Corpus of Electronic Texts Edition
The Annals of Ulster (Author: [unknown])

Year U1169

U1169.0

Kal. Ian. iiii. f., l. xx. ix, Anno Domini M.c.lx.ix.

{folio & column MS2 53b}

U1169.1

Damhliac Ciannan do loscadh.

U1169.2

Diarmait h-Ua Mael Sechlainn, Mídhe, do marbadh do mac a brathar, .i., do Domnall Bregach & do Donnchadh Ceinnselach h-Ua Ceallaigh.

U1169.3

Isin bliadhain cétna do-rat Ruaidhri h-Ua Concobair, rí Erenn, deich m-bú cecha bliadhna uadh féin & o cach righ i n-a dhegaidh co brath do fer leiginn Aird Macha, i n-onoir Patraic, ar leighinn do dhenamh do macaibh leighinn Erenn & Alban.


p.162

U1169.4

{§LATE} Ferchair h-Ua Niallain, taisech Clainni Uatach, mortuus est.

U1169.5

Loinges Roberd mic Stemin do thiachtain i n-Erinn, h-i forighin Mic Murchadha.

U1169.6

Ragnall h-Ua Mail Miadhaigh, taisech Muinntiri h-Eolais, mortuus est.

U1169.7

Conghalach h-Ua Tomaltaigh, fer leighind Cluana Mac Nois & uasal-shaccart, quieuit. §