Kl. Ianair ui f. l. iiii. Anno Domini m.c.xx.ui.
Ennai mc. mc. Murchadha ri Laigen mortuus est.
Sluagadh la Tairrdelbach H. Conchobuir i l-Laighnibh co ro ghaibh a n-giallu.
H. Mael Ruanaigh ri Fer Manach a suis occisus est.
Mael Isu H. Conne sui Goeidhil i senchus & i m-brithemhnacht & i n-urd Patraic iar n-athrighe thoghaidhe in Christo quieuit.
Corcach Mhor Muman cona tempull do loscadh.
Domnall H. Dubhdai do badhudh iar n-denam creichi i Tir Conaill.
Righ-therus Toirrdhelbaigh H. Conchobuir co h-Ath Cliath co tard righi Atha Cliath & Laigen dia mac .i. do Conchobur.
Anfad cocaidh mhoir i n-Erinn corbo ecen do chomarba Patraic bith mi for bliadhain fri h-Ard Macha i n-echtair oc sithughadh fer n-Erenn & oc tabairt riaghla & sobhesa for cach eter tuaith & ecluis.
Crec mebhla la Ruaidri H. Tuachair i n-Airtheraibh conat{folio & column MS2 50ra} tarthadar Airthir co ro ladh a n-ar & coro dichennadh fadhein.
Muiredach h. Cuillen airchinnech Clochair do marbadh d'Feraibh Manach.
Damh liac reiglesa Poil & Pedair do-ronadh la h-Imar H. n-Aedhacan do choisecradh do Cheallach comarba Patraic in xii Kl. Nouimbir.
Crech-sluaghadh la Tairrdhelbach H. Concobhair a n-Desmumain co roacht Glenn Maghair & co tuc boroma diairmhidhe.