Kal. Ian. i. f., l. x. u., Anno Domini M.c.lxxx.iiii.
Deich taighi fichit do maithibh muinnteri Arda Macha do argain do Ghallaibh na Midhe.
Mael Isu h-Ua Cerbaill do ghabail comurbuis Patraic iarna fhagbail do Tomaltach h-Ua Conchobuir.
Art h-Ua Maelechlainn, rí Iarthair Mídhe, do marbadh i mebhail ar erail Gall. Mael Sechlainn Bec do gabail righi ina inad.
Caistel d'athughudh la Gallaibh i Cill Fair.
Caistel aile do milliudh la Mael Sechlainn & la Concobur Maenmaighi h-Ua Concobair co sochaidhe moir do Ghallaibh and.
{§LATE} Donnchadh, mac Domnaill Midigh, occisus est.
Gilla Isu h-Ua Mailin, espuc Muighi Eo, moritur.
Cogadh mor eter Ruaidri h-Ua Concobhair & a mac, .i., Concobur Maenmuighi.
Brian Breifnech, mac Toirrdelbaigh h-Ui Concobair, moritur.
Flann h-Ua Finnachta, taisech Clainni Murchadha, moritur.§