Kal. Ian. iiii. f., l. u., Anno Domini M.c.lxx.u.
Mael Isu .i., mac in chleirigh cuirr, espuc Uladh, suí ecna & crabaidh, plenus dierum in Christo quieuit.
Flaithbertach h-Ua Brolchain, comarba Coluim Cille, tuir ecna & einigh, fer dia tucadur cleirigh Erenn cathair espuic ar ecna & ar fhebus & dia tarcus comurbus h-Ia, do éc co fechtnach iar treblait toghaidhe i n-Dubrecles Coluim Cille. Gilla Mac Liac h-Ua Branan do oirdnedh i n-a inadh i comurbus Coluim Cille.
Mac comarba Finnein .i., Amlaimh, abb Sabaill, do éc i n-epscopoiti Uladh.
Mac Cormaic espuc Uladh, do éc.
Concobur, mac Mic Con Chaille segánaigh, abb Reiclesa Poil & Petair & comarba Patraic iartain, do éc i Roim, iar tocht d'acallaim comarba Petair.
Maidm ar Cenel n-Enna ria n-Echmarchach h-Ua Cathan & re Niall h-Ua n-Gailmredhaigh & ár mór do chur forru.
{§LATE} Gilla Coluim h-Ua Mael Mhuaidh, ri Fer Ceall, occisus est.
Maghnus h-Ua Mael Sheachnaill do chrochadh la Gallaibh.
Midhe d'fhassughudh o Ath Luain gu Drochet Atha.
Domnall Caemanach, mac Diarmoda Mic Murchadha, ri Laighean occisus est.
Sluaghadh la Gallaibh gu Luimneach, gu n-deachadair fair. §