Kl. Ianair .iiii. f. l. xx.i. Anno Domini m.l.uii.
Niall H. h-Eicnechan ri Ceniuil Endai a suis occisus est.
Dungal H. Donnchada ri Eoganachta Caisil do tuitim la Murchad m. m-Briain cum multis.
Finnguine H. Finnguine ridomna Muman do tuitim la Maelsechlainn H. m-Bric.
Echmarcach m. Cernaigh airchinneh Duin Lethglaise do dul dia ailithri.
Maidm ria Ruaidri H. Ruadhacan co n-Airrteraibh for Gilla Crist H. Faelchon & for Uib Eachach.
Mael Ruanaidh H. Fócarta ri Deisceirt Eile do tuitim la Donnchadh m. Briain.
Muircertach H. Tresaich ri H. m-Barche mortuus est.
Dub Da Lethe H. Cinaedha airchinnech Corcaighe & Robartach m. Ferdomnaigh comarba Coluim Cille in Domino dormierunt.
Domnall H. Ruairc do marbadh la Domnall m. Mael Ruanaidh ri Fer Manach.