Kl. Ianair .iiii. f. l. xx.uii. Anno Domini m.lx.iii.
Gormlaith ingen Cathail m. Ruaidri in perigrinatione i n-Ard Macha dormiuit.
Motodan H. Celecan secnap Ard Macha mortuus est.
Cathal H. Donnchadha airdri H. n-Echach Muman, Cu Duilig H. Taidhg ri Fer Li, Mael Sechlainn H. Motodan ridamna Ailigh a suis inimicis .i. o Cenel Conaill occisi sunt.
Coinnmedh mor la mc. Lochlainn ota Glenn Suilidhe siar co h-Iarthur Luighne & co Muaidh Ou n-Amalgaidh du i tangatur rig Connacht uile ina tech im Aedh H. Concobhair & im Aedh m. m. Neill Ui Ruairc & im m. Airt H. Ruairc.
h-Uaim Alla i Cera do ghabail o Chonnachtaibh for muinntir Aedha H. Conchobuir in ro muchta .lx. ar .c.
Niall m. Eochadha airdri Uladh a ec i n-Id. Nouembris & i n-Dardain & in .xuiii.
Cinaedh m. Aichir airchinnech Lis Mhoir Mo Chutu, Eochaidh H. Dallan airchinnech Coinneire in pace dormierunt.