Corpus of Electronic Texts Edition
Annals of Tigernach (Author: [unknown])

Annal T1030

T1030.0

Kl. u. feria. luna .xx.ííí.

T1030.1

Flaithbertach h-Úa Neill do tocht do Roim in tricesimo anno post mille.


p.370

T1030.2

Bachall Issa do sarugud im tri caiplib, & ro marbadh a cind tri la in fer ro saraig.

T1030.3

Donncadh rí Cairpre do marbadh do Uib Fiachrach Muirsce a n-dorus tighi Scrine Adomnain.

T1030.4

Ros Comaín & Oilfind & Magh n-Ái uile do fasachadh.

T1030.5

Fassugud Midhi do Mael Sechlainn.

T1030.6

Maidm for h-Úa MaelSechlainn riasin n-Got, dú a torchair h-úa Cernachan rí Luigne.

T1030.7

Ruaidrí h-Úa Canannan do marbad ac Moghuirnn la h-Aedh h-Úa Neill.

T1030.8

Rigi Midhi do gabail do Mael Sechlainn & in Got do indarba for Loch Rí.

T1030.9

Aedh h-Úa Maeldoraidh {folio 16b2} do marbad la righ Brefne .i. in Cailech (.i. Art) h-Ua Ruairc.

T1030.10

Tadhg mac Cathail maic Conchobair, ri Connacht interfectus est le ó Mail Ruanaig rig Crumthaind & do Cloind Coscraigh im Ecsaidi h-úa Cathluain.

T1030.11

Orguin Bretan o Saxanaib & o Gallaib Atha Cliath.


p.371

T1030.12

Domnall Got, rí Midi do marbadh tre mebuil o Choin Cairnn h-uu Cobthaigh, o a amus féin.

T1030.13

Tadhg Mac Lorcan , ri h-Ua Cendsilaig do éc a n-aithrighi a n-Glind Da Lacha.

T1030.14

Cú Mara mac Maic Líag mortuus est.

T1030.15

Gormlaith ingen Murchadha meic Floind, máthair Sitriuca meic Amlaim, rig Gall, & Dondchada meic Briain, rig Muman, mortua est.

T1030.16

Comthoitim do dib rígaib Gaileng .i. Cú Calgaigh & Seanán h-ua Leochan.

T1030.17

Cathal mac Amalghaidh rí h-Ua Cellaig Cualand & a ben .i. ingen maic Gilla Caemgen, do marbad do Mac Cellaig maic Dunchadha & do macaib Aeda maic Tuathail.

T1030.18

Concobar mac Taidg h-Ui Cellaig, ri h-Ua Maíne, do marbad do Feraib Teftha.

Annal T1031

T1031.0

Kl. ui. M.XXXI.

T1031.1

Cú sleibi h-úa Dobuilén, rí Corco Fir Tri, do marbadh a fill.

T1031.2

Glun Iaraind mac Sitriuca do marbad do Descert Bregh.


p.372

T1031.3

Flaithbertach h-ua Murchadha, rí Cenéoil Bógaíne d'éc.

T1031.4

Ragnall mac Raghnaill meic Ímuir, rí Puirt Lairge, do marbadh a n-Ath Cliath a fill.

T1031.5

Cnutt mac Staín, rí Saxan & Danmarg, d' éc.

T1031.6

Crech la Sitriuc ar Ard m-Brecan, co ruc bruid & bai ass.

T1031.7

Crech la Concobar h-Ua MaelSechnaill co Sord, & cor' loisc Sord & co ruc bruit moír & bai imda.

T1031.8

h-Ua Ruairc .i. an Cailech, do argain Cluana Ferta Brenaind, & mebuis fair isin ló chétna re n-Donnchadh mac m-Briain, co fargaib ar daíne & eathar.

T1031.9

INis Eogain d' argain do Flaithbertach in Trostain mac Murchertaigh h-Ui Neill & da mac .i. do Aedh Athlaman.

T1031.10

Diarmuit mac Domnaill maic Faelain, rí na n-Deissi, mortuus est.

T1031.11

Dond Slebe & a brathair do marbadh la Murchadh mac m-Bricc a cath Sleibe Qúa.

T1031.12

Sluaiged la mac n-Eochada co Telaig n-óc, & nocho tarraidh ní. Aedh O Neill ina timchell sair co tuc .x. cét bó &


p.373

da cét déc do dainib.

