Kl. Ianair iiii. f. l. uiii. Anno Domini m.xc.i.
Murchadh m. m. Domnaill Remhuir do marbadh i mebhail la Enna m. Diarmata.
{folio & column H62vb}In leth iartharach do Raith Arda Macha do loscadh.
Donn Sleibhe H. Eochadha ri Uladh do marbadh la m. m. Lochlainn la righ Oiligh i m-Belach Goirt in Ibair i cath.
M. Aedha m. Ruaidri ri Iarthair Conacht do ec.
Mael Isu comarba Patraic i. .xu. Kl. Enair in penitencia quieuit. Domnall m. m. Amhalgadha do oirdnedh isin abdaine ina inadh fo cetoir.
Bliadain tra suthach co n-degh-sin in bliadain-si.