Corpus of Electronic Texts Edition
The Annals of Ulster (Author: [unknown])

Year U1158

U1158.0

Kal. Ian. iiii. f., l. xx. uii., Anno Domini M.c.l.uiii.

U1158.1

Domnall h-Ua Longargan, ardepscop Muman, in Christo quieuit.

U1158.2

Sluaghadh dano la h-Ua Lachlaind i Tir Conaill, co ro mill Fanait do leir.

U1158.3

Senodh do tinol la comarba Patraic & la cleirchib Erenn isin Bri Mic Thaidhg, dú i rabadur coic epscoip fichet, do erail riaghla & sobhesa ar cach i coitchenn. Is don chur-sin ro ordaighset cleirigh Erenn, im chomarba Patraic & im in Leghait, cathair do comarba Coluim Cille, .i., do Fhlaithbertach h-Ua Brolchan, amal gach n-epscop & ard-abdaine cell Coluim Cille fo Erinn uile co coitcenn.