Kl. Ianair, .uii. f., l. x.uiii. Anno Domini M.l.iiii.
Imhar m. Arailt, ri Gall, do ecaibh.
Aedh H. Fergail, rí Telcha Og, & m. Archon H. Ceilecan, rí H. m-Bresail, do marbad do Feraibh Fernmuighi.
Dubghall H. h-Edacan, rí H. Niallan, do marbad do U Fhlaithen.
Maidm Finnmuighi for Uib Meith & for Uachtar Tire ria n-Uib Eachach, du i torcair In Croibderg, ridomna Uachtair Tire.
Aedh m. Cenneitigh m. Duinn {folio & column h59va} Cuan, muire Clainne Tairrdhelbaig, do marbad do Connachtaibh.
Cath eter firu Alban & Saxanu i torchradur tri mile do Feraib Alban & mile co leth do Shaxanaib im Dolfinn m. Finntuir.
Loch Suidhe Odran i Sleibh Guaire do éludh a n-deredh aidche Fheile Micheil co n-dechaid isin Fabaill, quod non auditum est ab antiquis.