Domnallan is se dos-fuc atuaidh.


p.13

T1090.6

Sluagad la Muirthertach h-Úa m-Briain & la Firu Muman & la Gallu Atha Cliath, co ro índairset cendtar Laigen & Firu Bregh co Ath m-Buidhi, & co tarsat .ii. etere do Domnall mac maic Lochlainn ara n-anacol ótha sin síar.

T1090.7

Dun Aiched do loscud la Ruaidhrí h-Úa Concobair.

Annal T1091

T1091.0

Kl. enair quarta feria, luna septima.

T1091.1

Sitriuc mac Gilla Bruidhe h-Úi Ruairc occisus est per dolum a suis.

T1091.2

IN chuid rob uilli d' Ard Macha do loscadh.

T1091.3

Sluaiged la Muircertach h-Úa m-Briain la rig Muman a Midhi, cor' airg Iarthar Midhi.

T1091.4

Sluaiged la Connachtaib cor' loisced moran don Mumain.

T1091.5

Goffraidh mac Maic Arailt, rí Atha Cliath.

T1091.6

Creach mor la Domnall h-Úa Mael Sechlainn ríg Temrach co riacht Iubar Chind Trachta, cor' airg Firu Fernmuighe & Conaille & Mugdhorna & h-Úu Meith, & cor' loiscsit Conaille don crech-sin.


p.14

T1091.7

Laidgnen h-Úa Duinn Cathaig .i. an Buidhenach, rí Gaileng, do marbadh do Uib Briuin per dolum.

T1091.8

Cerball h-Ua h-Aeda, sindser Claindi Colmaín, obít.

T1091.9

Donn Sleibe h-Úa Eochadha, nó comad h-e Donncadh mac Duinn Shlébe, rí Ulad, occisus est o Cenel Eoghain, maille re h-urmor Ceneoil Eogain lais. rí Ulad

Annal T1092

T1092.0

Kl. enair .u. feria. luna. xuiii.

T1092.1

Ruaidhri na Saidhe Buidhi mac Aeda in Ga Bernaigh h-Úi Choncobair, rí Connacht, do dallad d' O Fhlaithbertaigh & do Fhaghartach h-Úu Fhagartaigh, & gnim trúagh sin d' O Flaithbertaigh .i. altra & a chairdis Crist fó secht & a tigherna do dallad.fech so

T1092.2

Enda mac Diarmuta a fratribus suis occisus est.

T1092.3

Donncadh mac Carrthaigh, rí Eoghanachta occisus est.

T1092.4

IN Craibtheach O Fallomain do bathadh a l-Loch Cairrgin.

T1092.5

Aed mac Cathail h-Úi Choncobair do gabail do Briain, & righi


p.15

Sil Muiredaigh do thabairt do Gilla na Naem h-Úu Eidin. fech so

T1092.6

Coblach fer Muman do argain Cluana Maic Nois.

Annal T1093

T1093.0

Kl. uii. feria. luna xx.ix.

T1093.1

Trenfer h-Úa Cellaig, rí Bregh, do marbad do mac h-Úi Duibidhir a n-Damliag Ciannáin.

T1093.2

Aed h-Úa Baigellan, rí Fernmuige, do marbadh do Chonaillib.

T1093.3

Dub Dara, mac maic Aigenain, rí Luigne Midi, mortuus est.

T1093.4

Mael Colaim mac Donnchadha, rí Alban, occisus est o Frangcaib, & Edabard a mac, & Margarita, ben Mail Colaim, do ég da chumaidh.

T1093.5

Aedh mac Cathail h- Concobair, do marbadh a mebail, rí Sil Muiredhaigh, a n-gemil.

T1093.6

Meabal ar Sil Muredaig uile la Murchertach h-Úa m-Briain, ríg Erenn, cor' airg & cor' índarb a Tir Eogain, cor' gab a rig .i. Gilla na Naem O Concobair, & h-Úa Con Chenaínd mac Taidhg maic Diarmuda ri h-Úa n-Diarmada.


p.16

Annal T1094

T1094.0

Kl. enair prima feria, decima luna.

