Corpus of Electronic Texts Edition
Annals of Tigernach (Author: [unknown])

Annal T996

T996.0

K. iiii.

T996.1

Mac Cairill co Feraib Fernmuighi & co n-Airgiallaib do argain Aird Macha, co rucsat .xx. cét bó, id est Ard Macha do loscadh etir tigib & dam líag & cloictheach & fidhnemidh, uili—dilgenn na tainic riam a n-Erinn & na targa co la m-bratha dighail amlaidh.

T996.2

Diarmuit mac Domnaill, rí h-Úa Cendselaig, mortuus est.

T996.3

Gilla Patraic mac Donchada, rí Ossraige, do marbad do Donnaman mac Imuir & do Domnall mac Faelan, ríg na n-Déisi.

T996.4

Donduban mac Imuir occisus est o Laignib.

T996.5

Gilla Patraic h-ua Flandacan, rí Tebtha, occisus est o Fiachra mac Raduib, taiseach Muintire Mail Fhínda.


p.351

T996.6

Domnall mac Faelain, rí na n-Déise mortuus est.

Annal T997

T997.0

K. ui.

T997.1

Cath etir Albancho, i torchair Constantin mac Cuilindaín rí Alban, et alíí muiltí.

T997.2

Domnall mac Dondchada Find do dallad do Mael Sechnaill mac Domnaill.

T997.3

Mael Colaím mac Domnaill, rí Bretan Tuaisceirt, mortuus est.

T997.4

Ruaidrí mac Neill h-úi Chanandaín, rí Ceneóil Conaill, mortuus est.

Annal T998

T998.0

K. uii.

T998.1

Sluáighedh la Mael Sechlainn & la Brían mac Cendétigh co Gleand Mama, co tucatar Goill Atha Cliath cath doib, cor' muidh for Gallaib, & cur' ládh a n-ár im Artalach mac Sitriuca & im Aralt mac Amlaim & im Cuilen{folio 15b2} mac Etighen & im mathaib Atha Clíath. & co n-dechaid Mael Sechnaill & Brían co feraib Muman & Midhi a Condachtaib, co tucsad a n-gíallu & a n-as deach a s-sét.


p.352

T998.2

Diarmuit mac Domnaill, ri h-Úa Cendsilaig mortuus est.

T998.3

Sluaighedh la Mael Sechlainn coro índir Mag n-Ai.

T998.4

Gilla Enan mac Aghda, ri Teftha, occissus est o Sil Ronain.

Annal T999

T999.0

K. i.

T999.1

Donnchadh mac Domnaill Clain, ri Laighen, do gabail do Sitriuc mac Amlaim.

T999.2

Ceall Dara do argain do Gallaib Atha Cliath.

T999.3

Brían mac Cendétigh do dul co h-Áth Cliath, co raibe sechtmuin lán and, co ruc a ór & a argat & bruit moir ass, & cor' loisc ín Dun, & cor' índarb in ríg Sitriuc mac Amlaim.

T999.4

Díarmuit mac Dúnadhaigh rí Sil n-Anmchadha do marbad la Comaltan rig Aidhne.

T999.5

Creach la Mael Sechlainn Mor i Laigniu.

T999.6

Cath etir Airghiallu & Conallu du a torchair Gilla Crist ri Conaille et ailíí.

T999.7

Mael Sechlainn h-úa Mael Ruanaigh ri Cremthaindi occissus est o Uib Cellaig .i. Cú Chaillen.


p.353

Annal T1000

T1000.0

K. ii.

T1000.1

Cú Chaille h-ua Domnaill, rí Durlais, do marbadh tre mebail do Aedh h-úu Neill.

T1000.2

h-Ímur Puirt Lairge mortuus est.

T1000.3

Flaithbertach h-Ua Canannáin, rí Tiri Conaill occissus est.

T1000.3

Goill í n-Ath Clíath iterum & a n-geill do Brían.

T1000.4

Cellach h-úa Mael Corgais prim-éces Connacht mortuus est.

T1000.5

Aedh h-ua Ciarrda do dalladh dia brathair .i. Ualgarg o Cíarrda.

