KI. Ianair ui. f. l. xxui. Anno Domini m.c.ix. et in Chaisc for uii Kl. Mai & Minchaisc ala laithiu do shamhradh & feil Mo Colmóc Leith for Satharn Initi.
Gilla Ailbhe H. Ciarmaic ri Aine Cliach mortuus est.
Mael Isu H. Cuillen uasal-espoc Thuaiscirt Erenn, Aenghus H. Domnallan primh-anmchara samhtha Coluim Cille.
Ár H. m-Bresail im a righ .i. im Dartin & H. n-Echach do thuitim la H. Meith & la Feru Fernmhuighi.
Slogadh la Muircertach H. m-Briain i foiridhin Murchadha H. Mail Sechlainn co ro airg dreim de Uib Briuin.
Slogadh dano la Domnall H. Lochlainn co Tuaiscert Erenn co Sliabh n-Uait co n-derna Cellach comarba Patraic sith m-bliadhna eter H. m-Briain & H. Lochlainn co n-dechadur Tuaiscert n-Erenn iar sin co Magh H. m-Bresail for ammus Uladh batur i Maigh Cobha co tardsat Ulaidh na teora giallu ro thoghsat fein doibh.
Cocrich comarba Samhthainne Cluana Bronaigh quiéuit.
Aedh H. Ruairc do thecht i l-longport Murchadha H. Mael Sechlainn fo dó co ro l-la ár tria escaine samhtha Patraic.
Ár H. Meith im a righ .i. Goll Bairche & dream d'Feraibh Fernmhuighi do thuitim la h-Uib Bresail & la h-Uibh Echach.
Domnall Ruadh m Gilla Patraic ri Osraighi do marbadh do maccaeb aile ic cor cloche.
Donnchadh H. Duib Dirma mortus est.
{§}Gilla Patraic H. Selbaigh airchinnech Corcaidhe moritur.§