T1094.1

Sluagad la Murchertach h-Úa m-Briain la ríg Muman for Gallaib Atha Cliath, co tanic a Midhi, & cor' indrastair Airrther Midhe, & cor' marb ríg Midhi .i. Domnall h-Úa MaelSechlainn, aird-righ Temrach & cosnumaidh Erenn archena. Infelix hícc annus!

T1094.2

Cath Fidhnacha le Tadg mac Ruaidhrí & le Sil Muiredhaigh for h-Úu Flaithbertaigh & for Corco Mruadh & for Iarthar Condacht, cor' cuiredh a n-ár, du a-torchair Amlaim Ó h-Aichir & Dond Sleibe O Cind Faeladh & mac Gilla Fhursa h- Mail Muaidh et alíí.

T1094.3

Annadh h-Ua Céli, rí Aradh, do marbad d' Feraib Muman ic Áth Cliath.

T1094.4

Ruaidri h-Úa Dondacan, rí Aradh, do éc.

T1094.5

Aedh h-úa Domnaill do bathadh.

T1094.6

Domnall mac Flaind{folio 19b2} h-Úi Mael Sechlainn, rí Temrach, do marbad do Luignib Midhi.


p.17

T1094.7

Mor-chuairt Muman co léir la comurba Patraic. Airgne tara éis a n-Ard Macha.

T1094.8

Midhi do roind etir Concobar & Donnchadh h-Úa Mail Sechlainn.

T1094.9

IMar h-Úa Gilla Ulltain, taissech Munteri Mail Sinna, do marbad.

T1094.10

Gilla na n-Ingen h-Úa Cobthaigh, rí Umaill & airchíndech Achaidh Fobuir, do marbad d' Fheraib Cera.

Annal T1095

T1095.0

Kl. enair for luan .xxi.

T1095.1

Caisel na Ríg do loscud ex maxima parte.

T1095.2

Durmach Coluim Cille & Fobur & Cluain Iraird & Glend Da Lacha & Cenannus do loscud in hoc anno.

T1095.3

Donngus espoc Atha Cliath quieuit.

T1095.4

Domnall O Fergail, rí Fortuath Laigen. Donnchadh rí Ulad, & mac Duind t-Slebe rí Ulad do aithrighadh.

T1095.5

Goffraidh rex Normannorum mortuus est.

T1095.6

Taichleach h-Úa h-Eagra, rí Luigne, occisus est.


p.18

T1095.7

Domnall h-úa Muredhaigh, en-rí Teftha, & Amlaim mac Conmeda do marbadh a fill a n-gemil a Mumain.

T1095.8

Cluain Maic Nóis do argain do Conmacnib, & dorus an tempuill do dunadh do clochaib.

Annal T1096

T1096.0

Kl. enair. feria tersia. luna .ii. Exit malus annus et ueniat bonus annus .i. bliadan na feli Eoin.

T1096.1

Ri Airgiall .i. h-úa h-Aínuith obit.

T1096.2

Mathgamuin h-Úa Ségda, rí Corco Duibne quieuit.

T1096.3

Muirchertach h-Úa Dubda, rí h-Úa n-Amalgaidh & h-Úa Fiachrach & Chera tre thangnacht a suis occisus est.

T1096.4

Gilla Osén, mac Coirten do marbad do Ib Laeghaire Midhi.

Annal T1097

T1097.0

Kl. enair .u. feria xiii luna.

T1097.1

Tadhg mac Ruaidhrí h-Úi Concobair, rí Connacht do marbad do Clainn Concobair & do aes gradha fen a fill .i. do


p.19

Con Luachra h-Ua Mael Brenaind cum suis in immatura etate, id est in .xx.íííí. aetatis suae.

T1097.2

Amairgen O Morda, rí Laigsi quieuit.

T1097.3

Flaithbertach O Flaithbertaigh do dul a n-athardha co h-Aedh ín Ga Bernaigh mac Taidhg in Eich Gil h-Úi Concobair, & righe Connacht do gabail do.

