Kal. Ian. iii. f., l. x. ui., Anno Domini M.c.l.uii.
Gilla Patraic Mac Carrthaigh, aircinnech Corcaighi, in Christo quieuit.
Cu Uladh h-Ua Caindelban do marbadh i mebhail la Donnchadh, mac Domnaill Shucaidh h-Ui Mael Sechlainn, tar sarughudh comarba Patraic & Bachlu
Daimhinis co n-a templuibh do loscud.
Comarba Patraic (.i., airdepscop Erenn) do choisecradh thempaill na manach i fiadhnusi cleirech n-Erenn, .i., in Leghait{folio & column M2 51b} & Ui Osein & Grenne & na n-epscop archena & i fiadhnuse laech n-imda, im h-Ua Lachlaind, .i., im righ Erenn & Donnchadh h-Ua Cerbaill & Tigernan h-Ua Ruairc. Do-rad dano Muircertach h-Ua Lochlainn ocht fichtiu bo & tri fichte ungai d'ór do'n Coimdhigh & do na cleirchibh. Do-rat dano baile ic Drochat Atha do na cleirchibh, .i., Finnabhair na n-Ingean. Ocus tri fichit ungai d'ór o h-Ua Cerbaill & tri fichit ungai aili o ingin h-Ui Mail Sechlainn, o mhnaí Tigernain h-Ui Ruairc. Ro h-escoitcennaighedh dano don chur-sin o thuaith & o eclais in t-ingrinntidh mallachtach ro sharaighestar comarba Patraic & Bachall Issu & cleirchiu Erenn archena: .i., Donnchadh h-Ua Mael Sechlainn.
Sluaghadh la Muircertach h-Ua Lachlainn co Tuaiscert Erenn i