Corpus of Electronic Texts Edition
The Annals of Ulster (Author: [unknown])

Year U1189

U1189.0

Kal. Ian. i. f., l. x., Anno Domini M.c.lxxx.ix.

U1189.1

Domnall, mac Muirchertaigh h-Ui Lochlainn, do marbadh do Ghallaibh Dhal Araidhe acu fein.

U1189.2

Murchadh h-Ua Cerbaill, airdrigh Airgiall, do éc isin Mainistir Moir


p.216

ar n-aithrighi thoghaidhi.

U1189.3

Ard Macha do loscadh o Chrosaibh Brighti co Reicles Brighti, eter Raith & Trian & tempul.

U1189.4

Echmiledh, mac Mic Canai, sonus & sobarthain Thire h-Eoghain uile, do éc.

U1189.5

Mac na h-Aidhche h-Ua Mail Ruanaidh, Fer Manach, do athrighadh & a dul dochum h-Ui Cerbaill. Acus crech Gall do thuidhecht isin tir & comraicidh h-Ua Cerbaill & h-Ua Mael Ruanaidh friú & maidhis for Ua Cerbaill & marbthar h-Ua Mael Ruanaidh ann.

U1189.6

Conchobur Maenmaighi, mac Ruaidhri, airdri Connacht & ridamna Erenn uile, do marbadh da lucht gradha fein, tria erail a brathar, .i., Concobair h-Ui n-Diarmata mac Cormaic; alias, mac Ruaidhri. Conchobhur h-Ua n-Diarmata dono do marbadh la Cathal Carrach, mac Concobair Mhaenmaighi, i n-dighail a athar.

U1189.7

Ard Macha do arcain la h-Eoan Do Chuirt & la Gallaibh Erenn.

U1189.8

Mac na Peresi, rí Saxan, do éc.

U1189.9

Mael Cainnigh h-Ua Fercomais, fer leighinn Daire, do bathudh eter Aird & Inis Eogain.

U1189.10

{§LATE} Muircertach h-Ua Flannacan, toiseach Chlainne Cathail, mortuus est. §