Kl. Ianair uii. f. l. u. Anno Domini m.xc.ix.
Ascalt mor fo Erinn uile.
Cenannus ab igne disipata est.
Diarmait H. Mael Athgen airchinnech Duin in nocte Pasce quieuit.
Ceall Dara demedia parte cremata est.
Caencomrac H. Baighill do ghabail epscoboiti Arda Macha dia Domnaigh Cengcigis.
Donnchadh m. m. Maenaigh abbas Ia, Uamhnachan ua Meic Tire comarba M. Leinin, Annud H. Longarcan comarba Coluim m Cremthainn in pace pausauerunt.
Slogadh la Muircertach H. m-Briain & la Leth Mogha co Sliabh Fhuait co n-derna Domnall comarba Patraic sith m-bliadhna etarru & Tuaiscert n-Erenn.
Slogadh la Domnall H. Lochlainn & la Tuaiscert n-Erenn tar Tuaim i n-Ulltaibh; Ulaidh dano i Craibh Telcha i l-longport. Comhraicit a n-di marc-sloigh, maidhes for marc-sluagh Uladh & marbtair H. Amhrain ann. Facbaid Ulaidh iar sin a longport & loiscit Cenel n-Eogain é & tescait Craibh Tealcha. Do-berar doibh iar sin da eteri & comarba Comghaill i l-laim fria da eteri aile.
- {§H2}Tuctha geill Uladh ar eicin
innisit fiadhain co feigh
la Domnall H. Flainn mur leomhain
& la sil no clainn Eogain fheil.
- Da etire trena tuctha
do loechraidh Uladh o chein
in tres cen dibh abb Comgaill
do righadh Domnaill H. Neill.- In nomaid bliadhain ar nochat
ar mile bliadhain co m-blaidh
o gein Crist cinnti cen crinadh
is innti ro siledh sein.§
Damh liac Arda Sratha do loscudh do Feraibh na Craibe for Uibh Fiacrach.
Ruaidri H. Ruadhacan ri Eirthir Airghiall & maccaim {folio & column H63vb} righ Erenn in .xlu. anno regni sui in decimo Kalendarum Decimbris suam uitam finiuit.