Kl. Ianair .uii. f. l. xx.iiii. Anno Domini m.lx.
Cocadh mor i n-Ard Macha eter Cumuscach H. n-Erodhan & Dub Da Leithi comarba Patraic imon abdhaine.
Cenannus do loscadh do leir cona daim liac.
Leithgleann do loscadh do leir cenmota in dertach.
Domnall Deisech prim-anmcara Erenn & Conn na m-Bocht Cluana M. Nois ad Christum uocati sunt: {§H2}
§
coic mile cen oen esbaidh
fuair H. Forreidh co suilidh
do reir robeid robuilidh
o thus domain dograing tic
co h-eitsecht Domnaill Deisich.
Mael Ciaran H. Robocan airchinnech Suird mortus est.
Muircertach mac Gilla Fhulartaigh ridomna na n-Dese occisus est.
Maidm ria feraib Bregh .i. ria n-Gairbeid H. Catusaigh for Gailengaibh .i. Leochan m. m. Maelan & for Cairpri.
Flannacan H. Ceallaigh ri Bregh do éc ina ailithre.