Kal. Ian. ii. f., l. xii., Anno Domini M.c.lx.ii.
Errscardugh na taighi o thempluibh Daire do denum la comarba Coluim Cille (.i., Flaithbertach) & la righ Erenn, .i., la Muircertach h-Ua Lochlainn; dú in ro tógbadh ochtmoga taighi, no ni is uilliu. Ocus denam caisil in erlair la comarba Coluim Cille beos & mallacht ar inti ticfa tairis do gres.
Imblech Ibhair co n-a tempall do loscadh.
Senadh cleirech n-Erenn, im comarba Patraic, .i., im Gilla Mac Liac,{folio & column MS1 50a} mac Ruaidhri, ic Cloenad, i r-rabatur sé espuic fichet, co n-abadhaibh imdaibh, ic erail riagla & sobesa. Ocus is don cur-sin ro cinnset cleirich Erenn gradha ardespuic Erenn do chomarba Patraic, amail ro boi riam & na badh fer leighind i cill i n-Erinn nech acht dalta Aird Macha.
Sloghadh la Muircertach h-Ua Lochlainn co n-ermhór Leithi Cuinn co Magh Fitharta, co rabatur sechtmain
Argain Gall Atha Cliath la Diarmait Mac Murchadha & nert mór do ghabail forro, amail na ro gabhadh reimhe o cein mhóir.
Cuairt Ceneoil Eogain la comarba Patraic, .i., la Gilla Mic Liac, mac Ruaidhri, danach frith inntshamail reímpi.
Grene, epscop Atha Cliath & ardespoc Laighen, in Christo quieuit. Comarba Patraic do oirdnedh Lorcan h-Ui Tuathail, comarba Coemghin, i n-a inadh.
{§LATE}Mael Sechnaill h-Ua Ruairc occisus est.
Abbacia Buellíae hoc anno fundata est.
An Cosnomhaidh h-Ua Dubhda, occissus est. §