Annal T1032

T1032.0

K. uii.

T1032.1

Domnall mac Mail Ruanaid h-Ui Mail Doraidh, rí Cenéil Conaill, do marbadh do Clainn Fiangusa.

T1032.2

Mael Tuile, espoc Aird Macha, quieuit.

T1032.3

Romanus papa Romae quieuit.

T1032.4

Tene gelan a Saxanaib, coro loisc daine imdha a Caír Ebrócc.

T1032.5

Muirchertach h-Ua Mael Sechlainn do dallad la Concobar h-Ua Mael Sechlainn.

T1032.6

Concobur mac Mail-Sechlainn I Dubda do marbudh dia brathair .i. do mac Neill I Dubda.

T1032.7

Édru h-ua Conaing rígdamna Muman, occisus est o Muintir Imligh Iubair.

Annal T1033

T1033.0

K. ii.

T1033.1

Maidm ria Murchadh h-Ua Mail Sechlainn for muintir Conchobair h-Ui Mail Sechlainn, cor' marbadh and h-ua Carraigh Calma & h-ua Cáindelban rí Laegaire & ri Fer Cul et alíí.


p.374

T1033.2

Concobur h-úa Muiredaigh, rí Ciarraige, occisus est.

T1033.3

Aenach Carman la Dondchadh mac Gilla Patraic iar n-gabail righi Laigen.

T1033.4

Aimirgen, rí Ele do ég.

T1033.5

Cath etir Eilib dú a torcair Braen h-ua Cleirigh & Muiredhach mac Muirchertaigh maic Gilla Patraic & sochaidhe aile d' uaislib.

T1033.6

Aedh mac Flaithbertaigh h-Ua, Neill, ri Ailig, do tesdail a n-ais foirbthi iar pennaid a mignim.

T1033.7

Fogartach h-úa h-Aedha, rí Fer Luirg & h-Úa Fiachrach Arda Sratha do marbad d' Feraib Manach.

T1033.8

Aengus h-úa Cathail, ri Eoganachta Locha Lein do marbadh.

Annal T1034

T1034.0

K. iii.

T1034.1

Mael Colaim mac Cínaetha, rí Alpan, ordan iarthair Eorpa uile d'ég.

T1034.2

Amlaim mac Sitriuca do marbadh do Saxanaib ac dul do Roim.

T1034.3

Suibne mac Cinaetha, rí Gall-Gáedel mortuus est.


p.375

T1034.4

Fir Muman do gabail tigi for drem do feraib Teftha a Cluain Maic Noiss ubí ceciderunt mac Beicc h-ui Ághdhai et alii nobilés.

T1034.5

Dub Daingen mac Dondchada do Uib Maine .i. rí Connacht a suis occisus est .i. o Sitriuc h-ua F[gap: extent: 1 word].

T1034.6

Gilla Padraic h-úa Flandacan, rí Teaftha per dolum occisus est.

T1034.7

Muiredach h-ua Flaithbertaig, rí h-Úa mBriuin per dolum occisus est.

Annal T1035

T1035.0

K. iiii.

T1035.1

Cnutt mac Sdaín, rí Saxan mortuus est.

Annal T1036

T1036.0

{folio 17a1}Kl.

T1036.1

Donnchad mac Dunlaing, rí Laigen, do dallad la Donnchad mac Gilla Padraic cor' bo marb de.

T1036.2

Mael Sechlainn h-ua Mael Ruanaid, rí Crumthaind do marbad la h-Aed h-Ua Concobair a cinta Taidhg meic Cathail & Briain.

T1036.3

Scolóc .i. Niall h-úa Flandacan, rí Tebtha, o muintir fen fuair bas.

T1036.4

Flaithbertach mac Murchadha h-Ui Neill, rí Ailig, mortuus est.


p.376

T1036.5

Dondchad mac Flaind, rígdamna Temrach, do marbadh o Feraib Brefne.

T1036.6

Muirchertach h-ua Flaithbertaigh & Níall mac Murgusa, da rígdamna iarthair Connacht, do marbadh.

T1036.7

Ruaidrí mac Taidhg, maic Lorcan, do dallad la Mael na m-Bo.

T1036.8

Sitriuc mac Amlaim do dul assa righi tar muir, & Eachmarcach 'sa righi.

T1036.9

Gofraidh mac Sitriuca do marbad do mac Gluin Iaraind a m-Bretnaib.