T1000.6

Cét-impodh Briain & Connacht for Mael Sechlainn Mór tre mebail.

T1000.7

Sluaigedh la Brian mac Cendeitigh & la Descert Chondacht co n-Osraigi & co Laignib & co n-Gaillaib Atha cliath do thorachtain Temrach acht do-chotar na Goill cath marcshluaigh rompo a Magh m-Breagh conus-tarraidh Mael Sechlainn & tucc a n-ár. Do-deachaidh Brían iarsin co m-bái a Ferta Nemi a Muigh Bregh, & luidh foro chulu cen cath cen índrudh cen daigh n-derg.


p.354

Annal T1001

T1001.0

K. iiii.

T1001.1

Creach mór la cenntar Muman a n-Descert Midhi conus-tarraidh Aenghus, mac Carraigh Calma, uathadh orro, cor' ben a n-gabala dib & ár cend leo.

T1001.2

Fergal mac Domnaill, maic Conaíng, rí Ailig, mortuus est.

T1001.3

Niall h-úa Ruaírc do marbadh do Cenel Conaill & la h-Aedh h-úa Neill.

T1001.4

Tochur Atha Luain do denam la Mael Sechlainn & la Cathal mac Conchobair.

T1001.5

Diarmuit h-úa Lachtnan, rí Tebtha occisus est a suis.

T1001.6

Dub Dara h-úa Maili Duin, rí Fer Luirg.

T1001.7

Brían Boroma regnat.

Annal T1002

T1002.0

K. u.

T1002.1

Sluaigedh la Brían & la Mael Sechlainn co feraib Erenn umpu, itir Mumain & Connachto & Laigniu & Gallu, co Dun Delgan a Conaillibh. Aedh mac Domnaill, aird-rí Ailig, & Eochaid mac Ardgail, ri Ulad, co n-Ulltaib & Cenel Éogain & Conaill & Airgialla connár' leigsidar secha-sin, cor' scarsat fo ossudh cen giall, cen eteri.


p.355

T1002.2

Fland mac Eoganain, aird-brethim Lethi Cuind, mortuus est.

T1002.3

Sluaighedh la Brian co h-Ath Luain, co ruc giallu Midhi & Connacht.

T1002.4

Merlechan mac Cuind, rí Gaileng, do marbad la Mael Sechlainn Mor.

T1002.5

Sitriuc mac Amlaim, rí Gall, do dul for créich a n-Ulltaib ina longaib, cor' ort Cill Cleíthe & Inis Cumscraigh co tuc bruit mor estib.

T1002.6

Mael Muadh mac Duibgilla, rí Delbna Bethra, do éc.

Annal T1003

T1003.0

K. ui.

T1003.1

Creach la Dondchad Find & la h-úu Meith, cor airgsed Land Leire, conus-tarraidh Cathal mac Labradha & Fir Breagh & coro rained forro & co ro l-ládh a n-ár etir ergabail & marbadh im rig h-Úa Meith, & do-rochair Cathal mac Labradha aighidh a n-aighidh, & Lorcan mac Bródudha.


p.356

T1003.2

Dondgal mac Duind Cathaigh, rí Gailíng, do marbad do Throtan mac Builg Airgit, ríg Fear Cul, tria tangnacht ina tigh fein.

T1003.3

Ceallach mac Diarmata, rí Osraige, do marbad do mac a brathar a athar .i. do Dondcadh mac Gilla Patraic.

T1003.4

Aed mac Eachtighern do marbadh a n-derthaig Ferna Móire M' Aedhoíc la Mael na m-Bó.

T1003.5

Aedh h-ua Con Fiacla rí occisus est.[gap: extent: 1 folio]

Annal T1017

T1017.0

K. iii

T1017.1

Maelan mac Eícnigh h-ú Leochan, rí Gaileng & Tuath Luighne uile, do marbad dona Saidnib.

