Corpus of Electronic Texts Edition
The Annals of Ulster (Author: [unknown])

Year U1181

U1181.0

Kal. Ian. u. f., l. xii., Anno Domini M.c.lxxx. i.

U1181.1

Aedh Mac Murchadha, righ-thoisech Muinnteri Birn & Airther & in Tricha Cet, do marbadh do Mac Mathgamna i mebail airechta.

U1181.2

Isin bliadhain-si dono ro bris Flaithbertach h-Ua Mael Doraidh, .i., Ceneoil Conaill, cath for macaibh righ Connacht, .i., Dia Sathairn Cengcighis & ro marbad imorro sé meic righ déc do macaibh righ Connacht ann & derg-ár Connacht archena.

U1181.3

Sloghadh la Domnall, mac Aedha h-Ui Lochlainn & la Cenel n-Eogain Tolcha Oac i n-Ultaibh & do brisedur cath ar Ulltaibh & ar h-Uib Tuirtri & ar Feraibh Li um Ruaidhri Mac Duinn Sleibhe & im Coin Midhe h-Ua Fhlaind.

U1181.4

Creach mor la Feraibh Maighi h-Itha im O Cathan .i., Echmarcach & Cenel m-Binnigh Glinne, co n-dechatur tar Tuaim & cor airgsetar Fhiru Lí & h-Ua Tuirtri & gu rugsatur il-mile do buaibh.

U1181.5

Tomaltach h-Ua Concobair do ghabhail comurbuis Patraic & co n-dernadh cuairt Ceneoil Eogain leis, co ruc cuairt moir & co tuc bennactain faribh.


p.200

U1181.6

{§LATE} Domnall h-Ua Ceinneidig, ri Urmuman, occisus est.

U1181.7

Donn Sleibhe O Gadhra, ri Sleibe Lughu, occisus est.

U1181.8

Domnall h-Ua Con Cenainn, ri h-Ua n-Diarmata, occisus est.

U1181.9

Acan h-Ua Fallamhain, taisech Clainni Uadach, moritur.

U1181.10

Cath na righdomna, du i torcradar da mac Toirrdelbaigh h-Ui Concobair, .i., Brian Luighnech & Magnus & tri meic Aedha, mic Toirrdelbaigh U Conchobuir, .i., Mael Secnaill & Muirethach & Muircertach et ceteri.§