Kal. Ian. iii. f., l. xx. iiii., Anno Domini M.c.lxx.iiii.
Flann h-Ua Gorman, ard-fher leighinn Aird Macha & Erenn{folio & column MS2 54b} uile, fer eolach, comarthamail i n-ecna diadha & domunda, iar m-beith bliadhain ar fichit i Francaibh & i Saxanaibh ic foghlaim & fiche bliadhain ic follamhnughadh scol n-Erenn, at-bath co sithamhail i tredecim Kallann Aprilis, Dia Cetain ria Caisc, septuagesimo aetatis sue anno.
Mael Patraic O Banan, espuc Condeire & Dail Araidhe, fer eirmhitnech, lán do noeimhe{folio & column MS1 52c} & do chennsa & do ghlaine cridhe, do éc co lan-fechtnach i n-h-I
Gilla Mac Liac, mac Ruaidhri, comarba Patraic, ardespuc & primaith Aird Macha & Erenn uile, mac óge lán do ghlaine cridhe & do sithamhla, do éc co fechtnach iar sentataidh toghaidhe, i sext Kalann April, Dia Cetain iar Caisc, octogesimo septimo aetatis suae anno, episcopatus autem trigesimo septimo. Ro boí in fer uasal sin sé bliadhna dec co lan-onorach i n-abdaine Coluim Cille i n-Daire ria comurbus Patraic.
Gilla Mochaidbeo, abb Mainistrech Petair & Poil i n-Ard Macha, mogh trebair, tairisi don Coimdigh, do éc pridie Kalendas Aprilis, septuagesimo etatis sue anno.
{§} Cath Durluis la Domnall h-Ua m-Briain & la Conchobur Maenmhaighi for muinntir Mic na Perisi .i., righ Saxan.
Mael Ruanaigh h-Ua Ciardha, ri Cairpri, occisus est.
Senodh Birra.
A. D. 1174. Mael Isu h-Ua Connachtan, episcopus Shil Muirethaigh, quieuit.
Amlaim h-Ua Cuind, taiseach Muinntiri Gillgan, mortuus est.
Muirgius h-Ua Dubhthaigh, cet-abb na Buille,
Imar mac Mic Cargamna h-Ui Gilla Ultan, toisech Muinnteri (Mail Sinna) moritur. §