Annal T1037

T1037.0

K. uii.

T1037.1

Cathal mac Ruaidrí, rí Iarthair Connacht, do theacht dia ailithre co h-Ard Macha.

T1037.2

Cu Muman h-úa Raband, rí Puirt Laírge occisus est.

T1037.3

Port Lairge do argain & do loscad la Diarmuid mac Mail na m-Bó.

T1037.4

Fland h-Úa Mael Sechlainn do dallad la Concobar h-Úa Mael Sechlainn.

T1037.5

Cernachan Got occisus est la Sitriuc h-úa Flandacan de Uib Maine.


p.377

T1037.6

Trí h-Úi Mael Doraid do marbad la h-Úa Canandan.

T1037.7

Gilla Caemgen mac Amalgaidh, rí h-Úa Cellaigh, do marbadh do macaib Aedha maic Tuathail.

T1037.8

Muirgus o Con Chenaind, rí h-Úa n-Diarmuta, mortuus est.

T1037.9

Tri h-Úi Fallomain & Finachta h-Úa h-Urchadha do marbad do Choncobar a fill.

Annal T1038

T1038.0

K. i.

T1038.1

IMar tar éis Eachmarcaigh, & Reachru do argain do Gallaib.

T1038.2

Laidhgnén h-Ua Leochan, rí Gaileng, do eargabail.

T1038.3

Cath iter Delbna & Uu Maine im fhéil Ciarain a Clúain Maic Nóis inar' thuitetar sochaidhi, & is le Delbna do raínedh.

T1038.4

Orguin Cluana Iraird do Gailengaib & Concobur h-Úa MailSechlainn foraib, et multi occisi sunt do Gailengaib.

T1038.5

Cath itir Chuanu, ríg Saxan, & Otha ríg Franc, du a torchair mile im Otha.


p.378

T1038.6

Cu Duiligh h-Ua Donncadha, rígdamna Caisil, do marbadh do h-Úu Faelan.

T1038.7

h-Úa Aimirgen, rí Teftha, do marbadh.

Annal T1039

T1039.0

K. M.xxx.ix. anno.

K. M.xxx.ix. anno K. ii.M.xxx.ix. anno.

T1039.1

IAcó, rí Bretan a suis occisus est.

T1039.2

Domnall mac Donnchada, rí h-Úa Faelan, occissus est la Domnall h-Ua Fergail ríg na Forthuath.

T1039.3

Doncadh Derg mac Airt Uallaigh h-Úi Ruairc, rígdamna Brefne, do marbadh la h-Aedh h-Úa Concobair (.i. Aed in Ga Bernaig) fria lamaib a athar, & ba ri Airrtir Condacht uile in Dondcadh-sin.

T1039.4

Muiredhach mac Flaithbertaig h-Úi Neill do marbad o Uib Labrada.

T1039.5

Mac Ruaidrí, rí Fernmuige occissus est.

T1039.6

Sluaiged la Dondchadh mac Gilla Patraic co n-Osraigi & co Laignib, coro loisc co Cnogba & co Drochat Atha.


p.379

T1039.7

Donnchadh mac Gilla Patraic, aird-rí Laigen & Osraige, anrad Erenn, fuair ec mailli re creich.

T1039.8

Mac Ruisse rí Ceneoil Fiachrach do marbad la ríg Fer Cul.

T1039.9

Murcadh Ruad mac Mail Sechlainn do dallad.

Annal T1040

T1040.0

K. iii.

T1040.1

Donncadh mac Crínan, aird-rí Alban immatura etate a suis occissus est.

T1040.2

Maein Coluim Cilli & Disirt Diarmuta & Moghna Mo Senóc do argain la Diarmuit mac Mail na m-Bó, do ríg h-Úa Cennselaig, & Clúain Mor M' Aedóg, & bruit mór do breith asna durthaighib.

T1040.3

Durrthech Lathraigh Bríuin do loscadh & d' argain do Feraib Midhe.

T1040.4

h-Úa Dublaich ri Fer Tulach do marbadh da muntir fén.

T1040.5

Cath Cilli Dornand do brisedh do Gallaib & do Mac Briain for Mac Faelan & Mac Faeláin do marbad and.


p.380

Annal T1041

T1041.0

Kl. Enair .u. feria. M.xli.

T1041.1

Muirchertach mac Gilla Patraic, leith-rí Osraige, do marbadh do h-Úib Caelaidhe dia muintir fen per dolum.

