Kl. Ianair .u. f. l. xii.Anno Domini m.lxxx.ui.
Mael Isu H. Brolcan sui in ecna & in crabaid & i filidhecht i m-berlai cechtardhai suam spiritum emisit. {§H2}
§
aidhchi fheile Fursa finn
ad-bath Mael Issu H. Brolchan
ach cia danach trom-tam tinn.
Mael Sechlainn H. Faelan athloech toghaidhi, M. Beathadh H. Concobuir ri Ciaraidhe, Erchadh H. Mael Fhoghamair ardescop Connacht, Mael Coemgin uasal-espoc Uladh, Fiachna H. Ronan airchinnech Cluana Dolcan in pace dormierunt.
Amalgaidh m. Ruaidri H. Ruadhacan do marbadh do Feraibh Fernmuighi.
Tairrdelbach H. Briain ri Erenn do ec i Cinn Choradh iar mor-martra & iar n-aithrighi fhota & iar tomailt cuirp Crist & a fhola i Prid. Id. Iuil isin sechtmadh bliadain sechtmogat a aisi. {§H2}
§ Tadhg imorro a mac do éc a cinn mhis.
i feil Iacoib co nglan-ruin
i .ix. fichet ad-bath
in t-airdrigh tenn Tairrdelbach.
Maidm na Crincha for Mael Seachlainn ria Laighnibh & ria Gallaibh i torcair Mael Ciaran H. Cadhusaigh ri Breg & alii multi.
Maidm ria n-Airteraibh for Uib Echach i torchair Domnall H. Atteidh.
Maidm Eochaille ria n-Ulltaibh for Airgiallu & for Ua Ruadhacan dú i torcair Cumuscach H. Laithein ri Sil Duibtire & Gilla Mo Ninne H. Eochadha muire Cloinni Sinaigh & alii multi.