Corpus of Electronic Texts Edition
Annals of Tigernach (Author: [unknown])

Annal T976

T976.0

K. uii.

T976.1

Dondchad mac Cellaig, rí Osraigi in senili étate mortuus est.

T976.2

Mathgamaín mac Cendédigh, rí Muman, do marbadh do Mael Muadh mac Brain, do ríg h-Ua n-Eachach, iarna thidhnacol do Donnubán mac Cathail do ríg h-Úa Fidgenti a fill.

T976.3

Ughaire mac Tuathail, rí Laigen, do gabail do Gallaib Atha Cliath.

T976.4

Scrin Colaim Cille do argain do Domnall mac Murchadha.


p.339

T976.5

Tadhg mac Ruadrach, taisseach Cianachta Glíndi Gemín do marbadh a n-Ulltaibh.

T976.6

Domnall mac Congalaigh, rígdomna Temrach, mortuus est.

T976.7

Creach la Gilla Colaim h-úa Canandan, ríg Cenéoil Conaill í n-Uib Failghe, cor' fagaib Ferghal mac Foghartaig, ríg Cairpre Moíre. Cellach mac Fíndgaine, Cellach mac Bairedha, Donnchadh mac Morgaínd, tri mormair Alban, andsin.

Annal T977

T977.0

K. ii.

T977.1

Muircertach mac Domnaill h-úi Neill ocus Congalach mac Domnaill, maic Congalaigh, da rígdamna Erenn, do marbadh la h-Amlaim mac Sitriuca.

T977.2

INis Cathaigh do sarughudh do Brian mac Cendéidigh for Gallaib Luimnigh .i. IMar & Amlaim a mac & Duibcenn a mac aile.

T977.3

Gilla Colaim o Canandan, rí Ceneoil Conaill, do marbadh la Domnall ua Neill.

T977.4

Amlaim mac Illuilb, rí Alban, do marbadh la Cinaeth mac Mail Cholaim.

T977.5

Mael Ruanaig Got, h-úa Mael-Sechnaill, rígdamna Temrach, per dolum occissus est.


p.340

Annal T978

T978.0

K. iii.

T978.1

Cath Belaigh Lecht, eter Brían mac Cendétigh & Mael Muadh mac Bruin, co torchair Mael Muadh and, rí h-Úa n-Eachach.

T978.2

Cath Bithlaindi for Laignib ria n-Gallaib Atha cliath, dú a torchair Ughaire mac Tuathail, rí Laigen, ocus Muredhach mac Bruin, rí h-Ua Cendselaigh, ocus Congalach mac Flaind, rí Leíghe & Rechet, et alíí muiltí.

T978.3

Corccach Mor Muman do argain fri daigid.

T978.4

Less Mor Mo Chuta do loscadh, & Cluaín Uama & Lethglind do indrudh do Osraigib.

T978.5

Comaltan h-ua Clerigh, rí h-Úa Fiachrach Aidne mortuus est.

Annal T979

T979.0

K. iiii.

T979.1

Conchobar mac Fínd, rí h-Úa Failge, mortuus est.

T979.2

Domnall Claen, ri Laigen, do gabail do Gallaib Atha Cliath.

T979.3

Leathlobar mac Find rí Dal Araidhi & Tigernan, rí Ceneoil Conaill occisi sunt.


p.341

Annal T980

T980.0

K. u.

T980.1

Domnall mac Muirchertaigh, rí Temrach post penitentiam obíít.

T980.2

Mael Sechnaill Mor regnaire incipit.

T980.3

Cath Temrach re Mael Sechnaill Mór mac n-Domnaill maic Donnchaidh maic Flaind, ria ríg Erenn, for Gallaib Atha cliath, for macaib Amlaim intíndrudh, dú a torcair ili im Ragnall mac Amlaim, rigdamna na n-Gall, & im Conmael mac Gilli Airi, & im Irlabraidh Atha Cliath, et alíí muiltí. Braen mac Murchada, rígdamna Laigen, & Congalach mac Flaind, ri Gaileng, & a mac .i. Maelan, & Fiachra & Cu Dhuiligh, da mac Dublaich, da ríg Fer tulach, & Lachtna rí Mugdorn Maigen do thuitim a frithguin in catha-sin.

