Kl. Ianair, .ii. f., l. x. Anno Domini M.l.ui.
Cathusach m. Girr Garbhain comarba Cainnigh i Cianacht, Cetfaid, cenn cleirech Muman, quieuerunt.
Aedh H. Forreidh, ard-fer leiginn Aird Macha, in .lxx.u. aetatis sue anno in pace quieuit. {§H1}
§
Aedh H. Forreidh, in sui sen;
h-i .xiiii. Kl. Iuil
luidh int espoc ciuin ar cel.
Gormgal, prim-anmcara Innsi Dar Cairgrenn, plenus dierum in penitentia pausauit.
Tadhg m. In Cleirigh H. Concobair do marbad do Uib Maine.
Etru m. Lobradha, toisech Manach, tuir ordain Ulad, in penitentia mortuus est.
Crech la Niall m. Mael Seclainn for Dal n-Araide co tuc .xx. c. do buaibh & tri .xx. duine do brait.
Gilla Mura m. Ocan, rechtaire Tealcha Óg, mortuus est.
Flann Mainistrech, aird-fer leighinn & sui senchusa Erenn, in uita eterna requiescit.
Tene gelain do thiachtain coro marb triar ic Disiurt Tola & mac leighinn oc Surd & coro bris in m-bile.
Crech do-chuaidh Eochaid H. Flaithen aidhce Nodlaic Mór i Maig n-Ítha co tuc .u. c. bo coruici Uissin, .i. co h-obuinn Muighi h-Uatha & for-acsat{folio & column H59vb} na bu isin obainn & ro baete ochtur ar .xl. dibh im Cuilennan m. Dergan.