T1097.4

Mael Brigde O Brolchan, espoc Cilli Dara, quieuit.

Annal T1098

T1098.0

Kl. enair .uí. feria. luna uigisima .iiii. Pluuialis annus et fertilis (.i. bliadan fhliuch saidbir).

T1098.1

Derborgaill ingen Taidhg maic Gilla Padraic, máthair Muirchertaig h-Úi Briain, ríg Erenn, a n-Glend Da Locha quieuit.

T1098.2

Domnall h-úa h-Enna, aird-espoc Erenn & cend crábaidh & egna & derci fer n-Erenn, quieuit.

T1098.3

Flaithbertach h-Úa Flaithbertaig, rí Connacht, do marbadh do Sil Muiredaigh a n-dighail dallta Ruaidhrí na Saidhe Buidhe.


p.20

Annal T1099

T1099.0

Kl. enair .uii. feria. luna quinta.

T1099.1

Domnall mac Donnchada, rí Alban, do dallad da brathair.

T1099.2

Maidm Locháin Geiredh re n-Íarthar Teftha for Airrther Teftha, du a torchair Muirchertach h-Ua h-Airt, rí Teftha, & h-Ua Lachtnán.

Annal T1100

T1100.0

Kl. enair prima feria luna .xui.

T1100.1

Aedh espoc Cilli Dara d' ec.

T1100.2

Donnchadh h-Úa h-Eochadha, rí Ulad, do ergabil do mac Maic Lochlainn tre tangnacht .i. do ríg Ceneoil Eogain.

T1100.3

Mor-sluaiged la Laignin, co rancatar Slaib Fuaíd & cor' loiscset Airgialla & h-Úu Méith & Firu Rois.

T1100.4

Gilla na Naem O h-Eidhin, rí Sil Muiredaigh & Condacht, mortuus est. I Cluain Maic Nois ro h-adnacht.

T1100.5

Cu medha h-Úa Laeghechan, ard-taiseach Síl Ronaín, quieuit.


p.21

Annal T1101

T1101.0

Kl. enair for mairt & .xxuii. fuirri & cét-bliadan for bisex.

T1101.1

Dondchadh mac Airt h-Úi Ruairc, rí h-Úa m-Briuin & Conmaicne, mortuus est.

T1101.2

Mor-sluaiged fer n-Erenn la Muirchertach h-Úa m-Briain la ríg n-Erenn, i Cenél n-Eogain, cor' scail Ailech & co tanic timcell Erenn, & ni thard giallu na h-eteri.

T1101.3

Eachthigern h-Úa Braín, rí Breaghmune, do marbad ar crech a n-Airgedglend, et alii multí occisi sunt.

T1101.4

Comrac da ceithernn a Cluain Maic Nois .i. Munter Tadhgan & Mundter Cinaetha, cor' marbad in Gilla Find mac Maic Uallachan and, .i. rí Sil n-Anmchadha, cum aliis.

T1101.5

Ferdomnach espoc Cilli Dara, in Christo quieuit.

T1101.6

Gilla na Naem h-Úa Dunabra, ollam Connacht mortuus est.

T1101.7

Cathal h-Ua Muiricen, rí Teftha, do marbad o Airrther Teftha.


p.22

T1101.8

Comdail fer n-Erenn im Muirchertach h-Úa m-Briain i Caisil .i. laechaib, cleirchib, & is annsin tuc Muircertach h-Úa Briain Caisil na Righ a n-ídhbairt do Padraic & don Chomdidh.

Annal T1102

T1102.0

Kl. enair for cetain & nómad déc fuirri, & is i sin ín dara bliadan ar cét ar míli ó Incollugadh Crist.

T1102.1

Domnall mac Tigernain Ruairc, rí Connacht & h-Ua Bríuin & Conmaicne a tempus, occisus est o Muintir Eolais.

T1102.2

Murchertach h-Úa Conchobair Failghe quieuit.

