Corpus of Electronic Texts Edition
The Annals of Ulster (Author: [unknown])

Year U1179

U1179.0

Kal. Ian. ii. f., l. xx., Anno Domini M.c.lxx.ix. Idon, in dara bliadhain do Noidechda, in tres bliadhain for Bisex.

U1179.1

Sidh do dhenum do Dhonnchadh h-Ua Cairellan & do Clainn Diarmata uile re Cenel Moien & ri h-Ua n-Gailmredhaigh, .i., ri h-Amlaim, mac Menman, .i., derbrathair mna Donnchadha h-Ui Cairellan, ar lar tempaill Arda Sratha, ima minnaibh Domnaigh Moir & na h-Ernaidhi & Arda Sratha. h-Ua Gailmredhaigh dono do taidecht isin loo arnabarach do ghabail tuillidh slan co tech Donnchadha h-Ui Cairellan. Mebol áinfhial do denum for lar in airechta i n-dorus taighi h-Ui Cairillan, i fiadhnuse a derbhshethar fein, .i., mna Donnchadha: .i., triar da muinnter do marbadh maroen ris fein, .i., Cinaeth, mac Airt (.i., lan-biathach) h-Ui Bracan & mac Gilla Crist mic Cormaic, Mic Reodan, .i., derb-comhalta do Donnchadh h-Ua Cairellan.

U1179.2

Ard Macha do loscadh ex maiori parte: .i., na h-uile reiclesa & ina h-uile tempaill ro batar ann, uile do loscadh, cenmotha Reicles Brighti & tempoll na ferta.

U1179.3

h-Ua Ruadhacan, h-Ua n-Echach, do ec do ghalar tri n-aidhche iarna innarba & iar sarughudh Canoine Patraic do gar roime.

U1179.4

Cealla Thire h-Eogain o Shleib fadhes do fholmhughudh tria chocadh & tria dochmataidh isin bliadhain-sin.

U1179.5

Gilla Domnaigh h-Ua Farannan, aircinnech Arda Sratha & Mael Muire,


p.196

mac Gilla Cumain, secnap in baile cetna, in Christo quieuerunt.

U1179.6

Colman h-Ua Scannlan, aircinneach Cluane, mortus est.

U1179.7

Cluane & Ard Sratha & Domnach Mór & in Airnaidhe do fholmughudh do Feraibh Muighi Itha.

U1179.8

Noenenach, mac in fhir leighinn, Ua Touaid, toisech Clainne Finghin & a n-aircinnech archena & a comuirlech, mortus est.

U1179.9

{§LATE} Raghnall, mac Mic Raghnaill, toiseach Maintiri h-Eolais, occisus est.

U1179.10

Tuathal h-Ua Connachtaigh, episcopus Thiri Briuin, quieuit.

U1179.11

Sneachta na mure hoc anno. §