Kl. Ianair iiii f. l. x.ui. Anno Domini m.c.x.ix.
Cenn Coradh do scailedh do Connachtaibh.
Muircertach H. Briain ri Erenn & tuir ordain & airechais iarthair in domain iar m-buaidh righi & aithrighi i féil Mo Choemhóc Leith & i .iii. Id. Marta in u.a feria in xx.uiii. luna mortus est.
Cú Collchaille H. Baighellan ard-ollamh Erenn ar dhan & ar deirc ar ainech ar coindercle coitchinn fri truaghu & triunu do marbadh do Feraibh Luirg & do Thuaith Ratha cum sua uxore et duobus filiis{folio & column MS2 49ra} satis bonis & cum xxx.u. alis eter mhuintir & oighedhu in una domu h-i sathurn Minchasc & h-i feil Becan m. Cula.
Ruaidhri H. Tomrair airchinnech Athna Móre quiéuit.
Flaithbertach H. Laidhgnen ri Fernmhuighi fri ré do éc.
Ferghal Innsi Locha Cré senoir airmitnech milidh toghaidhe De ad Christum migrauit.
Conchobur H. Gailmredhaigh toisiuch Ceniuil Moeoin do marbadh do Ib Dubhdai & do Clainn Laithbertaigh.
Niall m. Domnaill H. Lochlainn ridomna Ailigh & Erenn & tetra Erenn ar cruth & ar cheill ar ainech & ar ergna do thuitim la Cenel Moen isin .uiii. bliadhain .xx. a aisi i Luan & i n-dechmad & i feil na Tri M. n-Ennac in decimas octauas Kalendas Ianuarii.