T1102.3

Hua Baigill aird-espoc Aird Macha quieuit.

T1102.4

Sitriuc mac Con Medha h-Ui Laigechan, taisech Sil Ronaín, mortuus est.

T1102.5

Muirchertach h-Úa Mail Sechlainn d'aithrighadh & rige do gabail do Murchadh.

T1102.6

Niall mac maic Neill h-Úi Ruairc, rígdamna Brefne, do marbadh do Feraib Luirg, et alii muiltí.

T1102.7

Mael M' Aedhoíc O Mongair & Mughron a athair, & Gilla Crist fer leigind Arda Macha do ég a triur.


p.23

T1102.8

Sith bliadne do Muirchertach h-Úu Bríain & do Magnus do rig Lochlann.

Annal T1103

T1103.0

Kl. enair for dardáin.

T1103.1

Cormac mac Cuind na m-Bocht, tanaiste abadh Cluana Maic Nois, quieuit.

T1103.2

Maidm Atha Calgan etir Airther Teftha & a h-Iarthur, uibi occisus est Cinaedh mac maic Amalgada, rí Callraighi in Calaidh.

T1103.3

Sluagad la Murchertach h-Úa mBriáin & Leth Mogha Nuadhad uile, & Connachta & Fir Midhi, co rancatar Ard Macha & co rabatar caecthighis a longport ann, co ro millsed co mor é, cor' bo tanaiste airgne dó, & tancatar a Midhi co Magh Coba a n-Ulltaib, & do roindset andsin a sluag, & do-chuaidh Murchertach h-Úa Bríáin & Mael Sechlainn rí Midhi & Domnall mac Ruaidhri h-Úi Conchobair, rí Connacht ar crechaib a n-Dail Araidhe, cor' marbad ann Dondchadh mac Tairrdelbaig h-Úi Briáin & Petta Demain h-Úa Beollain & h-Úa Concobair Ciarraighi & Donnacan h-Úa Duibcinn .i. tre sualchaib Dia & Patraic, et alíí muiltí.

T1103.4

Tancatar didiu Cenel Eogain co Mag Coba .i. Domnall mac maic Lochlainn, co fuair and Laigin & Osraigi & urmor fer Muman, & araill d' Feraib Midi & Connacht, cor' ferad cath


p.24

Muighe Coba andsin, cor' marbad a maithe uile , & at e andso na righ & na taisich ro marbadh and .i. Muirchertach mac Gilla Mo Cholmóc, rí Laigen, & da h-Úa Lorcan, & Murcadh rí h-Úa Muiredaigh & a brathair, & Mac Iaraind Ua Fhiachrach, rí h-Úa n-Enechalais, & da mac Mail-mordha h-Úi Domnaill & a brathair, & Gilla Padraic Ruadh, rí Osraige, et ailíí.

T1103.5

Maghnus, ri Lochland & na n-Indsi, fer ro triall forbais for Erinn, do marbad a n-Ulltaib.


p.25

T1103.6

Amalgaid mac Aedha maic Ruaidrí, do Clainn Coscraigh, do marbad da athair & da máthair & da brathair a n-dighail a n-dalta .i. Concobar mac Ruaidri h-Úi Conchobair, ro marb-som.

T1103.7

Ben do breith da lenam a n-aenfecht isin bliadain-si, & aen-chorp aco otha a m-braghaid co rigi a n-imlinn, & a m-boill co coir cen-motha sin, & aigedh cáich dib ara cheli.

Annal T1104

T1104.0

K. ui.

T1104.1

Fiachra h-Úa Flaind, taisech Sil Mail Ruanaid, occisus est o Conmaicnib.

T1104.2

Gilla Crist h-Úa Echtigirn, espoc Cluana Maic Nois, quieuit.

T1104.3

Cu Ulad h-Úa Caindelban do escar a Traigh Baile & a ég ic a thaig.