T980.4

Mor-sluaighedh la Mael Sechnaill Mor mac n-Domnaill, rig Temrach, & la h-Eochaigh, mac Ardgail, la ríg n-Ulad, co Galla Atha Clíath, co tardsad forbais tri la & tri n-aidhchi forro, co tucsat geill Erenn ass, im Domnall Claen, ríg Laigen, & im etirib h-Úa Neill arcena, co tuscad a n-oigreir o Gallaib {folio 15a2} .i. .xx. cét co setaib & mainib, & co saíre h-Úa Neill archena o Sinaind co muir cen cháin. IS and immorro for-fuacair Mael Sechnaill in eseirghi n-airrdirc, dia n-ebairt: Gach aen do Gaedelaib fuil a crich Gall a n-dairi & docraite tait


p.342

ass dia tir ar cind sidha & sochair. Ba sí bruit Babilone na h-Erenn in bruit-sin. Ba tanaisti na bruiti ifirn.

T980.5

Faelan mac Cáelaighe, espoc Imlecha Iubair.

T980.6

Amlaim mac Sitriuca, aird-righ ar Gallaib Atha Cliath, do dul co h-Í a n-aithrighe & a n-ailithri iarsin cath mortuus est.

T980.7

Agda mac Duibgind, rí Teftha mortuus est.

Annal T981

T981.0

K. uii.

T981.1

Anmchadh espoc Cilli Dara in senectute bona uitam finiuit.

T981.2

Domnall h-ua h-Aidéith, rí h-Úa n-Echach, ocus Loingsech toíseach h-Úa Niallain, do comtoitim diblínaib.


p.343

Annal T982

T982.0

K. i.

T982.1

Bruadar mac Eachthigirn, rí h-Úa Cendselaig, mortuus est.

T982.2

Orgain Chilli Dara o Imur Puirt Lairge.

T982.3

Árchu mac Neill, rígdomna Ulad a suis fratribus per dolum occissus est.

T982.4

Argain Dal Cais la Mael Sechnaill mac Domnaill, & bili Muighi hAduir do thescadh dó.

Annal T983

T983.0

K. ii.

T983.1

Cathráinedh re Mael Sechnaill mac n-Domnaill & re Glun Íaraind mac Amlaim, maic máthar Mail Sechnaill Moír, for Domnall Cláen mac Lorcan & for Ímur Phuirt Lairge, dú i torcratar ili, itir bádhudh & marbadh, im Gilla Patraic mac Ímuir, et alíí multí mortui sunt.

T983.2

Glend Da Lacha do argaín do Gallaib Atha Cliath.

T983.3

INdradh Laighen la Mael Sechnaill co muir.

T983.4

Gilla Caemgen mac Cinaetha do dallad la Domnall Claen.


p.344

Annal T984

T984.0

K. iii.

T984.1

Domnall Claen do marbadh la h-Aedh mac Eachthigirn dó Uib Cennsealaig.

T984.2

Aed h-úa Dubda, rí Tuaisceirt Connacht uile, mortuus est.

T984.3

Tri meic Cerbuill maic Lorcan do argain termuínd Caemgen & a marbad a triur ría n-aidhchi tria firt Caemghen.

Annal T985

T985.0

K. u.

T985.1

Mael Sechnaill mac Domnaill do indradh Condacht & do thogail a h-índseadh & do marbadh a taisech.

T985.2

Fearghal mac Lorcain, rí Cenéoil Fiachrach, do marbadh la Connachtaib.

T985.3

Diarmuit mac Uathmaran, rí Laigen mortuus est.

Annal T986

T986.0

K. ui.

T986.1

Mor ingen Dondchodha maic Cellaig, banrighan Erenn mortua est.

T986.2

Muirgus mac Domnaill, rí h-Úa Maine mortuus est.

T986.3

Flaithri h-úa Loíngsigh, rí Dal Araidhi iugulatus est.


p.345

T986.4

Fuatach scrine Patraic la Mael Sechnaill o Ath Fir Díadh co h-Ath Sighi tria cocadh mac Cairellain. Sith do dhenom doib arsin, & riar Patraic o Mael Sechnaill .i. cuairt fer Midhe etir chill & tuáith, ergnam cech duíne o Máel Sechnaill la taeb .uii. cumal & ógriara archena.

Annal T987

T987.0

K. uii.

T987.1

Treghaid fiadhnach i n-airrthiur Erenn o demnaib, co ro la ár daíne, co m-bidiss for suilib daíne a s-soillsi.

T987.2

Tosach m-boáir móir .i. maelgarb anaicenta do theacht ar tús.

T987.3

Gaeth mor cur' trascair ilcumtaigthi im durtheach Lughmaidhe.

Annal T988

T988.0

K. i.

T988.1

Ár Muman la Condachtaib du a torchair Dunlang mac Duib Da Boireann, rígdamna Muman. Muirghus mac Concobair rígdamna Connacht do thoitim a frithguin and.


p.346

T988.2

Laidhgnen mac Cerbaill rí Fernnmuighe do marbad for lár Trin Aird Macha la mac Conaíng & o Cenel n-Eoghain.

