Corpus of Electronic Texts Edition
The Annals of Ulster (Author: [unknown])

Year U1124

U1124.0

Kl. Ianair iii f. l. x.ii. Anno Domini m.c.xx.iiii.

U1124.1

Torfind m. Turcaill primh-oigthigern Gall n-Erenn subita morte periit.

U1124.2

Tadhg m. m. Carrthaigh ri Desmuman in penitentia mortuus est.

U1124.3

Bidhgadh mor do righ Temhrach dia Domnaigh Casc .i. a thech Casca do thuitim fair & for a teghlach.

U1124.4

Luimnech do loscadh uile acht madh bec.

U1124.5

Alaxandair m. Mael Choluim ri Alban in bona penitentia mortuus est.

U1124.6

Geill Desmuman do marbadh la Tairrdelbach H. Conchobair{folio & column MS2 49vb} .i. Mael Sechlainn m Cormaic m m Carrthaigh ri Caisil & H. Ciarmeic a h-Áne & H. Cobthaigh do Ib Cuanach Cnamchaille.

U1124.7

Ardghar m. m. Aedha H. Mael Sechlainn ridomna Ailigh do marbadh la muinnter Daire i n-ainech Coluim Cille.