Annal T1105

T1105.0

K. i.

T1105.1

Mac Gilla Bruite maic Thighernan, rí h-úa m-Bríuin Brefne & Gaileng, do marbad do macaib a máthar fein .i. do macaib Donncaidh maic maic Cailig h-Úi Ruairc.


p.26

T1105.2

Concobur h-Ua Mael Sechlainn maic Concobair do marbad .i. rí Midhi, le Mumnechaib, no is la h-Uib Briuin Brefne ad-bath.

T1105.3

Muirgius h-Úa Concenaind, rí h-Úa n-Diarmuda mortuus est.

T1105.4

Domnall mac an Guit h-Úi Mail Sechlainn do marbadh do Cenel Fiachach.

Annal T1106

T1106.0

K. ii.

T1106.1

Donncadh mac Murchaidh maic Flaind h-Úi Mail Sechlainn, ri Midhi, do marbad do Mumneachaib.

T1106.2

Domnall mac Ruaidrí h-Úi Concobair do aithrighadh do Connachtaib, & a brathair .i. Tairrdelbach Mór, do rigadh tosach rigi Tairrdelbaig. Ic Atha in Termuind do righadh.

{folio 20a2}

T1106.3

Muirchertach h-Úa Mael Sechlainn do aithrigad, & rige Midhi do Murchadh mac Flaind.

Annal T1107

T1107.0

Kl. enair for cetain.


p.27

T1107.1

Concobur Cisenach h-Úa h-Eochada, rí Ulad, do marbadh. rí Ulad.

T1107.2

Tene gelan & gaeth isin bliadain-sin.

Annal T1108

T1108.0

Kl. enair for cetaín & a .u. dec fuirri, & bliadan bisex & milisimó centesimo ochtauus annus ab Incarnatione Domini.

T1108.1

Mael Finnen mac Donngaile aird-espoc Laigen.

T1108.2

Mac maic Aigenaín, rí Láigse subíta morte periit.

T1108.3

Luimneach do loscud in oc anno.

T1108.4

Domnall mac Donnchaidh h-Úi Ruairc, rí h-Úa mBríuin Brefne, occisus est o Cairpri.

T1108.5

Díass do marbadh do thenidh gelan a Termand Chaelaind.

T1108.6

Crech la mac n-Domnaill mac maic Lochlainn .i. rígdamna Ailig, isin Corand, co ruc bu imda & bruid.

T1108.7

Creach la h-Ulltaib i n-Uib Meith, cor' airgset uili acht bec.

T1108.8

Goll Garbraidhe h-Úa h-Eochada, rí Ulad, occisus est o


p.28

h-Úu Mathgamna. rí Ulad.

T1108.9

h-Úa Cerbaill, ríg Eoganachta Locho Lein, occisus est o brathair fein.

T1108.10

Troscud samaidh Ciarain for Muiredhach h-Úa Mael Sechlainn oc cuindchid saire Cilli Moire i Muig in Fhir, & as moch do-righne Dia a índeachadh .i. tasc Muirchertaig fo Erinn & argaín Midhi.

Annal T1109

T1109.0

Kl. enair for áine & .xx.ui. fuirre, & caisc for septkl. mai (& min)chasc a samradh.

T1109.1

Creach la Muirchertach h-Úa Mael Sechlainn, la ríg Temrach, cor' airg Firu Roiss & cor' marbad a ri .i. h-Úa Find, do fáesam Bachla Issa & comarba Padraic, sed uindicauit Deus.

T1109.2

Sluagad la Muirchertach h-Úa mBriuin co feraib Muman & Midhe a Condachtaib a n-Uib Bríuin Brefne, co tuc bu & brait moir, & co n-dechatar for indsib Locha h-Uachtair, co tucsad bruid estib. Taníc iarsin h-Úa Ruairc & h-Úa Briuin, cor' cuirsed h-Úa MaelSechlainn asa longport & tucsat ár Fer Midi im mac Gilla Fhulartaigh et alios cum eo.


p.29

T1109.3

Ard m-Brecan cona templaib do loscud la h-Uib Briuin & daíne do loscadh & bruit do breth as.