T988.3

Dunstan airdespoc Saxan quieuit.

Annal T989

T989.0

K. iii.

T989.1

Glun Iaraínd mac Amlaim, rí Gall, do marbudh dia mogaidh bodén .i. Colbain.

T989.2

Cath Atha Cliath for Gallaib la Mael Sechnaill mac Domnaill, uibí muiltí occisi sunt, & forbuis in Duín forro iarsin fri fichit aidchi, connar' ibset uisce frissin acht sal, co tardsad a óghriar fen dó cen budh rí, & uíngi d'ór gach garda gach aidhci nodlag tre bithu sír.

T989.3

Gofraidh mac Arailt rí Indsi Gall do toitim la Dail Riada.

T989.4

Conchobar mac Domnaill rí Luigne Connacht mortuus est.

T989.4

Muiredhach ua Cléirigh, rí Aidhne mortuus est.


p.347

Annal T990

T990.0

K. iiii.

T990.1

Urard mac Coisse,{folio 15b1} prím-éces Góidhel, in penitentia mortuus est a Cluain Maic Noís.

T990.2

Aed h-úa Mael Doraidh, rí Ceneoil Conaill mortuus est.

T990.3

Cath Fordroma la Mael Sechnaill, du a torchair Domnall mac Lorcan rí Muscraidhi Thíri & h-Úa Forga, & ár mor archena.

Annal T991

T991.0

K. u.

T991.1

Dondchadh mac Domnaill, rígdamna Temrach, per dolum occissus est la Cloind Colmaín .i. Conchobair mac Cerbuill.

T991.2

In Sindach h-ua Leochan, rí Gaileng, mortuus est.

Annal T992

T992.0

K. ui.

T992.1

Sluaighedh la Mael Seachlainn mac Domnaill a Connachtaib, co tanic Brian Boroma co feraib Muman & Connacht a Midhi co ruige Loch n-Aíndind, & nir' gab bai na duine, co n-deachaidh ass a coír n-éludha.


p.348

T992.2

Dond h-ua Duind Chúan, rí Tebtha a suis per dolum occissus est.

T992.3

Mór ingen Taidg maic Cathail maic Concobair, rigan Erenn, mortua est.

T992.4

Gilla Colman mac Neill, rí h-Ua n-Diarmada, & Cu Chenand, mac Taidhg, comthuitim doib.

Annal T993

T993.0

K. i.

T993.1

Concobar, mac Cerbaill h-úi MaelSechnaill, in penitentia bona quieuit.

T993.2

Mael Ruanaig h-ua Ciardha, rí Cairpri, do marbadh la Firu Teftha.

T993.3

Da ua Chanandan do marbadh do Mac Gilla Colmóg .i. Domnall & Flaithbertach.

T993.4

Ruaidhrí mac Coscraigh, rí Desceirt Connacht, do marbadh la Concobur mac Mail Sechnaill & la mac Comaltain h-úi Clerigh.

T993.5

Eícneach h-úa Leochan, rí Tuath Luighne, do marbad la Mael Sechnaill & la Cathal mac Labradha a n-Domnach Patraic a mebail.


p.349

Annal T994

T994.0

K. ii.

T994.1

Fogartach mac Diarmuda, maic Uathmuran, rí Corco Tri Chonnacht, do marbadh do Gailengaib ín Choraind.

T994.2

Congalach mac Laidhgnén rí Gaileng.

T994.3

Mael Cairerdha, rí h-Úa m-Briuin Sheola, mortuus est.

T994.4

Mael Muiri mac Scandlain, espoc Aird Macha quieuit.

T994.5

Mac Dubgaill meic Donnchadha, rí Muigi h-Ítha, mortuus est.

T994.6

Mael Sechnaill do loscadh Aenaigh Theidi & do indrudh Muman, & maidm for Brian mac Cendédigh co feraib Muman.

Annal T995

T995.0

K. iii.

T995.1

h-Imur i n-Ath Cliath tar éis Sitriuca maic Amlaim.

T995.2

Raghnall do marbad do Laignib. h-Imur iterum euasit et Sitriuc in réghnum eius.

T995.3

Cináeth mac Mail Cholaim, rí Alban a suis occissus est.

T995.4

Domnach Patraic do argain do Gallaib Atha Cliath, & do Murchertach


p.350

hú Congalaig; sed Deus uindicauit in morte ilius in fine eiusdem mensis.

T995.5

Fail Tomair & claidim Carlusa do breith do Mael Sechnaill mac Domnaill ar eicin o Gallaib Atha Cliath.