T1041.2

Faelan h-Ua Morda, rí Laigsi, do dallad la Murchad mac n-Dunlaing.

T1041.3

Creach la h-Uib Cendsilaig a n-Uib Bairrche conus-tarraidh mac Murchadha maic Dunlaing cor' bris forro a Cill Mo Lapóc, co fargabsat ár mór im Domnall Remur rígdamna h-Ua Cennsilaig.

T1041.4

Cu Criche h-ua Dunlaing, rí Laighsi, & a mac & Cailleóc a ben, do marbad simul do Mac Conaín a Tigh Mo Chua Meic Lonain, & ro marbad eisin arnamarach lá h-ua m-Braenain, & firt mor do Mo Chua an ni-sin.

T1041.5

Glend Uisin do argain do mac Mail na m-Bó & an durteach do brisedh & cét do dainib do marbad and, & secht cét do breth ass .i. a n-dighail Ferna Moire do loscadh do mac Briain & do Murcadh mac Dunlaing & a n-digail a brathar .i. Domnall Remar.


p.381

T1041.6

Mac Ainmere aird-bretheam Aird Macha & tuile eolais Erenn obít.

T1041.7

Gilla Comgaill mac Duind Chuan maic Dunlaing do breith ar eicin a Cill Dara do Murcad mac Dunlaing, & a marbadh airm ar' saraigh comurba Brigde.

T1041.8

Da mac Faelain maic Murchada .i. Dondchadh & Glun Iaraind, do marbad do mac Brain maic Mail Morda.

Annal T1042

T1042.0

Kl. enair iii MXLII.

Kl. enair iii MXLII.

T1042.1

Sitruic & Caillech Finnen a ingen, mortuus est.

T1042.2

Mael Brighdi, espoc Cilli Dara, quieuit.

T1042.3

Murcadh mac Dunlaing, rí Laigen, & Dondchadh mac Aeda, rí h-Ua m-Bairrche, do thoitim la Gilla Patraic mac n-Dondcadha, la ríg n-Osraige, & la Mac Craith h-Ua n-Donnchada la ríg Eoganachta Bert Crechi, a Muigh Muilched a Laighis.

T1042.4

Mac Craith mac Gormain maic Tresaig ri H-ua m-Bairrche & a ben do marbad a n-Disert Diarmada do Uib Allan.


p.382

Annal T1043

T1043.0

Kl. uii. feria .xui.

T1043.1

Cathal mac Ruaidhrí, rí Iarthair Connacht, do éc ina ailithri a n-Ard Macha.

T1043.2

Flaithbertach espoc Duín Leathglaise mortuus est.

T1043.3

Domnall h-úa Fergail, rí Fortuath Laigen, do marbad do mac Tuathail maic Fiachrach a termund Chaemghen.

T1043.4

Crech la Cellach mac m-Brain co termund Caemgen co tuc bú imda & cor' marb .lx. do samudh in baile.

T1043.5

Crech la h-Osraige & la h-Airther Muman .i. le Mac Craith h-Úa n-Dondchada la h-Úa n-Donnacan la ríg n-Aradh co Dún na Sciath, cor' loiscit in dun, cor' gabsat becca, conus-tarraidh Carrtach & cor' marbadh and O Dondacan rí Áradh.

T1043.6

Crech-sluaighedh la h-Andadh h-Ua Ruairc tar Lughmadh & tar Druim n-Indasclaind & a Conaillib Muirtemne uile acht ro digailset na naim .i. Mochta & Ronan fo chetóir, ar ro marbadh Andad fria cind m-bliadne ab uno Scotorum o mac Airt Bicc.


p.383

h-ui Chon Fiacla ríg Teftha ro marbadh.

T1043.7

Maidm for Cenel Conaill ria Cenel n-Eoghain a Termund Da Beocc.

T1043.8

Troscadh do samadh Ciarain h-i Tulaig Garba for Aedh h-Úa Con Fiacla for ríg Teftha, cor' benadh an Bernan Ciaraín fair co lois na Bachla Issa. IN t-inadh iarom in ro impó a druim risna cleirchib isinn inadh-sin tallad a cend de ria cind mís.

Annal T1044

T1044.0

Kl. Enair prima feria luna xxuii M.xliiii.

T1044.1

h-ua hAedha, ri h-Ua Fiachrach Arda, do marbadh.