T1017.2

Crech la Mael Sechlainn co Firu Cell co rucsat Fir Cell & Eile orro cor marbad Domnall h-ua Caíndelbaín, rí Ceneoil Laeghairi & Cass Midhi rechtairi Mael Sechlainn & h-úa Clerchen rí Chaille Fallamain & Flandacan h-ua Cellaig & Congalach mac Mael Sechlainn do ghuin and.


p.357

T1017.3

Cearball mac Mail Mordha, rígdamna Laigen per dolum occissus est.

Annal T1019

T1019.0

K. u.

T1019.1

Domnall mac Mail Sechlainn meic Domnaill, comurba Findéin & Mo Cholmóc, quieuit.

T1019.2

Da mac Mail Sechlainn meic Mail Ruanaigh .i. Ardgal & Árchu, da rígdamna Ailig, do marbad o Cenel Éogain fein.

T1019.3

Orgaín Chenandsa o Sitriuc mac Amlaim co n-Gallaib Atha cliath co rucsat bruit diaimidi & cor' marbad daíne imdha andsin.

T1019.4

Gilla Caemghen mac Dunlaing, rígdamna Laigen, do marbad do Laighnib boden.

T1019.5

Mathgamain mac Conaíng, maic Duinn Chuan, rígdamna Muman do éc.

T1019.6

Mac Catharnaigh maic Aedha de Uib Caisín, do thecmail fri Dondcadh mac m-Bríain co tard beim do claidhim 'na chend & dara laim n-des cor'ben de h-í. Terna Donnchad iarna ghuin & ro marbad mac Catharnaigh.


p.358

Annal T1020

T1020.0

Kl. ui. sexta feria, luna .ii., annus .xiii. circuli decennouenalis et uigesimus post mille fínitum.

T1020.1

Mael Muadh h-ua Mail Muidh, rí Fer Cell, do thabuirt ar éicin a dam líag Durmuighi Colaim Cilli la Foghartach h-úa Cernaigh & a marbadh a Muigh Lena.

T1020.2

Sluaiged la Mael Sechlainn & la h-Úu Neill & la Donnchad mac m-Briain & lasin Caileach h-Úa Ruairc .i. Art mac Sen-Fergail, rí Brefne, co Sinaínd co tucsat giallu Condacht do Mael Sechlainn.

T1020.3

Cell Dara & Glend Da Lacha uile do loscadh cona n-durthaigib.

T1020.4

Flaithbertach h-ua h-Eochadha do dallad la Níall mac Eochadha.

T1020.5

Ard Macha do loscadh a tert kalaind Mái cona durthigib uile cenmotha in teach screbtra nama. & ro loisced illtighi isna Trenaib & in Dam Liag Mor & in cloiccthech cona clogaib & Dam Líag na Togha & Dam Líag in Stabuill & in cathair proicepta & imadh oír & argait & sét archena.


p.359

T1020.6

Mael Mure comurba Patraic, cend cleireach iarthair Eorpa uile, do éc.

T1020.7

Scrin & Fíndfaidheach Patraic d'orcain do Uib Aidíth & do Ichtur h-Úa n-Eachach, co rucsat .uii. cét bó léo.

T1020.8

Fíndlaech mac Ruaidhrí mormaer Moreb a filiis fratris suí Mael Brighdi occisus est.

T1020.9

Cú-Luachra h-úa Concobuir, rí Ciarraighi Luachra, mortuus est.

Annal T1021

T1021.0

Kl. prima feria .xiii.luna.

T1021.1

Maidm ria n-Ugaire mac n-Dunlaing le ríg Laighen for Sitriuc mac Amlaim co n-Gallaib Atha Cliath oc Dergnae Mo Goróc, cor' ladh derg-ár Gall and.

T1021.2

Cu Chaille úa Dublaich, rí Fer Tulach, mortuus est.

T1021.3

Fross chruithnechta do ferthain a n-Osraighi re línd Mail Sechlainn maic Domnaill.

T1021.4

Crech la Mael Sechlainn for Gallaib. Crech isin ló cétna for Chianachta la h-Úu Neill. Creach mor la Mael Sechlainn arnamarach a Cenel Eogain, & a n-indorba tar Sliab Fuáit fo thuáidh.


p.360

T1021.5

Branacan h-úa Mael Uidhir, airrí Midhe, do badudh dia belltaíne i l-Loch Aíndínd.

