Corpus of Electronic Texts Edition
The Annals of Ulster (Author: [unknown])

Year U1185

U1185.0

Kal. Ian. iii. f., l. xx. ui., Anno Domini M.c.lxxx.u.

U1185.1

Mess mor (.i., dairmes) isin bliadhain-si co coitcenn.

U1185.2

Pilip Uínsesra co n-Gallaibh Erenn ime i n-Ard Macha co cenn sé la & sé n-oidhche i cert-medhon in Chorghais.

U1185.3

Amhlaim h-Ua Muirethaigh, epscop Ard Macha & Ceníuil Feradhaigh, lochrann solusta no soillsighed tuaith & eclais, in Christo quieuit, i n-Dun Cruthnai & a thabairt co h-onorach co Dairi Coluim Cille & a adhnucal fo chosaibh a athar, .i., in espuic h-Ui Cobhthaigh .i., i toebh in Tempaill Bicc, octogesimo sexto etatis sue anno. Fogurtach h-Ua Cerballan do Ceniul Ellanna do oirdnedh i n-a inad.

U1185.4

Gilla Crist Mac Cathmail, righ-thoisech Ceneoil Fearadhaigh & na Clann, .i. Clann Oengusa & Clann Duibh Innrecht & Clann Fhogurtaigh & h-Ua Cennfhata & Clainni Colla do Feraibh

p.206

Manach, cenn comairle Tuaiscirt Erenn, do marbadh, .i., i Prid Noin Mai, la h-Ua n-Eignígh & la Muinnter Coeman & a cenn do breith leo, co frith uaithibh i cinn mís iar tain.

U1185.5

h-Eoan Sinter .i., sine terra, mac righ Saxan, do techt i n-Erinn, lucht tri fichet long, no ní is móa, re taebh i raibhe reime do Gallaibh i n-Erind.

U1185.6

Mael Isu h-Ua Muiredhaigh, fer leighinn Daire Coluim Cille, do éc ina{folio & column MS1 54B} shenoir toghaidhe & Mael Cainnigh h-Ua Fercomais do ghabhail a inaidh.

U1185.7

Mael Sechlainn, mac Muircertaich h-Ui Lochlainn, do mharbadh do Gallaibh.

U1185.8

{§LATE} Cogadh eter Ruaidhri h-Ua Concobuir & Concobur Maenmuighi, a mac. Domnall h-Ua Briain i foiridin Ruaidhri, gur mill & gur loisc & gur airg cella Iartair Connacht, gur mharb a n-daine. Cathal Carrach, mac Concobair Maenmuighi, d'argain & do loscadh Cilli Da Lua i n-dighail na n-olc-sin.

U1185.9

Diarmait, mac Tordelbaigh U Briain, do dallud la Domnall h-Ua Briain.

U1185.10

Righi Connacht do ghabail do Concobur Maenmaigi.§