T1044.2

Mael Mochta espoc Lugmaidh quieuit.

T1044.3

Sluaiged la mac n-Eochada a m-Bregaib, cor' facaib .cc. da muntir and.

T1044.4

Loscad Scrine Padraic la mac n-Arailt.

T1044.5

In Cleireach h-Úa Conchobair do marbad la Feraib Brefne, &


p.384

sochaide maille fris.

T1044.6

Murchadh mac Brain, ri h-Úa Faelan, do marbadh do Mac Gilla Mo Cholmóc do rigdamna h-Úa n-Dunchadha.

T1044.7

Cluain Maic Nóis do argain o Conmacnib, co tard Dia & Cíaran digal forro ind, cor' marb urmór a n-daíne & a n-índile.

T1044.8

Ar fer Tebtha & Conmacne do chur do Feraib Midhi h-icon Édhnigh, a torchair Mac Ruittin & Cuilén mac Uallachan & h-ua Ledhban.

Annal T1045

T1045.0

Kl. iii. feria luna .ix. primus annus .i. in cét-bliadan don chicul náedécdha.

T1045.1

Glún Iaraind h-Ua Cleirchen, ri h-Ua Cairpri, mortuus est.

T1045.2

Terca & domna mór a Francaib, & fasughudh Coloine & Rodoim acht becc.

T1045.3

Ár Ulad i Reachraind im Regnall h-ua n-Eochadha la h-Imar mac Arailt.

T1045.4

Flaithbertach h-Ua Canandan, rí Thíri Conaill, mortuus est.

T1045.5

Ár Cenéoil Eogain & Airgiall im Muirchertach mac Flaithbertaigh{folio 18b1}


p.385

h-Úi Néill i Casan Líndi lasna Saidnib .i. Gairbith h-Ua Cathasaigh & la Firu Bregh.

T1045.6

Carrtach mac Sairbrethaigh, rí Eoganachta Caisil, do loscadh i tigh thenedh do mac Longargan maic Duínn Chuan maille re moran d' uaislib do loscadh ann.

T1045.7

Domnall h-úa Cetfada ceann Dail Caiss & ordan Muman mortuus est.

T1045.8

Manchan mac Mael Sechlainn maic Cínd Faelad, maic Concobuir, rígdamna h-Úa Conaill, do marbad.

T1045.9

h-Úa Donnacan rí Muscraidhe Ua Aedha do marbad.

T1045.10

Cath etir Albancho ar aen-rían cur' marbad and Crínan ab Duín Calland & sochaidhe maille fris .i. nae .xx. laech.

T1045.11

Sluaiged la mac n-Eochadha & la Mael Sechlainn co Gallaib, coro loiscset Sord & Fíne Gall.

T1045.12

Cluain Ferta Brenaind do loscadh do Uib Maíne cona dam líag & Cu Connacht mac Gadhra h-Úi Dunadhaigh do marbadh and.


p.386

T1045.13

Amalgaidh mac Flaind, rí Callraighe, do éc do galar anaichnigh ria cind tri trath iar connmed écne for Cluain Maic Noiss.

Annal T1046

T1046.0

Milisimo.xl.uíKl.

T1046.1

Muiredhach mac Flaithbertaigh h-Úi Nell & Aidith mac Aidith, rí h-Úa n-Eachach Ulad, do loscadh i tigh thenedh la Coin Ulad mac Congalaig, maic Cendetigh.

T1046.2

h-Úa Findgaine, rí Eoganachta Glendamnach do marbadh.

T1046.3

Art Uallach h-Úa Ruairc, ri Condacht, do marbadh do Cenel Chonaill in dara bliadain iar n-argain Cluana Mac Nois.

T1046.4

Concobar h-Úa Longsich, rí Dal n-Araidhe, do marbad la mac n-Domnaill h-Ui Loingsigh a Laignib.

T1046.5

Fergal h-Ua Cíardha ri Cairpre, do marbadh do Feraib Teftha.

T1046.6

Eachmarcach a n-Ath Cliath tar eís Arailt.

T1046.7

Gormlaith ingen Floind maic Mail Sechnaill ina sendacht iar n-aithrighi quieuit.


p.387

T1046.8

MaelRuanaigh Got h-Úa Ciardha occisus est.

Annal T1047

T1047.0

M.xl.uíí. Kl. u. feria luna prima.

T1047.1

Ciar Chaille mac Foghladha quieuit.