T1021.6

Aedh mac Flaind, maic Mail Sechlainn, rígdamna Erenn, do marbadh o h-úu Maightheachaín do Feraib Bile.

T1021.7

Mael Muiri ingen Amlaim mortua est.

Annal T1022

T1022.0

Kl.secunda feria luna.xx.iiii.

T1022.1

Mac Cerbuill, rí Eile, do marbadh.

T1022.2

Sitriuc mac Ímuir, rí Puirt Lairge, do marbadh o ríg Osraige.

T1022.3

Mac Leigind mac Cairill, rí Oirgiall, penitens quieuit.

T1022.4

Mael Sechlainn Mor mac Dondchadha, aird-rí Erenn uili, & tuir chongbala eínigh & uáisle iarthair domain uile, do ég a Cro Ínis Locho Aindinn in .xl.iii. anno regní sui.

  1. Tri cét longport acon rígh
    ic tabuirt bruit ocus bidh
    altrom o Rígh na n-duile.
    a medón gach degh-dúine.
  2. Dabach fhir na tulcha thíar
    ma n-geba rí Midhi a mían
    de domnaigh ibeas digh di
    dia luaín i maidin Midhi.


p.361

T1022.5

Muírchertach mac Carraigh Chalma do marbad on Gutt {folio 16a2} per dolum.

T1022.6

Mur-comrac forsin fairrgi etir Gallu Atha Cliath & Niall mac Eochadha ríg Ulad, cor' muidh forsna Gallu & co tuctha iat fén a m-bruit & co tuctha a longa leó acht a n-dechaidh ar eícin. Flaithrí mac Duib Slanga maic Aedha, maic Tomaltaigh, rí Lethe Cathail, do thuitim lasna Gallu issin mur-comrac-sin issin .xuii. bliadain a aissi.

T1022.7

Orgain Cilli Dara o Dhond Sleibe ua Faelain.

T1022.8

Muiredhach na Tengadh O Sleibin, ollam tuaisceirt Erenn, o Feraib Roiss occisus est.

T1022.9

Mathgamain mac Laidhgnen, maic Cerbaill, rí Fernmuighe, do marbadh do Cathal o Crichan a Cluain Eoís.


p.362

T1022.10

Domnall h-úa Murchada Glun Re Lár, rí an Tuaisceirt o Chianachta Glinni Gemin occisus est.

T1022.11

Domnall mac Aeda h-úi Mael Doraidh interfectus est.

Annal T1023

T1023.0

Kl. tertia fería` .xuii. decennouenalis circuilí uigusimo uero .iii. post mille.

T1023.1

Earcra gréne a medon lái & earcra essca 'sa miss cétna.

T1023.2

Domnall mac Aedha Bic h-úa Mail Sechlainn lethrí Midhi do marbadh ó mac Senaín h-úi Leochaín & o Luignib.

T1023.3

Creach la Gallu tar Descert m-Bregh & ar Dam Líag Chianain & Anfíth o Cathasaigh rí na Saitne do marbadh doib.

T1023.4

Dondchadh h-ua Duinn Chuan rí Breagh, do gabail do Gallaib ina n-airechtus fein & a breth sair.

T1023.5

Lochlaind mac Mail Sechlainn, rí Indsi h-Eogain & Muige h-Itha, do marbadh dia derbrathair fein .i. do Niall & do Chianacht Glindi Gemin.

T1023.6

Tadhg mac Briain Boroma do marbadh d'Eilib a fill iarna


p.363

urail dia brathair .i. do Dondchadh.

T1023.7

Concobar mac Aengusa maic Carraigh Calma, do marbad lasna Gutu per dolum.

T1023.8

Termand Cluanna Maic Nois do argaín do Gadhra h-uu Dunadhaigh, co ruc ilchéta bó as.

T1023.9

Leobelín ri Bretan, mortuus est.

T1023.10

Sluaiged la Tadhg mac Cathail meic Concobuir ríg Connacht i n-Uib Bríuin, cor' marbadh and Domnall h-úa h-Eagra, rí Luigne Connacht.

