Corpus of Electronic Texts Edition

The Annals of Ulster (Author: [unknown])

Year U1088

U1088.0

Kl. Ianair uii. f. l. iiii. Anno Domini m.lxxx.uiii.

U1088.1

Cathalan H. Forreidh sui ind ecnai & in crabaidh i tert. Non. Marta i n-Imligh Ibhair dia Domhnaigh Initi in pace quiéuit. {§H2}

1. Cathalan in crabaidh coir
   ba sruith samaidh ba senoir
   for nem ina grianan n-gle
   luidh h-i feil Ciarain Saighre.

U1088.2

Slogadh la Domnall m. m. Lochlainn la righ n-Ailigh i Connachtu co tard Ruaidri {folio & column H62ra} giallu Conacht do & co n-deochadur diblinaibh isin Mumain co ro loiscset Luimnech & in machaire co Dun Achedh cu tucsat leo cenn m. Cailigh & co ro tochglaiset Cenn Coradh & rl-.

U1088.3

Tighernach H. Broein airchinnech Cluana M. Nois in Christo quieuit.

U1088.4

Ar mor for Gallu Atha Cliath & Locha Garman & Puirt Lairgi ria n-Uib Eachach Muman isin lo ro midhratur Corgaigh do arcain.

U1088.5

Mael Isu H. Mael Ghiric ard-fhile Erenn do éc.

U1088.6

{§H2}Hoc anno natus est Toirrdelbach H. Concoboir ri Erenn.§

p.524