T1047.2

Muirchertach mac maic Madadhan, rí h-Úa mBresail, do marbad a n-Ard Macha do Madadhan mac Ceileachair & do Uib Niallain tre mebuil.

T1047.3

Ulaidh do fhassugud acht becc & a teacht a Laigniu.

T1047.4

Niall mac Airt Uallaigh h-Úi Ruairc, rí Brefne, & Airrthir Connacht do marbad d'Aedh h-Úu Concobair isin Corand.

T1047.5

Mac Dondchada Guit, rígdamna Temrach, quieuit.

T1047.6

Sluaiged la Níall mac Mail Sechlainn co Cenel n-Eogain & co n-Airghiallaib a m-Bregaib cor' marbsat Madadhan h-Ua h-Ifernan taisech Clainne Crechain.

T1047.7

Húa h-Edhin rí h-Úa Fiachrach Aidne mortuus est.


p.388

Annal T1048

T1048.0

M.xl.uííí. Kl.ui. feria. luna .xii. M.xluiii.

T1048.1

Ceili, espoc Ardachaidh Espuic Mael, mortuus est.

T1048.2

Sluaiged la Domnall mac m-Bríain tar Midhi & tar Bregha co Gallu & co Laigniu, co ruc giallu o mac Mail na m-Bó & a reír o Gallaib.

T1048.3

Dunlang mac Dunlaing rí h-Úa m-Bríuin Cualand, & ordan airrthir Erenn, a m-bás ona braithrib fein.

T1048.4

Fergal h-Úa Mael Muaidh, ri Fer Cell, do éc.

T1048.5

Cend Faeladh h-úa Cuill, ollam Muman mortuus est.

T1048.6

Gilla Coluim h-ua Écnigh, aird-rí Airgiall quieuit in Christo, & a n-Ultaib ro h-adhnaicedh .i. a n-Dun Da Leathglas.

T1048.7

Mael Fabuill h-Ua h-Eidhin, rí h-Úa Fiachrach Aidne mortuus est.

T1048.8

Mac Con Mara h-úa Maic Líag do marbad do mac Taidhg h-Úi Mael Ruanaid.

T1048.9

Crech la mac Mail na m-Bó forsna Deissib, co ruc broit & índile.

T1048.10

Creach la Conchobur h-Ua Mael Sechlainn tar Magh Life &


p.389

tar Termand Cilli Dara, co tuc gabala mora. Crech la h-Úu Faelan dar Cluain Iraird a n-díghail na creichi-sin.

T1048.11

Sluaiged la mac n-Eochadha & la mac Mail na m-Bó a Midhi cor' loiscsit cella Fer Midhi uili achtmad becc.

T1048.12

Gairbith h-Úa Cathasaigh, ri Bregh, do gabail do Conchobar h-Úu Mael Sechlainn co fargaib .uii. n-eteri aige.

T1048.13

Tancatar rígdamna h-Úa Maine i n-Delbhna co ro marbhtha uile and & h-Úa Mael Ruanaid & h-Ua Flandacan & an cleirech h-Úa Taidhg & Mac Buadachain rígdamna Delbna cor' bris forro & cor' marb uile.

Annal T1049

T1049.0

M.xl.íx. Kl. prima feria.xxiii. luna. M.xl.íx.

T1049.1

Flaithbertach mac h-Úi Loíngsigh do marbadh {folio 18b2} a n-imairicc la mac Concobair h-Ui Loingsigh. Murchadh mac Mail Sechlainn do marbad la Conchobar cétna a mebuil.

T1049.2

Sluaiged la h-Ullto & la Laigniu a Midhi do chuindche eteri Fer m-Bregh, & ro marbadh iarom na h-eteri im Toirrdelbach h-Ua Cathasaigh la Conchobar & ro loiscset na sluaigh an tír etir cella & dúine iar sen.


p.390

T1049.3

Sluáighedh la mac m-Briain co Mag n-Airb, co ruc giallu Laigen & Osraige.

T1049.4

Ros Coman do loscud, etír dam líag & regles, do Feraib Breifne.

T1049.5

Concobur h-úa Cind Fhaelad, rí h-Úa Conaill Gabra, do marbad do ríg Eoganachta Loch Lein.

T1049.6

Aneislis mac Domnaill, rí Corco Baiscind, do marbad do mac Aisith maic Domnaill, mac a derbrathar.