T1023.11

Oenric rí in domaín in pace quieuit. Cuanu do gabail righi tara eissi for in doman.

Annal T1024

T1024.0

Kl. iiii feria luna xui. anno decinnouenalis circuli millisimó uero ac .xx.iiii. anno Incarnationis Dominíce annó. h-ic annus bisextilis est.

T1024.1

Ugaire mac Dunlaíng, rí Laighen, & Mael Mordha mac Lorcain, rí h-Úa Cendselaigh, & a mac aen-teach do gabail orro ac Dubloch do Dund Sléibe coro marbtha and.

T1024.2

Cu Chaille mac Gairbíth do Feraib Breagh quieuit.


p.364

T1024.3

Orgain Shlaíne & a slad & a loscad o Domnall Ghut.

T1024.4

Dond Sleibe mac Mail Morda rí h-Úa Faelan do teacht for crech a n-Uib Failghe conus-tarraidh rí h-Úa Failghi & dream dia munntir & do Uib Muiredaigh cor' marbsat h-é 'san inad an ro roinded creach Cille Dara.

T1024.5

Maidhm na n-Urland ria n-Gerr n-Gaela for Gullu.

T1024.6

Cath etir h-Úa Ruairc & h-Úa Mael Doraidh a Corand cor' memaidh for h-Úa Ruairc.

T1024.7

Sluaiged la Mac n-Eochadha co Gallu, co tuc giallu Gaidhel uaidhib la broitt moír aile.

T1024.8

Cuan h-úa Leochan prim-shenchaidh Erenn & a prím-eolach fech so do marbadh a Tebtha & brénaid i n-oenúair in lucht ro marb & as firt filed sin.

T1024.9

Domnall h-úa h-Egra, rí in Coraind mortuus est.

T1024.10

Mael Ruanaig h-úa Ciardha rí Cairpri mortuus est.


p.365

Annal T1025

T1025.0

K. ui.

T1025.1

Níall h-ua Concobair, rígdamna Connacht, occisus est.

T1025.2

Gearr Gáela, rí Bregh, do marbad & do loscadh do Descirt Bregh & do Mathgamain h-úa Riacain.

T1025.3

Dungal h-úa Dondchadha rí Caisil quieuit.

T1025.4

Sluaiged la Flaithbertach h-Ua Neill co tuc giallu Gaedel o Gallaib.

T1025.5

Sluaiged la Domnall n-Got a m-Breghaib, cor' índarb h-Uu Neill tar Sliab Fuait fo thuaid.

T1025.6

Termund Feichin do argain & do loscadh aidchi notlac moir la h-Úu Crichaín.

T1025.7

Mael Sechlainn Got, ri Midi, d'éc.

T1025.8

h-Ua Comaltan, ri h-Úa Fiachrach Aidni, occisus est.

Annal T1026

T1026.0

K. uii.

T1026.1

Sluaiged la mac m-Briain, cor' gab giallu fer Midhe & Breagh {folio 16b1} & Gall & Laigen & Osraige.

T1026.2

Sluaiged la Flaithbertach h-Úa Neill & la mac Mael t-Seachlainn maic Mail Ruanaid a Midhe, co tucsat giallu & co n-dechatar for leicc oíghridh a n-Inis Mochta coro indairsit h-í.


p.366

T1026.3

Crech mor la Gerr in Chocaidh for Domnach Sechnaill & a marbadh arnamarach la Muredhach h-ua Ceile ina tigh fein tre mebail—& as firt mor do Sechnall in ni-sin—& a dha brathair .i. Etighén & Gilla Maith.

T1026.4

Muirchertach mac Congalaig ri h-Úa Fuilge interfectus est o Gallaib Atha Cliath.

T1026.5

Aímirgen h-úa Mordha, rí Laighsi, interfectus est & Cu Duiligh h-úa Bergdha.

T1026.6

Mael Ruanaid h-úa Mael Doraidh, ri Cheneoil Conaill do dul dia ailithri tar muir.

T1026.7

Crech-sluaiged la h-Osraighe a n-Uib Muiredhaigh, co rucsat gabala mora & gur gonsad Murchad mac Dunlaing co n-dechatar h-Úi Muredhaigh a n-Osraigi, cor' airgetar Telach n-Inmuind & cor' marbsat in secnab.

T1026.8

Sluaiged la h-Osraige a n-Uib Cendsilaig, coro índairsit an tír.

T1026.9

Tri catha do brisidh do Raen h-uu MaelSechlainn rig Midhi, & do rigdamna Erenn .i. cath for firu Midhi & cath for firu Bregh & cath for Gallu.


p.367

Annal T1027

T1027.0

K. i.

T1027.1

Ruaidhri h-ua Fogartaigh, ri Desceirt Breg, do éc a n-aithrigi iar senordhacht.

T1027.2

Tadhg mac Gilla Patraic do dalladh la Donnchadh mac Gilla Patraic.

T1027.3

Sluaiged la Donnchad mac m-Briain a n-Osraige cor' muidh for dreim dia muindtir, cor' marbadh ann Gadhra mac Dunadhaigh, ri Sil n-Anmchadha, ocus Domnall mac Senchain maic Flaithbertaig, rígdomna Muman & Mael Sechlainn mac righ Corco Mruadh & da mac Cuilén maic Concobair & rigdamna h-Úa Conaill Gabra & da mac Ecertaigh & righdamna Eoganachta & Ocan h-úa Cuircc maic Anluain, et alíí muilti qui non numirati sunt.

T1027.4

Bachall Issa do sarugud.

T1027.5

Mael Ruanaid h-úa Mael Doraid do éc a n-ailithri.

T1027.6

Muircertach mac Dunlaing mortuus est.

T1027.7

Ricard ri Francc mortuus est ri Franc.


p.368

T1027.8

Sluaiged la Sitriuc mac Amlaim & la Donnchad ríg Bregh, a Midhi co Leicc m-Bladhma & co Mónaidh Milaín co comranic friu Fir Midhi im Raen h-úa Mael Sechlainn co torchair and Ráen rí Iarthair Midhi & atorchair Dondchadh rí Breag & Gilla Uasaile & Mac Gilla Chaimgen, rí Ua m-Briuin Cualand, et alíi muiltí.

T1027.9

Cathalan h-úa Crichan, rí Fernmuighe, & Cú Lacha h-úa Gairbíth, rí h-Úa Meith, do comthuitim.

T1027.10

Brian mac Cathail h-Úi Concobuir, rígdamna Connacht, do marbadh la Mael Sechlainn h-úa Mael Ruanaid, rí Crumthaind.

Annal T1028

T1028.0

Kl. ii. feria luna prima.

T1028.1

Tuathal h-úa Dub Anich, espoc Cluana h-Iraird obít.

T1028.2

Sitriuic mac Amlaim do dul do Roim & Flandacan h-úa Cellaig, rí Bregh, et alíí multí.

T1028.3

Dondchadh h-ua Congalaig do marbadh do Conaillib.

T1028.4

Sitriuc mac Amlaim do tiachtain o Roim.


p.369

Annal T1029

T1029.0

Kl. iii i feria luna xii.

Kl. iii i feria luna xii.

T1029.1

Amlaim mac Sitriuca, ri Gall, do gabail do Mathgamuin h-úu Riagan, ríg Bregh, co fargaib .cc. déc bó & se fichit each & claidhim Carlusa & mac an fhir ro-tn-ergaib.

T1029.2

Mortlaidh mór a n-Ínis Laindi a Cairpri Moir, dú an ro loiscthea .xl. do daínib do mathaib Cairpre & Aedh h-Ua Ruairc rí Cairpre & airchíndeach Droma Cliab.

T1029.3

Muirchertach h-úa Mael Doraidh, ri Ceneoil Conaill, o h-úu Canandan occisus est a Croit Canandaín.

T1029.4

Dondchadh h-úa Dondacan, rí Fernmuighe, & Cinaeth mac in Geircci rí Conailli, do comthoitim i Cill Sleibe.

T1029.5

Mael Colaim mac Mael-Brighdi mac Ruaidrí, rí Alban mortuus est.

T1029.6

Concobar rígdamna Connacht, do dallad.